Post Tagged with: "短片"

【喵星人與豬仔】Facebook溫馨影片3百萬點擊 攬頭攬頸一齊瞓
by / on 04/02/2016 at 7:11 am

【喵星人與豬仔】Facebook溫馨影片3百萬點擊 攬頭攬頸一齊瞓

  喵星人成日俾人話高傲,其實佢哋同唔同種類嘅動物都相處得好好,好似今次呢隻豬仔Laura同隻喵星人B就好好朋友,經常攬頭攬頸一齊瞓,網上有大量相,睇見都覺得超溫馨。其中Facebook有段片見到豬仔不停用個鼻嗡埋去貓貓度,喵星人就幫豬仔舔毛回應,勁可愛,難怪條片已經超過3百萬次觀看,入去佢嘅Facebook有大量影片睇,like定放長假再慢慢睇先。

Read more ›

【極危險】新片速報 可樂加丁烷玩爆破 一飛沖天超強爆炸力
by / on 05/09/2015 at 12:46 pm

【極危險】新片速報 可樂加丁烷玩爆破 一飛沖天超強爆炸力

呢兩位喺烏克蘭嘅盧甘斯克生活嘅男人應該好苦悶,可能近戰場又近俄羅斯,所以佢哋都有啲戰爭民族嘅特性。最近佢哋做咗個實驗,喺樽裝可樂入面加咗啲叫丁烷(butane)嘅易燃氣體,令可樂上層形成一層液體,當倒轉個樽同底層嘅可樂溝埋嘅時候,就會形成一股好強嘅爆炸力,成樽可樂會一嘢沖上天甚至爆樽,睇片見佢哋玩得好開心,仲笑得好猙獰,睇到我心都寒埋。不過佢哋好醒,專登走出戶外甚至海邊玩,炸完乾手淨腳,不過啲樽噴到爆埋窗爛晒就真係好危險,唔好亂試!

Read more ›
【7月14玩到咁盡】香港Until Dawn驚嚇短片   猛鬼達德小學取景
by / on 26/08/2015 at 10:09 pm

【7月14玩到咁盡】香港Until Dawn驚嚇短片 猛鬼達德小學取景

PS4隻《Until Dawn》噚日出咗,之前日本同外國都拍過真人短片做宣傳,啱啱夜媽媽就收到香港呢邊嘅新聞稿,原來官方都拍咗條真人短片,仲去咗出名猛鬼嘅達德小學實景拍攝。條7分鐘嘅片講一班大學新生去達德小學探險,中間仲學埋遊戲入面咁有選項,影片製作幾認真,有幾個位好易比佢嚇親。仲有幾個鐘就到農曆7月14日,入嚟有足本版睇。

Read more ›
【首先你要有個女朋友】自製龍貓撻短片教學 其實唔難
by / on 16/08/2015 at 1:48 pm

【首先你要有個女朋友】自製龍貓撻短片教學 其實唔難

龍貓撻!睇見都想食,不過首先你要有個女朋友先得。喺日本網站見倒呢段龍貓撻教學片,製成品還原度好高,而且睇落好似唔係太難整喎,個樣又好好味咁。BTW,呢個YouTube頻道kawaiisweetworld好多教學片,除咗龍貓,仲有Hello Kitty、Minions、鬆弛熊蛋糕,有女朋友嘅快啲send條link比佢叫佢學整,無嘅,唔,自己學多門手藝,整嚟氹吓人都得嘅‥‥‥

Read more ›
新片速報    自製大熱LEGO軟糖     玩得又食得
by / on 28/05/2015 at 7:24 am

新片速報 自製大熱LEGO軟糖 玩得又食得

好正!好想即刻返屋企試!呢條短片教人自製LEGO軟糖,兩日已經過百萬點擊,做法唔難,最重要都係個倒模,可以用之前出過嘅LEGO冰模,而最麻煩都係要整齊咁多隻色,食唔晒仲可以儲起佢。整完仲可以又玩又食,雖然污糟啲,但係有滿足感喎!鍾意食軟糖嘅應該好想試,鍾意LEGO嘅,更加好想搵人整比自己食!BTW,完成品睇落幾硬淨,唔知會唔會好難咬開呢?

