Post Tagged with: "福利模型"

福利報價: 三連星渣克到貨 四驅車金屬工具紫黑粉紅斷貨
by / on 14/06/2015 at 5:31 pm

福利報價: 三連星渣克到貨 四驅車金屬工具紫黑粉紅斷貨

今個星期都係HG當道, 黑色三連星版, 有砌過紅渣都知好有誠意, 所以絕對值得買! Reconguista in G都有新嘢返, 哎! 我唔知點形容, 呢個系列喺我心目中, 完全OUT出咗高達之系譜, 喜歡的可以繼續, 同麻煩閣下幫小弟進行再教育; 另外喺收銀櫃對出, 我發現咗一隻砌起非常正嘅坦克, 相信唔太多人留意, 值得望吓。

Read more ›

福利報價: 買HG G-SELF只係為背脊 風之谷模型$75
by / on 19/04/2015 at 10:24 am

福利報價: 買HG G-SELF只係為背脊 風之谷模型$75

四月啫! 未到五窮六絕, 但點解都冇乜玩具玩? 今個星期注目點, 應該係隻GUNDAM G-SELF ASSAULT PACK, 有個機械人大背包, 都係開$230; 可以接受喎! 冇計啦! 主角機唔多討好, 我就主要為買佢背脊嗰隻嘢啫, 方便之後改模型嘛!

Read more ›
福利報價:  WING GUNDAM條毛少炒 叮嚀夾心餅$9人間美味
by / on 02/03/2015 at 1:02 am

福利報價: WING GUNDAM條毛少炒 叮嚀夾心餅$9人間美味

今個星期個個入福利, 都係為咗一條毛! 呢條毛係RG WING GUNDAM嘅, 星期日朝去到都仲有幾多貨, 真心做到嘢, $250呢個價位高唔高, 見仁見智啦! 你冇訂貨的, 但喺呢度買到, 世間上一啲令人心動嘅嘢, 絕對無價嘅! 而且嗰幾條毛的確做得唔錯, 好光滑, 而且又透透哋明, 透晒又好似冇晒味道, 應該點噴先唔破壞佢嘅感覺呢? 我未敢動手, 希望有師兄做啲辨出嚟, 畀細佬跟吓!

Read more ›
PG獨角獸到貨 福利$1600/精品$1380 燈Set賣晒
by / on 11/12/2014 at 3:37 pm

PG獨角獸到貨 福利$1600/精品$1380 燈Set賣晒

  噚日福利放假,今朝一早PG獨角獸就話到貨,開價係$1600,可惜色燈套件馬上沽清了,苦茶都撲咗個空,大家都知道燈set套件非常缺,有幸撞到記得要畀錢呀! 另外最新消息係精品都到咗貨,本體賣$1380(嘩抵!),套燈賣$830,不過都賣晒喇,據講下水要等到1月……

Read more ›
福利報價: 福利大減價人滿為患 妖怪手錶出BIG版!!!
by / on 30/11/2014 at 4:02 pm

福利報價: 福利大減價人滿為患 妖怪手錶出BIG版!!!

今個星期福利做減價, 真係人迫到插針都唔入! 聽講有成30幾箱模型放咗出嚟做特價, 真係買到唔停得手; 不過經過一輪衝殺之後, 仲有乜正貨? 我噚晚臨收舖時走咗一轉, 都仲有幾多選擇。

Read more ›
福利賣舖背後仲有故仔?
by / on 24/10/2014 at 7:52 pm

福利賣舖背後仲有故仔?

  今朝11點,facebook出現咗一個古怪post,有人吹出深水埗福利賣舖收山了,真係吹到似層層,仲實牙實齒講到賣舖價2800萬,不過。。。。。。事實係下晝4點,喵店長22號走出嚟,扮咗個[許Sir發報會],澄清係絕無此事啦!

Read more ›

福姑3D公仔X微影街牌 買大SET送福利背景相
by / on 12/10/2014 at 7:00 pm

福姑3D公仔X微影街牌 買大SET送福利背景相

微影個香港街景系列真係好正, 有好多香港地道路牌, 兼有垃圾桶同水龍頭, 砌香港地道街道情景, 真係過癮到不得了! 今個星期仲新返咗個福利特別版, 裏面仲有阿福姑嘅3D噴粉公仔, 聽講佢手抱嗰隻係退休貓店長–DIDI!

Read more ›
福利報價:BUILD BURNING 周一再返貨 HIACE警車版最正砌情景
by / on 12/10/2014 at 6:30 pm

福利報價:BUILD BURNING 周一再返貨 HIACE警車版最正砌情景

  今個星期重點一定係BUILD BURNING GUNDAM啦! 一直長期有斷貨現像, 基本一到貨就馬上清, 我收到風, 星期一朝早會再到貨, 未買到嘅人記得聽朝福利開門時間喇!

