Post Tagged with: "瞓覺"

新片速報    文青扭蛋超想要    行街瞓覺「書不離手」
by / on 14/05/2015 at 7:11 am

新片速報 文青扭蛋超想要 行街瞓覺「書不離手」

我最鍾意嘅「熊貓的穴(パンダの穴)」扭蛋一向有驚喜,反肚動物、動物綠兵,全部都超得意。最新消息係今個月底會出呢個「文青」系列,主角山本君無論行路、玩貓、暴風雨、飲咖啡、瞓覺都書不離手,作為一個有文化又鍾意蒲Starbucks嘅年青人,點都要儲齊一套啦!之前都介紹過呢個文青系列,不過今次有官方新片,而且產品仲改成可以做書籤嘅小掛飾,加上送多本迷你書仔,200円好抵好想買!

Read more ›

爛瞓無極限圖集   無分國界挑戰物理學
by / on 26/11/2014 at 7:36 am

爛瞓無極限圖集 無分國界挑戰物理學

人可以爛瞓到乜嘢程度?睇完以下呢個圖集會明白爛瞓係無極限嘅,甚至可以超越人類嘅物理學原則。企喺度瞓唔算勁,攝入書櫃中層大覺瞓、頭同腳調轉擺都瞓到、聞住醜瞓都照瞓?大雄見倒都嚇倒跳返起身。有幾張相我懷疑係做媒嘅,但更多係100%真情流露,瞓成咁,可能真係有渴睡症。

Read more ›
新片速報     矇眼貂突然昏睡超爆笑
by / on 23/11/2014 at 9:19 am

新片速報 矇眼貂突然昏睡超爆笑

14秒點可以令你笑?呢隻叫矇眼貂(Ferret)嘅動物本身已經好可愛,成隻貓仔咁款,仲伏喺主人大腿上面企起身瞓著覺,係咪好似成完晏喺辦公室返工時嘅我同你?不過更好笑係第12秒嗰吓,我都忍唔住笑咗出聲,呢條片吸引好多人笑到收唔到口,我唔劇透,自己入嚟挑戰吓。

Read more ›
新片速報    喵星人西瓜當睡枕   自創消暑大法
by / on 20/08/2014 at 7:03 am

新片速報 喵星人西瓜當睡枕 自創消暑大法

幾時都話喵星人識嘆,天時暑熱,除咗淋冰水(sorry我又抽水),仲可以嘆西瓜消暑。喵星人唔識拎刀劈西瓜,但識得當佢係枕頭瞓上去感受涼浸浸嘅快感。呢隻叫TyaTora嘅日本喵,將主人嘅西瓜當枕頭,睇片見佢瞓得堅冧,喂,做乜偷影人喎?

Read more ›
日本貓臉頭罩   如何瞓覺而不失萌氣
by / on 16/08/2014 at 6:17 pm

日本貓臉頭罩 如何瞓覺而不失萌氣

晚晚上網玩到咁夜,搭車返工恰眼瞓是常識。靚女想恰陣又唔想比人見倒自己反白眼流口水,可以買呢個日本出產嘅貓臉頭罩,瞓住覺都保持到可愛形象,貓公見到都讚好!總共有6款貓臉,全部都係圓臉包樣,日本網站Felissimo有得買,可惜網站維修緊,要18號先入得,唔係因為呢隻貓頭罩太好賣啩?!

Read more ›
狗狗瞓覺攬公仔  20張萌爆爛瞓狗狗圖集
by / on 04/04/2014 at 12:07 pm

狗狗瞓覺攬公仔 20張萌爆爛瞓狗狗圖集

你瞓覺有無攬住嘢瞓嘅習慣?唔止係人,狗仔都好鐘意攬住公仔瞓,外國網站Buzzfeed搜羅咗20張超得意嘅狗狗瞓覺圖,每隻狗狗都好冧咁攬住隻公仔陪瞓,好可愛好似BB!不過睇完我都好眼瞓,好想好似一班狗狗咁食飽就瞓,瞓飽就食‥‥‥好彩今日係星期五,YEAH!

