Post Tagged with: "福袋"

《庚子年賀年市集》推出限量福袋 每個$480必搶
by / on 18/01/2020 at 9:00 am

《庚子年賀年市集》推出限量福袋 每個$480必搶

正呀喂!《庚子年賀年市集》推出埋福袋添呀喂。咁福袋有乜餡先?聽住嘞,有:Rambler畫集、T-Dult Tee、Comic O、《香港重機》畫集、《鬥恐怖》、《森巴畫集》、Postcard或襟章或Folder或貼紙等等,再送多兩張Rambler四子手繪小畫板,總值肯定過千,依家只賣$480。另一個問題,Total有幾多個福袋先?限量12個,咁抵買實多人搶,不過我唔搶,因為好多Product先前已經買落,留番畀幸運兒。

Read more ›

草日書展出《十分【】的貓》 福袋形式售賣包眼鏡布
by / on 09/07/2019 at 10:15 pm

草日書展出《十分【】的貓》 福袋形式售賣包眼鏡布

書名係幾有心思嘅,草日新書叫《十分【】的貓》,「【】」係乜,相信各貓奴可以因應自己主子性格填入。而更有心思嘅係,今次新書會以福袋形式售賣,書展會場價$138,包紀念布袋、《十分【】的貓》同三款限定眼鏡布其中一款。咁當然,有得揀,一定揀「黃手套大叔的愛」眼鏡布,畢竟好多讀者都同我一樣,諗番起之前嘅「黃手套之亂」,依家都笑得出。

Read more ›
林皮推出蘇飛福袋 Pinkoi Market有賣
by / on 20/11/2018 at 9:15 pm

林皮推出蘇飛福袋 Pinkoi Market有賣

本土插畫家林皮首次出女飛賊蘇飛限定福袋,喺嚟緊Pinkoi Market品品市集發售,福袋有唔同價錢同款式,內餡有2019月曆、燙金紙膠帶、化妝收納袋、故事書之類。係佢Fans的話,記得捧場。

Read more ›
【又係Winning?】PS4福代抵唔抵?「PS4の夢」賣35,000円
by / on 31/12/2017 at 10:42 pm

【又係Winning?】PS4福代抵唔抵?「PS4の夢」賣35,000円

福袋嘅嘢,都係有幸有不幸o架喇。有日本網民就買咗呢個「ヨドバシカメラ」嘅福袋「PS4の夢」,35,000円,之後見到入面有一部PS4,唔係Pro,仲要係500GB版,之後一隻《Final Fantasy 15》加多隻《Winning Eleven 2018》……唔計隻《全民高爾夫》下載碼,PS4 500GB賣32,370円,Winning賣4,980円,FF15就現價1,980円,計番都39,330円,都係有賺嘅,當然如果係好似傳聞中嘅Pro加兩隻勁game咁就最著數啦……話時話,Winning似乎已經成為福袋必備妙品。

Read more ›
日本福袋奇異事件 四手上衣俾邊個著?
by / on 03/01/2017 at 10:00 pm

日本福袋奇異事件 四手上衣俾邊個著?

日本福袋入面,成日都會有啲你估唔到嘅嘢。好似呢位日本網民咁,佢買咗個女裝品牌CECIL McBEE嘅福袋,發現入面有件上衣有四隻袖,咁佢就覺得唔係俾正常人類著嘅,唔通對象係佢?定或者係佢?最後有人解答咗,fashion嘅嘢……

Read more ›
【有片】日本網民開箱 2017年PS2福袋有啲咩
by / on 03/01/2017 at 4:46 pm

【有片】日本網民開箱 2017年PS2福袋有啲咩

真係要講明係2017年,因為呢個係PS2嘅福袋,講真,1980円,買份回憶都喺度啦。呢位機迷買咗福袋之後就喺網上直播開箱,入面有啲咩呢?有《鬼武者》,超經典,但竟然冇傳說中嘅《Winning Eleven》?

Read more ›

【無限輪迴】日本超悲慘PS2福袋     5年後依然原封不動
by / on 02/01/2017 at 12:24 pm

【無限輪迴】日本超悲慘PS2福袋 5年後依然原封不動

有上開日本網嘅,都可能記得呢個超悲慘福袋。當年有日本網民喺新年買咗個100円嘅PS2福袋,打開嚟睇,入面居然有10隻一模一樣嘅《Winnine Eleven 6》,要搵齊朋友踢波不是夢啦。更慘嘅係,事隔5年,每到新年呢位樓主就會俾人提起呢件傷心事,討論區一講起福袋梗會有人貼佢呢幾張圖出嚟。嚟到2017年,樓主都有喺twitter出post,原來呢10隻game至今喺佢屋企依然原封不動。

Read more ›
日本今年遊戲福袋 必備《Final Fantasy XV》?
by / on 01/01/2017 at 3:16 pm

日本今年遊戲福袋 必備《Final Fantasy XV》?

