Tag: 石黑龍

至Goal Club派年曆卡 任攞唔嬲

有免費年曆卡派發,唔攞就笨呀,何況仲出自甘小文手筆?漫畫專門店至Goal Club年年都免費派發年曆卡,今年亦唔例外,構圖係甘小文版王小虎同石黑龍,雖然係Q版,但一樣畫得好有神髓。店方好謙咁喺面書專頁話:「不過效果並不理想,顏色太深及太瘀!無法!已經印刷好晒!若果唔嫌棄嘅讀者,可以上嚟本店免費索取!」傻啦,點會嫌棄啫,驚你太快派晒就真啦。

Read more ›

網圖分享:張萬有的蚩尤戰三皇

張萬有又有新畫出,今次唔畫老祖宗,改畫豪氣干雲的蚩尤,構圖好聚焦,背景滔天巨浪,元始門門主憑一身盤古天殛震強橫攻力與不死戰意,惡戰王小虎嘅降龍十八腿、王小龍嘅降龍十八掌同石黑龍金鐘罩。蚩尤呢個角色亦正亦邪,喺舊著《龍虎門》裡面同龍虎群英同仇敵氣,誓誅老祖宗以報愛妹銀鈴之仇,我都好鍾意呢個角色架,不過只限舊著。新著?差一皮囉。

Read more ›

網圖分享:許景琛的Q版石黑龍

一億個妒忌另加一億個羨慕,點解,點解Homan Lam有咁多港漫大師親筆畫架?剛剛先睇完許景琛嘅Q版老祖宗系列,依家又輪到Q版石黑龍系列出場。今次有六幅大作,分別係金鐘罩、十字追魂棍、追魂十五滾之落魂樁、五形拳、摧心錐同刻骨銘心爪……數呀數,若困數絕招的話,我覺得應該加埋陳家無影無蹤身法。又其實,如果許景琛肯再畫的話,我諗大家都應該想睇刻骨七式──離踝、折膝、破腕、碎肘、分肩、撕肚同刻骨銘心,希望無記錯招式名啦。

Read more ›

網圖分享:張萬有的老祖宗戰三皇

真係勁,唔只靚,仲要快,講緊嘅張萬有,話咁快又有新作面世──老祖大戰龍虎三皇。構圖係乜?當然係三皇不敵老祖宗啦,喂,天下無敵呀大佬,老祖宗係無得輸架。

Read more ›

老祖宗的萬毒心經 石黑龍受罪

張萬有又有新畫作公諸同好,今次繼續係畫老祖宗,以為畫御劍飛行?No,係畫萬毒心經,構圖係擘大口噴出大蓬毒霧,毒到敵人血肉全無得番棚骨,霸氣狂現殺殺殺。

Read more ›

張萬有又出畫 三皇戰邪神

漫畫人始終係漫畫人,那管已經退出江湖,只要手痕心癮起,唔畫番幅勁畫肯定坐唔安訓唔落,最佳例子有我偶像之一張萬有,佢又有新作公諸同行嘞。

Read more ›

漫畫預付卡開賣 元祖石黑龍版最型

由文化傳信授權,上年尾已經賣定廣告嘅經典漫畫預付卡,依家正式喺指定售賣店發售,適用於全港63000間貼有「銀聯」嘅商店,用完可以珍藏,諗得過喎。

Read more ›

興豬Q版三皇+老祖宗+白痴聖上

喺我心目中,黃興豬絕對係個開心漫畫人,訪問過佢,問這問哪,訪問咁耐佢就笑足咁耐。或許性格使然,佢畫風Q版,人物面相諧趣,望畫如望其人,你會不自覺想笑。

Read more ›

《石黑龍傳III》鬼祟登場?

《石黑龍傳II》無乜高潮位,淡淡然話完就完,而弔詭在《石黑龍傳II》喺第六十四期完,《石黑龍傳III》會喺第六十五期開始,咁即係新書定舊書呢?有無人可以答到我?

Read more ›