Read more ›

新片速報    日本超爆玩人節目    瞓瞓吓被吊高50米
by / on 08/02/2014 at 11:45 am

新片速報 日本超爆玩人節目 瞓瞓吓被吊高50米

有無諗過瞓瞓吓會飛咗去富士山頂?日本綜藝節目一向玩得好盡,最近「ドッキリアワード人氣番組豪華競演」更加不惜工本,為咗整蠱人,喺受害者瞓著時將佢縛起,之後點起火藥,10秒倒數後,連人帶床比吊擘吊起!仲撞爆屋頂,吊高到50米富士山前嘅高空!補充一句,受害人之所以比人縛都唔醒,原來因為之前一晚同同事飲酒飲到大醉,即係全班都係戲子,Just Drama。

Read more ›
超嘆寵物鼠  攬實Teddy Bear瞓覺覺豬
by / on 24/01/2014 at 12:47 pm

超嘆寵物鼠 攬實Teddy Bear瞓覺覺豬

第一眼睇仲以為係CG圖,呢隻外國寵物鼠好識嘆,好鐘意攬實屋企隻Teddy Bear瞓覺覺豬。輯相由英國攝影師Jessica Florence拍攝,睇見老鼠仔伸手搭住隻熊仔,十足人仔一樣,好得意。我最鐘意係佢瞓到腳踢踢嗰張相,好pure好true。其實呢輯相已經係幾年前,不過近日又再喺網上流傳,上攝影師嘅Flickr戶口,就會知佢最近已經轉咗玩人仔,估計佢已經生咗幾個B咯。

Read more ›
最屈機枕頭     搓圓撳扁點瞓都得
by / on 29/11/2013 at 8:53 am

最屈機枕頭 搓圓撳扁點瞓都得

喺咁凍嘅天氣下,我決定停止晒所有娛樂,瞓覺將會成為我唯一嘅娛樂!事緣我睇倒呢個Forever Pillow永遠的枕頭,先發現原來瞓覺都可以大月咁多種姿勢,呢個枕頭勁在好似一個長形圈,可以比你搓圓撳扁,校啱姿勢點瞓都得,佢哋仲有即時教學,教你點用盡呢個偉大發明,睇完我又想撻返落床,點解我要返工o架?!

Read more ›
萌爆動物扭蛋     肥貓猩猩集體反肚
by / on 27/09/2013 at 8:31 am

萌爆動物扭蛋 肥貓猩猩集體反肚

動物瞓覺嘅奔放樣真係特別可愛,TAKARA TOMY無厘頭扭蛋系列「熊貓的穴(パンダの穴)」最近又有新作,呢套一式六款嘅「もうしら寝」扭蛋,有齊黑猩猩、花貓、哥基犬、海豹、驢仔同埋熊貓,全部瞓到反晒肚,超萌!預計今年10月發售,扭一次200円,到時記住出玩具舖睇吓有無得買齊全套,我仲想買埋佢嘅思考巨人(考えない人)同埋炸天婦羅系列呀!

Read more ›
即笠即瞓  《塊魂》頭枕快叉一流
by / on 19/02/2013 at 8:06 am

即笠即瞓 《塊魂》頭枕快叉一流

每日上網見好多獵奇發明,不過呢款我真心想買。名為Ostrich Pillow嘅即瞓頭枕,我懷疑靈感來自遊戲《塊魂》,不過係瞓覺專用,特點係即笠即瞓,最正係頭頂有兩個窿比你塞埋對手入去,既保暖又就手。坐喺度瞓咩?佢可以遮晒你雙眼雙耳,淨返鼻同咀,撞倒熟人都唔怕。呢個發明之前喺kickstarter募資,反應熱烈,而家正式量產,官網賣美金$99,一齊快叉啦!

Read more ›