《FF XV》全球賣得好,但喺日本就麻麻,早排銷量先達到80萬隻。咁咁多貨點算?今年嘅遊戲福袋內容,應該必備《FF XV》一隻,有網民買咗個5000円福袋,有3隻遊戲,當中就有《FF XV》,仲有另一隻「好嘢」《JoJo奇妙冒險Eyes of Heaven》。老老實實,其實我仲玩緊《FF XV》,暫時唔覺得太差。

Read more ›
【新年長龍】日本各地Yodobashi現人龍 為福袋落雪也不怕
by / on 31/12/2015 at 10:57 pm

【新年長龍】日本各地Yodobashi現人龍 為福袋落雪也不怕

除夕你會去邊度玩?有啲咩先吸引到你除夕唔去玩而去排隊?北海道仲落緊雪喎!日本Apple今年冇福袋賣,咁最多人排係咩福袋?可能就係種類好多嘅「Yodobashi(ヨドバシカメラ)」福袋喇,Twitter好多人放咗日本全國唔同店舖嘅店外相,北海道冰天雪地,照排。入嚟回帶睇埋上年福袋開袋片。

Read more ›
【中伏】日本福袋又中伏    5000円買24支樽裝水
by / on 30/10/2015 at 7:06 am

【中伏】日本福袋又中伏 5000円買24支樽裝水

o依家先10月,所以其實唔係新年嘅福袋,係「お楽しみ袋」,不過都係嗰類嘢,買嘅可以博個好運,賣嘅又可以清吓舊貨,大家開心。不過最近有日本網民就中伏嘞,佢用咗大約5000円去日本專賣家電嘅Nojima買「お楽しみ袋」,點知送到屋企嘅時候,打開入面發現只有24支500ml嘅樽裝水!平均200円一支水,仲貴過喺便利店買。張相放上2ch討論區後引起網民瘋狂恥笑,有人叫佢退貨,有人就講風涼說話:「我中咗部PC呀,原來全靠有人唔中獎我先有收獲。」睇返呢個「お楽しみ袋」嘅大獎原來係PS4同PS Vita,SONY會唔會考慮幫吓呢位苦主呀?

Read more ›
人間慘劇     日本AV福袋變不幸袋
by / on 07/01/2015 at 7:06 am

人間慘劇 日本AV福袋變不幸袋

又要講返啲衰嘢,早幾日GameoverHK網站被攻擊停咗幾日,所以呢單新聞遲咗出。話說日本好多人鍾意趁新年買福袋,有位日本網民就去咗買AV福袋(其實係H動),雖然話係福袋,買返嚟嘅其實係個紙皮箱,打開個箱就發現入面有15隻碟,以為好爽,點知翻轉一睇,嗚!居然15隻都係同一款式!望住15隻內容一模一樣嘅碟,唔通用嚟派比朋友?件事當然比網友攞嚟恥笑,仲形容呢個係「不幸袋」,有網友仲發現全部都係第2集,即係受害者無得睇返第1隻。價錢1000円,即係港幣70蚊唔駛,一分錢一分貨,經一事長一智喇。

Read more ›

銀座蘋果現長龍 一早又嚟買福袋
by / on 30/12/2014 at 2:57 pm

銀座蘋果現長龍 一早又嚟買福袋

對於物慾無窮嘅消費者嚟講,日本新年買福袋就最開心,而當中最吸引日本人嘅就係Apple嘅福袋喇。36,000円,上年有人買到入面有MacBook Air、Beats喇叭嘅福袋,排幾日都抵番條數!不過有幸有不幸,我哋都報道過前年有日本記者排咗幾日,最後入面只係得啲唔等駛嘢,入嚟有回帶……今年蘋果福袋喺1月2日晨早8點開售,早喺Boxing Day已經有好多人排隊(上年有800人)……

Read more ›
日傳媒開箱 33,000円Apple福袋 內藏總值17萬円貨品
by / on 02/01/2014 at 4:59 pm

日傳媒開箱 33,000円Apple福袋 內藏總值17萬円貨品

嗚呀!堅葡萄!上年有日本傳媒早8日去排第1,諗住實有Macbook Air,點知最後唔係排得早就有……今年呢個醒,只係早24小時到達,而佢就抽到11吋128GB Macbook Air!原來日本蘋果福袋係個背囊,佢拎晒所有貨品出嚟,嘩,又耳機又Mouse又beats喇叭,最後點數,係價值176,840円!差唔多賺咗6倍呀!而喺涉谷店,今年亦都總共派出咗8部Macbook Air,24個鐘,真係抵呀!

Read more ›
日本果迷排福袋 札幌AppleStore落大雪最慘情
by / on 02/01/2014 at 4:34 pm

日本果迷排福袋 札幌AppleStore落大雪最慘情

日本人對Apple產品嘅崇拜熱好強,每年嘅福袋都引嚟好多人排長龍。仲記得上年有日本記者排隊…….講番今年,1月2日開賣,日本各地都出現人龍,涉谷就冇乜事幹,最慘情應該係北海道嘅札幌,因為嚟咗場無情雪,將果迷雪晒入雪櫃……今朝已經開賣咗喇,邊個有MacBook Air呀?

Read more ›
有人歡喜有人愁 日本秋葉原路邊滿希望
by / on 01/01/2014 at 8:22 pm

有人歡喜有人愁 日本秋葉原路邊滿希望

新年呀,你哋俾阿寶抖吓得唔得?喺秋葉原買福袋,年年都有人賴嘢,但年年都繼續有好多滿懷希望嘅人去俾多次機會佢!今年喺日本秋葉原街頭又見到好多被拋棄嘅福袋,當中其實又真係好令人氣餒,好似有日本網民就喺Twitter放咗張相,佢買咗個5,000円福袋,裏頭有3隻遊戲,一定超過5,000円呢個數,如果以當年嘅正價計算……係3隻PS2嘅《Unlimited Saga》。

Read more ›