Tag: 瞓覺

【新片速報】日本狗狗積雪下瞓覺 網民爭議Twitter熱傳

【新片速報】日本狗狗積雪下瞓覺 網民爭議Twitter熱傳

日本凍到出現厚厚嘅積雪,有網民分享咗佢媽媽拍嘅一段片上網,仲引起好大爭議。片中嘅狗狗喺積雪入面瞓著咗,直到主人叫醒佢,佢先喺雪入面掙扎彈起身。雖然狗狗好可愛,不過有網民就話唔應該喺咁凍嘅天氣下俾隻狗喺屋外瞓覺,樓主之後反擊,話自己有衡量過,而且多年嚟隻狗狗都鍾意喺屋外自由自在生活‥‥‥不過睇返段片,隻狗狗其實係綁住鐵鍊,咁就似乎唔係幾好嘞,入嚟有得回帶睇返段片。

Read more ›

日本喵星人扭蛋    遮住雙眼瞓覺超可愛

日本喵星人扭蛋 遮住雙眼瞓覺超可愛

喵星人成日有啲古怪動作,最常見就係用對手遮住對眼,扮晒人類擋光嘅睡姿!日本扭蛋公司EPOCH最近就推出呢款「我慢する猫」(忍耐喵)嘅扭蛋,一共6個款式,模仿喵星人喺電話、收音機或者電視旁邊嘅搞笑姿態,仲好有復古風味,預計11月底推出,貓奴記住留意返。

Read more ›
【有片】超溫馨瞓覺場面     兩貓一狗生活片400萬瀏覽

【有片】超溫馨瞓覺場面 兩貓一狗生活片400萬瀏覽

作為主人,見到呢個場面真係好感人。最近Imgur熱傳呢段片,兩日已經超過400萬瀏覽,睇片見到兩狗一貓準備瞓覺,好喇瞓喇各就各位,隻貓好快已經揀到個靚位,好聰明、好幸福!冬天瞓呢個位肯定超暖呀。BTW,主人話佢哋每晚都係咁瞓,感情一定超好。

Read more ›
【熊貓很累】超可愛熊貓BB 6隻攤地瞓覺Twitter熱傳

【熊貓很累】超可愛熊貓BB 6隻攤地瞓覺Twitter熱傳

日本人好鍾意熊貓,睇東京嘅上野動物園成日排長龍就知。最近有日本網民放咗張熊貓BB圖上Twitter,幾隻熊貓B攤晒喺地下瞓覺,好似勁攰咁,有日本網民聯想力好豐富,話好似人類進化圖。事發地點就係「成都大熊貓繁育研究基地」,據講當日落緊雨,加上班熊貓B玩完應該好攰,所以就出現咗呢個搞笑場面,入嚟有多啲相睇。

Read more ›
【新片速報】日本超可愛狐狸 瞓覺越瞓越跌

【新片速報】日本超可愛狐狸 瞓覺越瞓越跌

狐狸個樣好聰明,不過原來都有蠢嘅一面。日本網民分享咗呢段短片,隻狐狸想瞓個晏覺,點知揀咗個斜面嘅位置,然後個身一直滑一直滑‥‥‥

Read more ›
日本超可愛貓仔 攬實巨型咕臣瞓著咗

日本超可愛貓仔 攬實巨型咕臣瞓著咗

貓仔嘅行為通常都好可愛,最近有日本網民分享咗呢幾張相,隻喵仔趴喺個巨型咕臣上面瞓咗,感覺超治癒。好明顯係玩得太攰瞓著咗,好可愛呀!

Read more ›

【有片】日本超可愛雪橇狗狗 鍾意「腳貼腳」瞓覺

【有片】日本超可愛雪橇狗狗 鍾意「腳貼腳」瞓覺

呢兩隻住喺日本嘅雪橇狗狗真係核爆級可愛,最近喺Twitter睇到呢幾張圖,佢哋合力砌咗個心型出嚟,睇返其他相,原來佢哋好鍾意腳貼腳咁瞓,睇落好似第三類接觸,唔通係傳心術嘅一種?入嚟有多啲佢哋嘅影片睇,超可愛!

Read more ›
超嗲流浪貓偷偷入屋     貼實陌生人瞓覺

超嗲流浪貓偷偷入屋 貼實陌生人瞓覺

今次都算係奇遇,呢位住緊喺比利時嘅日本人最近開住窗瞓晏覺,點知瞓醒發現身邊竟然多咗隻貓!隻貓仲要瞓著咗!件事喺Twitter好多人留言同RT,之後樓主放多咗幾張相,見到呢隻流浪貓喺佢屋企周圍探索,第二日又企喺佢窗邊等佢,樓主一開窗佢又走返入屋然後貼住佢瞓,仲反埋肚,超嗲呀!

