Post Tagged with: "神人"

【圖集】日本銀仔神人又出動 兩個鐘砌完神級藝術品
by / on 04/12/2016 at 12:35 pm

【圖集】日本銀仔神人又出動 兩個鐘砌完神級藝術品

呢個日本神人たぬ好勁,經常玩銀仔。最近佢就用一套銀仔砌咗呢個陣出嚟,喺Twitter好多人RT。今次嘅完成品好宏偉,最勁係佢話只係用咗兩個鐘唔夠就完成咗!睇返佢之前嘅作品,真係勁到一個點,絕對係力學界嘅權威,入嚟有回帶

Read more ›

Nike波鞋+羊頭+獅子!一筆過畫完!
by / on 31/10/2016 at 11:15 pm

Nike波鞋+羊頭+獅子!一筆過畫完!

又一神人!唔多,只不過係畫咗Nike波鞋、獅子同羊頭三幅畫作啫,但勁在一,完全唔使起稿,執筆即畫;二,超快,我諗唔使五秒已經畫完,但快得嚟真係似喎,完全知佢畫緊乜,唔使估估吓;三,一筆過,無錯,真係由頭到尾一筆過,中間無斷筆,純用線條勾勒輪廓,手好定,無話窒窒吓,出嚟嘅線條好潤滑,無話手震震起晒角。我無聊,都試吓一筆過畫公仔,結果令人滿意──我畫嘅係一粒五角星。

Read more ›
【新片速報】LEGO神人砌出日本姫路城   藏身書內打開彈出
by / on 24/05/2016 at 7:15 am

【新片速報】LEGO神人砌出日本姫路城 藏身書內打開彈出

日本嘅姫路城係世界文化遺產之一,呢個LEGO神人Talapz超勁,7年前整過金閣寺,最近挑戰姫路城,成座砌出嚟不特止,座城仲藏身喺本書入面!即係好似立體聖誕咭咁,當你打開本書,座3D嘅姫路城就會彈出嚟。唔係有片嘅話我都唔信,堅勁。入嚟有回帶睇返金閣寺段片,勁。

Read more ›
日本LEGO神人專砌食物 炸蝦天婦羅/PIzza超像真
by / on 06/05/2016 at 7:13 am

日本LEGO神人專砌食物 炸蝦天婦羅/PIzza超像真

LEGO神人輩出,呢位來自日本嘅Tray,強項係整LEGO食物,睇見佢嘅Pizza又有層次又好似幾好味,已經睇得出佢實力非凡,仲有天婦羅炸蝦、日式便當、香蕉、漢堡包,睇見都覺得勁。有人懷疑佢係LEGO Master Builder,即係全世界只得40個,由LEGO官方挑選嘅LEGO Master!除咗食物,Tray仲有砌LEGO高達、白兵、Simpsons甚至One Piece船,入嚟有回帶。

Read more ›
日本摺紙神人 摺出Google Android公仔/FB Logo
by / on 31/03/2016 at 7:12 am

日本摺紙神人 摺出Google Android公仔/FB Logo

日本摺紙界一直有好多神人,前排介紹過黑武士摺紙,最近有位日本網民就走去摺咗隻Google Android,之後其他網友讚兩句佢又飄飄然再發功,最後摺埋Apple、Facebook同Gmail嘅Logo,連Facebook個Like都摺到,無嘢難倒佢,勁。

Read more ›
【神作】《鐵達尼號》破船LEGO超細緻 逃生乘客逐個睇
by / on 21/01/2016 at 7:14 am

【神作】《鐵達尼號》破船LEGO超細緻 逃生乘客逐個睇

LEGO神人Ryan McNaught又有新作,今次呢件好正,係《鐵達尼號》沉船一刻嘅模型。話佢勁因為唔止架船夠巨型,用12萬塊LEGO砌成,仲因為入面每一個細節都做到足,超細緻,例如你可以見到就嚟跌落海嘅乘客,又或者喺海中划艇逃生嘅乘客,而破船嘅連接位都做得好精細,難怪要用足250小時先可以完成。不過今次Ryan唔係一個人整,佢仲搵咗朋友Mitchell Kruik同Clay Mellington一齊合作,好彩無搭沉船唧。

