Post Tagged with: "短片"

【新片速報】曳貓阻人練習桌球   短片日本Twitter熱傳
by / on 14/08/2018 at 7:11 am

【新片速報】曳貓阻人練習桌球 短片日本Twitter熱傳

都話喵星人最鍾意搞事,日本有網民分享咗呢段短片,練習緊桌球嘅佢遇上一隻貪玩嘅喵,全程坐喺枱邊阻住個洞口,仲間唔中出手搞個波,好高難度嘅練習!段片喺Twitter超多人分享,而家已經超過咗3百萬個瀏覽,入嚟有得睇,仲有多啲呢隻駐場喵嘅短片回帶。

Read more ›

【新片速報】寄艙行李無好下場     職員掟喼短片Twitter熱傳
by / on 30/05/2018 at 7:35 am

【新片速報】寄艙行李無好下場 職員掟喼短片Twitter熱傳

去親旅行,寄艙行李都好易爛,聽聞越貴嘅喼爛得越快。最近網上流傳呢段影片,有人影到夏威夷航空嘅職員處理寄艙行李嘅過程,有人睇完好嬲,有人慶幸自己今朝無擺埋部MacBook入喼,亦有人話其實佢身處嗰個位好熱,佢應該想快啲掟走件行李入返去。BTW,航空公司已經喺自己Twitter回應,話會嚴肅處理事件,至於乘客,貴重易碎嘢都係跟身好啲。

Read more ›
【有片】超可愛雀仔短片 一齊轉超搞笑Twitter熱傳
by / on 19/05/2018 at 12:49 pm

【有片】超可愛雀仔短片 一齊轉超搞笑Twitter熱傳

星期六好應該睇呢類型嘅得意影片,由日本網民喺Twitter分享,片中嘅雀仔企咗喺個好似單車轆嘅轉輪上面,不過當個轉輪轉動嘅時候,佢依然跟住轉,好好笑,治癒程度超高呀!

Read more ›
【有片】日本喵星人搞笑短片   有紙袋有計劃
by / on 30/04/2018 at 7:27 am

【有片】日本喵星人搞笑短片 有紙袋有計劃

喵星人最鍾意紙袋啦,日本有網民分享咗呢片,企喺木枱上嘅喵,加上一個掛喺門柄上嘅紙袋,大家應該估到下一步會發生咩事嘞,不過真係估唔到會咁搞笑,入嚟有片睇!

Read more ›
【新片速報】日本喵星人擊掌短片 超可愛Twitter熱傳
by / on 10/04/2018 at 7:34 am

【新片速報】日本喵星人擊掌短片 超可愛Twitter熱傳

超可愛呀呢隻喵星人,仲有啲似芒亨喵。佢嘅日本主人最近分享咗呢段片,唔夠兩日已經超過2百萬瀏覽。睇片見主人隻手向前一伸,隻喵就識自動自覺伸出貓爪同佢high five擊掌!期間仲會喵喵叫超可愛。聽主人講每逢隻喵想食嘢都會「出手」拍佢,超可愛。不過話時話,隻喵啲手指甲睇落有啲長,係時候要剪吓喇喎。入嚟有多啲佢嘅相同片睇。

Read more ›
海棉寶寶日本動畫版 超正短片Twitter熱傳
by / on 26/08/2017 at 1:12 pm

海棉寶寶日本動畫版 超正短片Twitter熱傳

有無海棉寶寶嘅fans?有網民最近幫佢轉風格,整段日本動畫嘅opening,唔止佢,連其他配角都有新造型,好正!音樂夠晒熱血,字幕仲好有心思,可惜製作者Narmak只係用空餘時間玩吓,相信好多人應該期待佢出個完整版!

Read more ›

【新片速報】超熱血日本甲子園短片 充滿淚水睇完眼濕濕
by / on 02/08/2017 at 7:11 am

【新片速報】超熱血日本甲子園短片 充滿淚水睇完眼濕濕

甲子園係一個好熱血嘅地方,唔止有好多汗水,仲有唔少淚水。最近呢段片喺日本Twitter熱傳,片中將好多人喺甲子園流過眼淚嘅片段剪輯而成,好感人,睇完都眼濕濕。唔好傷心呀,無輪輸定贏都係人生一個美好嘅回憶嚟嘅!