Read more ›
【改圖】搭車瞓覺被惡搞    外國網民高質改圖

【改圖】搭車瞓覺被惡搞 外國網民高質改圖

搭車途中瞓覺,你同我都試過唔少次,最近呢個外國男仔Scott就喺車上瞓到暈咗一樣,佢女朋友影咗相之後放上專惡搞相片嘅Facebook群組「I’m Telling God」,希望俾佢瞓咗覺嘅男朋友知道佢錯過咗沿途好多精彩嘅場面。果然好快就有大量網民出手改圖,又普京又金正恩,連侏羅紀同貞子都出埋,好彩瞓咗咋。入嚟有回帶。

Read more ›
【有片】日本喵星人瞓覺圖      超型睡姿似「浮世繪」

【有片】日本喵星人瞓覺圖 超型睡姿似「浮世繪」

日本呢隻喵星人最近喺Twitter好紅,佢嘅睡姿配合埋張地毯,出嚟嘅效果樓主話好似「歌川國芳」,即係日本江戶時代末期的浮世繪師,好有藝術感。網民就回覆話隻喵連瞓覺都充滿躍動感。而樓主都好大方,放咗另一段呢隻喵嘅瞓覺影片同大家分享,瞓到嘴郁郁超搞笑,肯定係發夢食緊嘢呀,入嚟有得睇。

Read more ›
【新片速報】日本超可愛水瀨仔 瞓覺冚被敷面膜

【新片速報】日本超可愛水瀨仔 瞓覺冚被敷面膜

水瀨仔本身已經夠晒可愛,仲要又爛瞓又乖!呢隻住喺日本嘅水瀨仔「ぷく」好嘆,主人幫佢整咗張床,有枕頭有被冚,仲有保濕面膜敷,超養生,段片睇完再翻睇都完全唔會厭。另外佢屋企仲有喵,同隻水瀨仔好friend,成日會一齊挨住瞓,可愛到癲,入嚟有回帶。

Read more ›

【連環圖】日本喵星人瞓覺3式 先側睡後仰睡

【連環圖】日本喵星人瞓覺3式 先側睡後仰睡

都話喵星人係好識嘆嘅動物,天氣熱梗係要開冷氣,開完冷氣涼涼哋就梗係要冚張被先瞓,呢隻喵星人識得捐入張毛毯度瞓,瞓瞓吓仲由側睡變成仰睡,好似人一樣,勁可愛!

Read more ›
日本女士專用「瞓覺的士」   有得按摩兼卸妝

日本女士專用「瞓覺的士」 有得按摩兼卸妝

日本嘅Nescafe之後都喺銀座開過間「睡眼咖啡館」,最近佢哋同「日本交通」合作推出「眠れる森の美女タクシー」計劃,俾女士搭一程可以瞓得舒適嘅的士。的士入面舖滿地毯軟綿綿好舒服,仲有卸妝棉、按摩產品等等免費使用,當然有一杯咖啡包埋,不過係不含咖啡因嘅,以免返到屋企瞓唔著。由即日至6月1日運行,只限平日,時間係晚上6時至凌晨12時,主要喺東京23區、武蔵野市同三鷹市行走,收費方面預約收410円,喺指定地點等候加多410円,其餘就按返的士咪錶收費。

Read more ›
喵星人「完美圓形」圖集 捲埋瞓覺超可愛

喵星人「完美圓形」圖集 捲埋瞓覺超可愛

喵星人瞓覺鐘意捲埋一嚿,日本呢隻喵就捲成一個好圓嘅圓形,完美無縫,之後有網民貼圖分享,原來佢哋啲喵都得,一個一個圓形超可愛。

Read more ›
日本超可愛扭蛋        6款動物摀眼扮瞓覺

日本超可愛扭蛋 6款動物摀眼扮瞓覺

又係呢個超可愛嘅日本扭蛋「熊貓之穴」瞓覺系列,嚟到第六彈,依然有唔同種類嘅動物表演瞓覺,今次更加搞笑,每隻動都物都用隻手撳實自己雙眼瞓覺!仲要全部四腳朝天,有水獺、貓、狗、獅子、馬騮同海象,勁得意!4月底發售,鍾意呢個系列嘅朋友記住留意吓嘞。

Read more ›