Post Tagged with: "神人"

【新片速報】日本洗面膏「起泡神人」 徒手打出超豐富泡沫
by / on 19/10/2018 at 7:50 am

【新片速報】日本洗面膏「起泡神人」 徒手打出超豐富泡沫

洗面膏有起泡功能,不過通常我哋都係加幾滴水係咁意起少少泡就算,但係日本呢個「起泡神人」有啲唔同,佢嘅特技係將一小粒嘅洗面膏徒手打成一嚿好大好豐盈嘅泡沫,入嚟有片睇。網民留言話佢好似表演魔術咁,仲有啲似壽司師傅,有人話期待佢將蛋白徒手打成整蛋糕整用嘅「蛋白霜」!BTW,佢唔係淨係一個品牌嘅洗面膏先做到呢個效果,入嚟有得睇埋第二段片。

Read more ›

日本神人又出動     品客薯片筒變西裝男
by / on 17/10/2018 at 7:03 am

日本神人又出動 品客薯片筒變西裝男

呢位日本神人之前都試過將朱古力紙盒變成一隻船,今次佢再挑戰自己,將一筒品客薯片改裝,變成一個著西裝、model身型嘅品客叔叔,效果超正!雖然個頭都仲係又圓又大。入嚟有多啲close up圖,同埋有得回帶睇返佢其他作品,推介。

Read more ›
日本神人出手DIY 朱古力盒變超靚飛船
by / on 30/09/2018 at 2:15 pm

日本神人出手DIY 朱古力盒變超靚飛船

呢款日本嘅「アルフォート」朱古力餅好多人都鍾意食,朱古力面仲有一隻隻船嘅圖樣,有日本網民就將食完嘅盒整成一架飛船,超精細超靚,似乎用盡晒盒嘅每一分每一吋,啲相吸引好多人喺Twitter熱傳,有人仲話想要一架擺喺屋企做擺設品。

Read more ›
日本「神人」畫雪豹 超像真Twitter熱傳
by / on 26/09/2018 at 7:44 am

日本「神人」畫雪豹 超像真Twitter熱傳

日本經常有畫畫神人出現,最近有呢位網民,佢用木顏色筆畫出隻雪豹出嚟,細緻度極高,無論毛髮、眼珠以至所有紋理都好似超高清嘅相片一樣,好快就喺網上熱傳。佢仲分享埋製作影片同相片,入嚟仲有佢其他作品分享。

Read more ›
日本神人畫「3D串燒」 超像真睇到流口水
by / on 21/07/2018 at 10:37 am

日本神人畫「3D串燒」 超像真睇到流口水

星期六又係放假食好西嘅時候,日本呢位網民展現佢嘅超強畫功,5條串燒由起稿到完成嘅過程都有得睇,完成品真到令人流口水,留意返紙上仲有倒影,同埋專登留咗幾滴汁喺紙上面,勁立體,加埋杯啤酒就完美嘞!

Read more ›
【新片速報】日本銀仔神人新片 枱布凌空飄浮靠力學
by / on 17/06/2018 at 7:48 pm

【新片速報】日本銀仔神人新片 枱布凌空飄浮靠力學

仲記唔記得日本呢位能夠將銀仔叠高嘅勁人「た ぬ」?最近佢唔玩銀仔轉咗玩櫈仔,呢個示範好神奇。櫈仔上面有塊餐布,餐布上放咗玻璃杯同碟,之後佢一拉,枱布好似凌空浮起一樣,相信背後都係利用咗佢最強嘅力學原理,唔知枱下面係咪一樣有個銀仔陣?入嚟有片睇。

Read more ›

日本「羊毛氈」神人      專整動物「刺猬仔」超像真
by / on 13/06/2018 at 7:26 am

日本「羊毛氈」神人 專整動物「刺猬仔」超像真

又係日本呢位整「羊毛氈」嘅勁人,呢間叫「yucoco cafe」嘅日本教室專門教人製作羊毛氈,除咗刺猬仔,仲有貓呀、狗呀、狐狸呀之類嘅動物。最近佢就收集咗幾款近來好多人RT嘅作品,全部動物都好似真嘅一樣,仲好可愛!入嚟有回帶。

Read more ›
【有片】日本LEGO神人超強創作    扶手電梯Twitter熱傳
by / on 12/03/2018 at 7:45 am

【有片】日本LEGO神人超強創作 扶手電梯Twitter熱傳

成日都覺得LEGO嘅高手在民間,日本仲特別多,最近有日本網民分享咗佢嘅創作,係一條扶手電梯呀!雖然條梯短短哋,但就裝咗摩打真係識郁,好正,而且應該好安全。除咗電梯之外呢位網民仲分享埋其他作品,都係電動嘅,超勁,入嚟有片睇。