Read more ›

【LEGO神人又出動】自製《Star Wars》千歲鷹    識發光靚過官方出品
by / on 29/12/2015 at 7:16 am

【LEGO神人又出動】自製《Star Wars》千歲鷹 識發光靚過官方出品

今個月繼續都係星戰狂熱,除咗一班新角色,再次出場嘅千歲鷹都好受歡迎,LEGO神人Marshall Banana就以足足一年時間,用咗7500塊LEGO砌成呢架獨一無二嘅千歲鷹,超精細,中間仲識發光!BTW,今集《The Force Awakens》推出,官方都有出千歲鷹LEGO,不過只得1329塊LEGO唔夠精細,講起千歲鷹,再舊啲仲有之前官方出嘅Ultimate Collectors Series Falcon,有5千塊LEGO,Amazon賣緊美金$6000,勁貴,不過都比唔上Marshall Banana呢架精細,無得買,不過就算有應該都好貴。

Read more ›
【新片速報】日本神人「魚肉腸」雕刻   一口咬爆《孤獨的美食家》
by / on 16/12/2015 at 7:12 am

【新片速報】日本神人「魚肉腸」雕刻 一口咬爆《孤獨的美食家》

呢隻魚肉腸由細食到大,肚餓時真係救到命,嘴刁啲仲可以揀芝士或者辣味款,居家旅行必備。日本有位神人好鐘意喺魚肉腸上雕刻,最近仲決定將魚肉腸雕成《孤獨的美食家》嘅井之頭郎!本來預80分鐘完成,不過可能又要貼眉毛又要整頭髮,最終佢要用接近4小時先完成倒。搞完一大輪影完相,又到結尾部份,就係開餐嘞!睇佢一嘢咬爆個頭,好殘忍!btw,之前佢仲整過筋肉人同超人Dada,喺佢嘅YouTube頻道「アートさん (面白アート動画)」有得睇,好正,入嚟有回帶。

Read more ›
LEGO神人重造《Fallout 4》場景 超細緻十足cap圖
by / on 09/11/2015 at 7:15 am

LEGO神人重造《Fallout 4》場景 超細緻十足cap圖

今集《Fallout 4》畫面超正,仲第一次有中文版,相信好多人都等緊啦!啱啱入去睇,之前官方6月份出嘅trailer,而家點擊已經超過1700萬人,好誇張。仲記唔記得trailer片尾隻狗狗走咗入棄置車房嗰幕?LEGO神人Pierre最近就重造返呢個場景,而且造功超細緻,誇張啲講,真係好似喺影片入面嘅cap圖咁!唔單止有巨型嘅Power Armor同埋狗狗Dogmeat,連旁邊嘅雜物,壁報板上嘅工具、細細隻嘅bobblehead figure以至嗰樽Nuka-Cola都用LEGO重現返,好勁!

Read more ›
【新片速報】LEGO神人自製夾萬 唔知密碼點算?
by / on 22/10/2015 at 7:10 am

【新片速報】LEGO神人自製夾萬 唔知密碼點算?

LEGO經常都有神人,呢位Jason Allemann之前我哋都介紹過,佢整過LEGO keyboard同埋異形貨運船,樣靚之餘仲真係可以操作,好勁。最近佢又有新作,今次挑戰極限,自製咗出名複雜到嘔嘅夾萬,仲拍埋片介紹,個鎖係傳統嘅3個數字組合鎖,據佢講要密碼先開到,咁唔記得密碼點算?好簡單,就係拆爛晒所有LEGO開返。唔,唔夠安全喎。