Read more ›
山羊得意短片集   羊b伸脷 VS羊叔疾走
by / on 01/03/2015 at 2:53 pm

山羊得意短片集 羊b伸脷 VS羊叔疾走

  今年係羊年,一般人都鍾意綿羊多過山羊,我本來都係,不過睇完呢堆古怪羊叔叔嘅Vine短片,我發現原來山羊都勁可愛!佢哋經常伸脷又鍾意親近人類,而且唔少都擁有古怪脾氣,會突然fing頭、疾走甚至踢同類,好搞笑!入嚟有好多片慢慢睇,羊年一齊賀一賀佢!理得佢係山羊定係綿羊,識「咩~」就係好羊啦!

Read more ›

新片速報   鼻軒勁似飛機引擎聲   老公拍片惡搞3百萬點擊熱播
by / on 10/02/2015 at 7:12 am

新片速報 鼻軒勁似飛機引擎聲 老公拍片惡搞3百萬點擊熱播

如果你嘅枕邊人都有嚴重鼻鼾,你睇呢條片嘅時候應該會特別有共鳴,而且今晚好想返去試玩吓。片中嘅女主人瞓到好冧,仲發出好似飛機飛過嘅引擎聲,佢嘅老公索性拎架模型飛機出嚟玩,扮喺佢頭頂飛過,每次飛過都發出呀呀聲嘅引擎聲,效果好像真,一啲違和感都無。可憐佢老婆嘅睡相就咁被公諸於世,3日已經有超過3百萬點擊,唔知佢架模型飛機仲健唔健在呢?

Read more ›
新片速報   (喊點低慎入) 香港父女溫情廣告    200萬點擊熱播
by / on 07/02/2015 at 3:14 pm

新片速報 (喊點低慎入) 香港父女溫情廣告 200萬點擊熱播

呢條片由MetLife Hong Kong喺YouTube上載,不過我就分別喺日本同外國網見倒介紹,條片而家已經有超過200萬點擊,有廣東話同英文版,本來都係保險溫情廣告,不過今次有廣東話,而且劇情又的確幾感人,我仲睇到眼濕濕(我平時喊點高笑點低o架!)我唔劇透喇,星期六日拎3分鐘出嚟睇條片,算得係咩吖,睇完我無諗住買大都會人壽,不過就想聽日約阿爸阿媽嘆返餐茶。BTW,條片好有泰國保險廣告嘅感覺,相信好大機會係同一班底。

Read more ›
新片速報 唔駛魚桿魚勾 直擊巴西人用鮮肉釣食人魚
by / on 10/01/2015 at 12:57 pm

新片速報 唔駛魚桿魚勾 直擊巴西人用鮮肉釣食人魚

我承認張相係核突咗少少,不過條片好好睇。食人䱽成日聽,佢哋出名棚牙夠鋒利,而且擁有瘋狂嘅食肉慾,呢條片就話你知巴西人點樣釣食人䱽,原來用嘅方法好原始,魚勾都唔駛,就咁攞塊生肉喺水面浸兩浸,好快,就引嚟大批食人䱽蜂擁而上,無幾耐已經吊倒一桶滿滿嘅食人䱽,睇到人心都寒埋,一個唔小心,比佢咬咁忽肉就唔抵啦!

Read more ›
新片速報  1000杯咖啡拍stop motion   日本愛情短片熱播
by / on 27/12/2014 at 2:04 pm

新片速報 1000杯咖啡拍stop motion 日本愛情短片熱播

勁喎!日本人好鍾意玩latte咖啡,普通拉花都唔夠,仲要玩埋3D拉花,最近又有新嘢玩,就係整咗1000杯唔同款式嘅latte,用stop motion拍成一段短片,好勁!影片由男女主角相遇到結婚,係就係浪漫咗啲,閃到我有啲眼花,但係有晒情節好好睇。不過識睇嘅,一定睇埋making of,由前期電腦繪圖,到現場整足1000杯咖啡,真係好大陣仗。話時話,1000杯咖啡,捱幾晚通宵先飲得晒?