Read more ›
【新片速報】日本超可愛兔仔短片 兩秒鐘融化成一團肉
by / on 27/07/2017 at 7:25 am

【新片速報】日本超可愛兔仔短片 兩秒鐘融化成一團肉

  兔仔我哋平時都比較少介紹,不過呢隻實在太可愛,唔share唔得。有日本網民放咗段片上Twitter,隻肥嘟嘟嘅兔仔開頭好精靈,不過唔夠兩秒就突然眼瞓,之後仲收埋咗兩隻前腳,融化成一團肉,超可愛超治癒,個GIF會令人忍唔住瘋狂loop。

Read more ›
【新片速報】日本超可愛狗狗短片 聽完指示遞錯手
by / on 19/03/2017 at 11:42 am

【新片速報】日本超可愛狗狗短片 聽完指示遞錯手

好多時候貓主狗主讚自己隻寵物可愛,可能只係得佢哋自己覺得啫,不過今次唔同,呢隻日本狗狗嘅可愛舉動個個網民都讚可愛,影片短短一日已經超過6萬個RT。一開始主人摸佢,佢好開心咁走嚟走去,之後主人伸手表示唔准郁之後,佢即時剎停,好聽話!不過當主人遞隻手想叫佢俾手嘅時候,佢就失手嘞,之後尷尷尬尬咁呆咗,好好笑。

Read more ›
【新片速報】日本動漫迷示範襟章保護秘技    包層膠其實唔難
by / on 31/12/2016 at 1:44 pm

【新片速報】日本動漫迷示範襟章保護秘技 包層膠其實唔難

呢個小知識幾實用喎。有時買咗啲好靚嘅襟章,掛喺袋又拍好易刮花,點樣可以幫佢加層保護?有日本動漫迷就示範咗個簡單方法。先買一卷透明膠,再根據襟章大小剪成狗牙邊,之後穿條線,一拉,搞掂!完成品無瑕疵仲好靚,掛喺袋面點刮都唔怕嘞!佢仲拍埋片示範,好易學。

Read more ›
【新片速報】砌磗片有乜好睇? 神奇骨牌效應Twitter熱傳
by / on 27/12/2016 at 10:41 am

【新片速報】砌磗片有乜好睇? 神奇骨牌效應Twitter熱傳

呢段砌磗片好好睇,難怪喺Twitter咁多人分享。一開始見到好似推積木咁,骨牌效果逐塊磗跌低,點知去到最後會返返轉頭,一塊塊磗變成好齊整貼實晒平舖,好神奇!有網民仲畫埋圖分析,好學術性呢。

Read more ›

【新片速報】日本搞笑無臉男短片系列      踩滑板跑馬路超好笑
by / on 24/12/2016 at 12:42 pm

【新片速報】日本搞笑無臉男短片系列 踩滑板跑馬路超好笑

每日都會睇好多搞笑網片,不過今次呢個無臉男系列,真心覺得幾好笑。影片一開始見到無臉男踩滑板,慢動作本身已經好有喜感,不過重點係尾段,留返俾你慢慢睇。睇返佢嘅Twitter,之前呢個無臉男仲去過馬路邊惡搞,拍落唔少短片,入嚟有得慢慢睇,真心推介,好配合連放4日假嘅輕鬆心情呀!

Read more ›
【新片速報】奴才幫喵星人按摩Twitter熱傳   超識嘆唔俾停
by / on 25/11/2016 at 7:04 am

【新片速報】奴才幫喵星人按摩Twitter熱傳 超識嘆唔俾停

天氣咁凍,有咩好得匿喺屋企同喵星人取暖?Twitter見到呢對腳同呢個肥pat喵星人,坐喺鞋盒嘅喵星人背對鏡頭,奴才就喺後面用兩隻腳掌幫佢按摩。得意在每當奴才停落嚟嘅時候,喵星人條尾就會左右搖擺。喂,俾啲力好喎!段片喺Twitter好受歡迎,今晚返去同隻喵試吓啦。

Read more ›
【新片速報】日本駝鳥仔恰眼瞓短片 超可愛Twitter熱傳
by / on 22/10/2016 at 12:45 pm

【新片速報】日本駝鳥仔恰眼瞓短片 超可愛Twitter熱傳

呢兩隻東京農業大學養嘅駝鳥仔超可愛!最近段短片喺Twitter好多人RT。片中見到兩隻駝鳥仔眼仔碌碌周圍望,但突然間前面嗰隻有啲眼瞓,唔夠一秒就合埋眼,個頭仲突然中埋落地,不過聽到一吓聲之後又突然間扎醒扮精神,似足上堂俾老師發現恰眼瞓咁。不過醒咗唔夠兩秒後又撻低咗,睇嚟佢噚晚玩到好夜。

Read more ›
【新片速報】日本「耐震體驗」短片9萬RT 老伯震震吓好可愛
by / on 08/05/2016 at 12:35 pm

【新片速報】日本「耐震體驗」短片9萬RT 老伯震震吓好可愛

老人家咁震法得唔得架?日本最近有人喺Twitter分享呢個「耐震體驗」嘅短片,吸引9萬幾人RT。片中見到右邊嗰位伯伯坐上去之後地面就開始左搖右擺,雖然佢扶實椅邊,但係對腳就不停搖吓搖吓,好可愛!一定要睇片先感受到,會上癮不停loop嘅。

Read more ›