Read more ›
【神人又出動】全球最大LEGO蝙蝠車  50萬塊LEGO砌成
by / on 08/10/2015 at 7:15 am

【神人又出動】全球最大LEGO蝙蝠車  50萬塊LEGO砌成

LEGO神人Nathan Sawaya又出動!喺LEGO界好出名嘅佢,前排先整過LEGO金像獎送比一班巨星,最新作品就有呢架全球最大嘅Batmobile,全架蝙蝠車都係用LEGO砌成,18呎長,用咗50萬塊LEGO砌成,車尾仲識噴火!佢話由於時間緊迫,所以趕工用咗兩個月時間,每日12小時完成。架車將會喺佢同Warner Bros同埋DC Comic合作,11月21日開幕嘅「The Art of the Brick: DC Comics」展出,仲有一個月時間可以執吓啲細節喎。

Read more ›

LEGO神人重造芝加哥 30楝建築物5年時間完成
by / on 08/06/2015 at 7:12 am

LEGO神人重造芝加哥 30楝建築物5年時間完成

好勁!雖然無去過芝加哥,但見到呢個由1人完成嘅芝加哥城鎮LEGO模型,我都衷心佩服出嚟。製作者係一個叫Rocco Buttliere嘅建築系學生,佢用咗5年時間,逐楝建築物完成,佢話最難嘅地方係每楝建築物都要保持喺1:650嘅呎吋比例,否則就會影響到整體觀感。而家呢組模型有超過30楝建築物,佢都係上年先諗到不如將所有建築物按真實情況排列出嚟做展示,不過佢無諗住停,仲話而家先係開始,呢個project應該有排玩。

Read more ›
新片速報     LEGO又有神作!懷舊唱盤聽黑膠碟
by / on 27/03/2015 at 7:16 am

新片速報 LEGO又有神作!懷舊唱盤聽黑膠碟

噚日介紹完LEGO電腦機箱,今日又發現另一件LEGO神作 ─ 黑膠碟唱盤!今次由韓國嘅LEGO神人Hayarobi出手,呢個叫The Planet嘅唱盤,真係聽到黑膠碟,總共用咗2405塊LEGO砌成,用咗LEGO嘅Power Functions Battery Box同埋M-Motor,睇落好勁,擺喺屋企仲好型,難怪大量外國網站都報導。可惜呢個唱盤只可以遠觀,因為Hayarobi無諗住量產或者幫人造,入嚟有之前嘅回帶影片,聽得出啲聲仲幾靚。

Read more ›
新片速報 製作片段曝光 LEGO人再整金像獎 名人爭住影
by / on 25/02/2015 at 7:06 am

新片速報 製作片段曝光 LEGO人再整金像獎 名人爭住影

鍾意LEGO嘅,應該都會聽過LEGO神人Nathan Sawaya嘅大名,佢經常有LEGO展覽,啱啱過去嘅奧斯卡仲一口氣整咗20個LEGO版奧斯卡金像獎送比在場演員,大家都好鍾意佢嘅作品不停拎住喪影相。最新消息係佢申請緊喺Lego Ideas投票量產,好大機會成功,另外入嚟仲有3秒嘅time lapse短片睇佢點砌呢個金像獎,好正。補充多兩句,呢個LEGO版金像獎每個要用50塊LEGO砌成,今次Sawaya係應《The Lego Movie》團隊邀請而製作,事緣佢喺一個月前仲整咗隻LEGO版金像獎送比副導演Phil Lord,放上Twitter後大受注目,所以高手出招整多幾隻。

Read more ›
LEGO神人出動    砌出100個Marvel英雄
by / on 24/07/2014 at 7:07 am

LEGO神人出動 砌出100個Marvel英雄

LEGO神人何其多,最近又喺網上見倒呢位網名utorazr嘅LEGO神,佢用現有嘅LEGO組件,砌成超過100個Marvel嘅超級英雄!由復仇者聯盟到狼人到嗡唔出名嘅Marvel人物,自問係Marvel資深fans嘅不妨入嚟,考吓自己認得幾多個?

Read more ›