Read more ›
福利報價: MJ超像真 熊本熊四驅貨唔多
by / on 01/10/2014 at 6:32 pm

福利報價: MJ超像真 熊本熊四驅貨唔多

  我都知大事大非面前, 大家都冇乜心情玩玩具, 啱! 福利今日都冇開門; 今晚大家撐完學生, 聽朝再食完個早餐, 可順路過深水埗買件玩具獎勵自己! FIGURE裏面隻MJ好正; 千值練支柯柏文筆都到咗, 實物睇真係好仔細; 有頭有面TONY版FIGMA IRON MAN要去到$1,150; 熊本熊四驅車仲有少量, 大家留意。

Read more ›
福利報價: 英格倫開$235 四驅車特別版大量
by / on 14/09/2014 at 10:17 am

福利報價: 英格倫開$235 四驅車特別版大量

今個星期識玩都係玩英格倫, 造功口啤唔錯, $235價位唔叫高, HG嗰邊都有隻ZII都幾靚仔, 至於AMAZING EXIA……個人一直唔太鍾意呢個系列, 而且成身尖刺, 真係睇見都煩, 四驅車熱潮都仲係KEEP住個勢, 而且孖星嗰邊好似仲忽發善心, 將大量特別版車推出, 未買BLACK ARROW嘅要快手喇, 點知佢幾時又冇貨呀!?

Read more ›
福利報價: KA版Hi Nu開報$475 $40宇宙巡洋艦返得一箱
by / on 31/08/2014 at 2:36 pm

福利報價: KA版Hi Nu開報$475 $40宇宙巡洋艦返得一箱

  噚日都提咗大家, 隻KA版Hi Nu到咗貨, 價位稍稍高, 開$475, 冇計頭水貨嘛! 另一隻重頭係《宇宙戦艦ヤマト2199》嘅宇宙巡洋艦, 雖然係細比例, 不過造功超精細, 今次出到第6款, 之前買咗冇理由唔買, 而且貨量超少, 只得一箱, 而且好少話會有再返貨, 見到大家記得放低$40。

Read more ›

福利報價: 年中感謝祭2014透明模型DISPLAY 叮噹/島風熱賣
by / on 06/07/2014 at 6:41 pm

福利報價: 年中感謝祭2014透明模型DISPLAY 叮噹/島風熱賣

今個星期福利成間, 完全俾特別版模型佔據! 首先係門口有齊Set透明版「年中感謝祭2014」嘅高達模型, 不過當然係只可齋睇冇得賣啦! 另外店內仲有特別版用色 嘅MG同HG, 全部量唔多, 買一隻就少一隻, 大家要留意喇! NEO ZEONG喺星期中已經再返貨, 連袋版已經賣晒, 齋模型價錢係$1,620, 好似輕微上調了! 另外今個星期艦娘隻島風, 同叮噹蛋都好熱賣, 據知叮噹蛋要有日本ACCOUNT先下載到3D APP, 大家留意!

Read more ›
福利報價: 大和號小艦全港限量100!? WAVE五星復刻等你破地獄
by / on 01/06/2014 at 11:41 am

福利報價: 大和號小艦全港限量100!? WAVE五星復刻等你破地獄

月底玩具模型係出多啲嘅! 真係多到人眼都花, 今個星模型話題焦點, 係大和號兩隻艦, 首先喺大比例嗰隻SCHDERG, 買開嘅冇理由斷咁隻, 另外細比例嗰隻大和號仲激, 小道消息收風, 行貨嗰邊全香港只返咗一箱, 亦即係只得100盒咁! 老實! 一間舖都隨時唔止賣100盒啦! $35隻喎! 所以好多舖要諗計從不同渠道撲貨, 總知人間慘事啦! 見買要快手!

Read more ›
福利報價: 維修版剎帝利$420下調至$399 Q版GENSIC GAO GAI GAR玩合體
by / on 18/05/2014 at 2:58 pm

福利報價: 維修版剎帝利$420下調至$399 Q版GENSIC GAO GAI GAR玩合體

NZ-666 KSHATRIYA REPAIRED今個星期五到咗, 都係左改改右加加又一隻新嘢出, 不過好彩價錢唔叫貴, 初出係$420, 但馬上回落至$399, 想知到啱唔啱砌? 下面連說明書都影埋, 如果有買對上一隻剎帝利, 可以將兩本書對一對。另外壽屋又出Q版GENSIC GAO GAI GAR, 今次正晒, 玩合體變身, 成件事上咗一個層次! 另外手帶貨嗰邊有隻天空之城嘅海盜飛船, 全隻用紙砌成, 好似得好少量, 要就早啲出聲!

Read more ›
福利報價: RG EXIA開$160 補品剛送晒
by / on 29/04/2014 at 12:12 pm

福利報價: RG EXIA開$160 補品剛送晒

    上個星期尾返咗RG隻EXIA, 好似話做得唔錯, 福利呢邊開$160仲有補品件送, 真係賣到開晒巷, 不過我剛去到時已經送晒, 真係相當飲恨! 另外S.H.Figarts隻RX連電單車都係呢期熱炒貨, 呢度有分開賣, 未買到車嘅人可以留意, Figure開$300、兩個轆就$588。另外LINE有套吸印公仔連填色冊, 感覺幾靚仔; BANDAI嗰兩隻妖怪貓又再返貨, 我想噴冧冧同22號嘅專用色, 唔知福菇可唔可以幫手配呢!?

Read more ›