Read more ›
日本神人超強手藝 石頭變貓頭鷹極像真
by / on 21/01/2018 at 12:13 pm

日本神人超強手藝 石頭變貓頭鷹極像真

又係呢個日本超強嘅石頭雕刻師,上次佢將塊石頭變成隻好靚嘅藍色雀,像真程度超高。啱啱佢又有新作品,今次將塊石頭變成貓頭鷹,完成品勁高質,特別係對眼,真嘅一樣,就算放大嚟睇都會以為係真嘅貓頭鷹,好勁!入嚟有回帶睇返佢之前嘅作品。

Read more ›
【新片速報】日本扮聲神人Twitter熱傳 男/女/電車都係佢
by / on 15/01/2018 at 7:33 am

【新片速報】日本扮聲神人Twitter熱傳 男/女/電車都係佢

係神技呀,日本電視節目《テンション上がる会》請咗個扮聲高手,模仿「大阪御堂筋線」地下鐵由中津站到西中島南方嘅一段。唔單止聲演車長,佢仲聲演埋架車,由到站前經過路軌,以至剎車聲都扮到真嘅一樣,唔止現場嘉賓覺得震驚,放上網後網民都狂RT,之後有另一位網民放咗佢扮「日比谷線」由六本木去神谷町嘅情況,扮完男再扮女,日文之後到英文,超正!入嚟有得睇。

Read more ›
【有片】日本叠銀仔神人又出動    加埋玻璃珠挑戰極限
by / on 11/11/2017 at 10:47 am

【有片】日本叠銀仔神人又出動 加埋玻璃珠挑戰極限

又係呢位日本嘅叠銀仔神人た ぬ,最近佢喺Twitter放咗新圖,為咗增加難度,而家仲加埋玻璃珠,簡直係玩命。啱啱佢仲出咗段片親身將呢個陣推跌,好爽。BTW,入嚟有多啲近期嘅作品睇,由於有唔少網民問佢係咪用CG或者AA膠,所以佢專登拍咗段片親身示範自己點叠高啲銀仔,入嚟有得慢慢睇。

Read more ›

日本神人搭製JR山手線 全車站再呈現Twitter熱傳
by / on 02/09/2017 at 12:46 pm

日本神人搭製JR山手線 全車站再呈現Twitter熱傳

齋睇相都覺得震憾!有日本網民搭咗個山手線嘅全站出嚟,路線錯綜複雜,再睇真啲,入面嘅細節跟到好足,由月台以至紅綠燈,全部都齊晒,輯相喺Twitter好多人RT,有網民話佢將男仔嘅兒時夢想重製咗出嚟,亦有人提議佢下次整東京地鐵或者大阪環狀線全站。不過要整都唔容易,起碼要搵個好大嘅地方先擺得落喎。

Read more ›
【新片速報】日本神人示範翻滾版「土下座」   網民:「謝罪文化最高峰!」
by / on 24/07/2017 at 7:16 am

【新片速報】日本神人示範翻滾版「土下座」 網民:「謝罪文化最高峰!」

日本人謝罪做嘅「土下座」姿勢,動作唔難吖,不過要先打幾個後空翻再成功落地直接做到土下座,就一啲都唔簡單嘞。日本Twitter最近熱傳呢段片,事發地點係室內運動場,有個男仔一下彈起之後不停自轉,然後落地嗰下做出咗個完美嘅土下座姿勢,10分!有網民仲留言話係日本謝罪文化嘅最高峰,一啲都無誇張,入嚟有片睇!

Read more ›
「扭氣球」神人重造漫畫封面   神奇女俠/蜘蛛俠奇妙現身
by / on 22/06/2017 at 7:23 am

「扭氣球」神人重造漫畫封面 神奇女俠/蜘蛛俠奇妙現身

一直好佩服識扭汽球嘅專家,外國嘅Phileas Flash擁有13年經驗,佢最近用汽球重造返經典美國漫畫嘅封面,名為「Balloon Heroes」嘅專輯,有蜘蛛俠、神奇女俠、超人同埋小丑Joker,扭完影相再用埋Photoshop加字扮封面,效果好正,不過點解神奇女俠個樣‥‥‥

Read more ›
【多圖】日本摺紙神人又出動 一張A4紙變立體人
by / on 08/06/2017 at 7:12 am

【多圖】日本摺紙神人又出動 一張A4紙變立體人

日本呢位摺紙神人Doppen喺Twitter好多人識,之前整個X嘴版Miffy,上至機械人下至昆蟲類都難佢唔到。最近佢又有新作,簡單一張A4紙,經佢改頭換面之後即刻型晒,留意佢係有手指架!為咗答謝網民不停RT佢嘅作品,佢仲影多咗幾張甫士圖,入嚟有得回帶睇埋佢嘅經典作品,超勁。

Read more ›