秋葉原大家應該都去過好多次啦？所以一見到呢座模型，都實認得喇。由千葉經濟大學模型部製作，呢個模型精細度極高，喺Twitter已經好多相同片出咗。

有無幫襯過呢間秋葉原嘅麥記？最近「麥當勞JR秋葉原店」宣布將會喺3月31日結業，門口仲貼咗張好靚嘅海報，係麥當勞叔叔嘅背面，舉起手同大家瀟灑講再見「See You」。唔講唔覺呢間麥記原來已經開業12年，位於電氣街旁邊嘅東西自由通路附近，去開秋原葉可以去買多次老麥懷緬吓。

去日本旅行，你都可能去過啲咩工房，自製啲嘢留個記念咁。咁如果係自製鍵盤呢？正喎，又實用又好玩。日本秋葉原就開咗間日本初「自作キーボード（PC用）専門店」，名為「遊舍工房」，下次去多個好去處啦。

去剪頭髮如果有機打，有大量漫畫睇，仲會播緊動畫，而髮型師又可以同你傾動漫話題，咁係咪爽先？喺日本秋葉原有一間「オタクのための美容室」，上年都有人介紹過，啱啱又有新聞，講到呢間店嘅客人有80%會再嚟，店內有約2500本漫畫，而且今年仲會開女性專用嘅2號店，咁入面啲漫畫咪……

有無發現近年去日本便利店，職員多咗好多外籍人士？其中一個原因係日本便利店不斷擴張，人手越唔越唔夠。最近部份Lawson開始實行全自動數碼化，例如秋葉原其中一間Lawson，炸雞唔再需要店員拎，而顧客可以用Laswon嘅App直接scan產品然後用Apple Pay或者信用咭俾錢，然後離開店舖。有人問會唔會好易有偷竊或者意外發生？而家買完嘢之後，顧客會收到電郵確認，同埋一個QR Code，店內嘅裝置可以直讀呢個QR Code，確認買賣雙方都完成咗呢個付款方式。可以想像未來會越唔越少便利店職員，大家又覺得咁樣係好定唔好呢？

按摩嚟講，會唔會想試吓動畫囡囡幫你按？呢間活用VR嘅按摩店「とらのあなVRリラクゼーション」年內會喺秋葉原開幕，早前喺UDX免費試玩都好爆。咁即係點？即係按摩就真係按摩，但現實中係冇動畫角色嘅。

《閃乱カグラ》早前有新作發表會，鹹到YouTube都直直播吓要Ban咗佢。咁活動當然冇咁簡單，早幾日喺秋葉原嘅「野郎ラーメン」拉麵店仲變埋主題店，主角當然係拉麵啦，咁啲配角就係一眾「店員」，呢幾日喺Twitter佢哋都有出圖，仲有當然係好多人去幫襯咗，睇番地址，活動去到8月19日，仲有機會食飽啲！

以為只係傳說中嘅飲品，原來真係存在。日本有網民去咗秋葉原嘅居酒屋「もつ道」，仲點咗呢杯凍結咗嘅奇異果特飲！造型估唔到同圖片一樣，啲奇異果屹立不倒，不過飲飲吓好易甩落嚟喎。之後有網民放咗檸檬版本，似乎最近好流行，下次去開秋葉原可以挑戰吓。

  今日係秋葉原無差別殺傷事件10周年，好多人都去到「東京都千代田区外神田」秋葉原獻花悼念死者。不過同時都有好多記者到場，有網民就影咗啲相，覺得佢哋咁樣聚集喺度又開電腦又好近咁影悼念嘅人唔係咁好……

眨眼間秋葉原嘅無差別殺傷事件已經發生咗10年，當年事件震驚全球，當日正值星期日，有兇徒喺「東京都千代田区外神田」秋葉原持刀殺人傷人，最後令7人死亡，10人受傷，更加令到每逢星期日12時至17時嘅「秋葉原歩行者天国」行人專區停開，直至2011年1月23日先再開番。啱啱Twitter專頁「フォト秋葉原」分享咗秋葉原嘅現場相片，好多群眾無忘記呢件事，有人獻花同埋飲品悼念，道路好平靜，希望呢啲事件真係唔好再發生，祝願秋葉原繼續平和安全。

排住隊酒囉。呢間「立ち飲み！SOD女子社員」今日(3日)正式開業，就係喺秋葉原嗰間SOD度搞「立飲店」，飲嘢當然重要，但更重要係有SOD女優到場呀！店員呀！到底會唔會有偷拍？到底去飲嘢之後會唔會喺之後嘅電影見到自己？

嘩！「立ち飲み！ SOD女子社員」，5月3日開始，秋葉原就有呢間SOD立飲店，即係企喺度飲嘢啦，咁SOD唔會咁簡單嘅，一連四日就有女優紗倉まな、戸田真琴、桐谷まつり、市川まさみ到場！日本黃金周又多個好去處啦！唔知喺入面會唔會有啲劇情發生呢？

之前東京遊戲展都有專俾女仔玩嘅VR遊戲，最近SEGA喺秋葉原嘅SEGA VR AREA AKIHABARA仲有呢款結婚VR遊戲「挙式VR」，可以模擬同動漫角色結婚，每玩一次800円，可以同3個角色其中一個結婚，當然如果想結晒嘅可以玩3次。最正係玩完之後可以加700円，拎埋有你同主角相片合成嘅結婚證明書，至到5月8日咋，想玩嘅記住快啲去。

日本有好多賣廣告嘅貨車，都應該見過啦？不過如果搵單車，仲要搵埋女高中生嚟踩，都幾吸引。講緊係播緊嘅電視動畫《からかい上手の高木さん》出碟，就喺秋葉原、渋谷一帶有呢個宣傳活動。

10年前嘅你開始去秋葉原未？日本有網民放咗幾張相，拍攝秋葉原同一個地點10年前後嘅變化。輯相勾起好多人嘅回憶，喺Twitter好多人RT。有人話以前嘅秋葉原感覺上滿載夢同希望、有人話好掛住舊嘅秋葉原車站，另外有網民發現的士站嘅位置無變過，而整體嚟講新嘅秋葉原感覺暗咗知係咪因為地震後節電。有網民發起投票問大家鐘意新定舊，結果6成揀舊4成揀新，比你又會點揀呢？