Read more ›
新片速報   用鞋直踩火山岩漿    原來軟腍腍
by / on 20/12/2014 at 2:43 pm

新片速報 用鞋直踩火山岩漿 原來軟腍腍

可能平時無乜機會咁近距離睇倒火山熔岩,所以條片放上網幾日已經有接近200萬點擊。今次唔止係近睇,仲用腳踩!由Alex Rivest放上網嘅呢段片,睇倒真人用鞋踩上夏威夷基拉韋厄火山嘅岩漿表面,高達攝氐900至1200度嘅岩漿比佢一腳踩扁咗!提腳嗰吓鞋底仲有少少著火!原來岩漿唔係液體狀,而係有啲似棉被嘅軟腍腍半固體狀。BTW,小朋友睇都唔怕,因為相信無乜人有機會親身試倒。

Read more ›

有片   YouTube勁片《PIXELS》拍電影    明年8月上畫
by / on 19/12/2014 at 7:01 am

有片 YouTube勁片《PIXELS》拍電影 明年8月上畫

之前有套YouTube短片《PIXELS》好勁,講紐約比班8-Bits生物入侵,好刺激,仲有超過140萬點擊,之後話會拍成電影,沉寂咗4年,最近終於有電影海報曝光,仲公佈埋電影會喺下年8月5日上畫,由Chris Columbus做導演。睇海報見倒巨型食鬼、太空侵略者,有啲期待,入嚟有得回帶睇返當年套短片,而家睇返都覺得正。

Read more ›
新片速報 Facebook出教學短片  教你unblock朋友
by / on 13/12/2014 at 11:08 am

新片速報 Facebook出教學短片 教你unblock朋友

可能近年越嚟越多銀髮族玩Facebook,官方驚大家唔識用佢嘅功能,所以拍咗一系列短片教大家一啲喺facebook成日遇倒嘅問題。例如點樣封鎖(Block)或者解封(Unblock)朋友啦、點樣改密碼、untag張相或者修改貼文等等,全部用晒電影嘅攝手法,製作都幾認真,可惜得英文,如果唔係我會share比學緊玩facebook嘅媽咪睇。

Read more ›
新片速報 過千萬點擊整蠱片 蜘蛛俠跌落街阿媽嚇爆
by / on 12/12/2014 at 7:21 am

新片速報 過千萬點擊整蠱片 蜘蛛俠跌落街阿媽嚇爆

唔係最新不過啱啱先睇倒,呢條片最近紅爆,10日已經有過千萬點擊,又係整蠱片,而且今次有蜘蛛俠,仲玩到好癲。事緣男主角夾埋個仔整蠱老婆,先叫阿仔著到蜘蛛俠咁款,然後同佢喺屋企嘅二樓玩,玩玩吓悲劇發生,阿爸居然唔覺意掉咗個仔落樓,阿媽發現即刻癲咗衝落去,最後發現‥‥‥樂極生悲大家都聽過,好彩無發生另一單命案。BTW,個男主角Roman Atwood係喜劇演員,難怪咁入戲。 

Read more ›
新片速報   警察都有好人   送聖誕禮物玩驚喜
by / on 11/12/2014 at 7:12 am

新片速報 警察都有好人 送聖誕禮物玩驚喜

警察喎,唔抄你牌唔用警棍打你,送聖誕禮物比你喎,驚唔驚?美國洛厄爾警察局最近搞咗個活動,比驚喜一班駕駛者。首先有警察截停路上嘅私家車,車主個個以為被抄牌,點知警察叔叔居然同你吹水,仲問你想要乜嘢聖誕禮物,與此同時,有人喺隔籬嘅超級市場偷偷掃貨,當車主準備開車時,警察就送上呢份突如其來嘅聖誕禮物,我仲見倒有最新出嘅Xbox One。個個車主都開心到彈起攬住警察叔叔搖呀搖。睇見呢啲咁溫馨嘅場面,老實我好心嗡。

Read more ›