Post Tagged with: "瞓"

日本鴿仔堅持瞓入去 不同顏色雪糕筒測試Twitter熱傳
by / on 15/05/2019 at 7:00 am

日本鴿仔堅持瞓入去 不同顏色雪糕筒測試Twitter熱傳

噚日放左紅色嘅雪糕筒,今日改放黃色,不過都無阻隻日本鴿仔堅持瞓入去嘅決心!似乎顏色並唔係佢考慮嘅因素,個啱啱好凹咗入去嘅位先係佢鍾意嘅嘅原因,而家嘅佢心入面可能諗:「可唔可以拎走個雪糕筒?」

Read more ›

【有片】日本YouTuber玩大咗 渋谷馬路瞓大床警方介入
by / on 14/04/2019 at 1:00 pm

【有片】日本YouTuber玩大咗 渋谷馬路瞓大床警方介入

YouTuber經常拍攝具爭議性嘅影片,就算係出名守規矩嘅日本都一樣。最近日本YouTuber頻道「ジョーブログ」嘅片就俾人狂鬧,YouTuber Joe同佢3個朋友喺渋谷最旺嘅十字路口做Crazy Challenge,綠燈時成張床托出去馬路,瞓一陣之後趁轉紅燈前,火速將張床搬返去路邊,點知其中一個人托唔穩失重心,將呀Joe成個人跌咗落張床‥‥‥段片而家喺YouTube有過百萬views,但就有極多負評,大家鬧佢唔用腦好危險,又會影響到其他道路使用者,而東京都警方都已經介入研究緊件事,佢哋有可能觸犯咗當地法律,都係嗰句,玩還玩要用吓腦。入嚟有得睇返段片。

Read more ›
【成功上樓】流浪喵主動瞓人肚腩 事主瞓醒決定收養
by / on 12/03/2019 at 7:24 am

【成功上樓】流浪喵主動瞓人肚腩 事主瞓醒決定收養

又一隻喵星人成功上樓!事發地點係澳洲嘅坎培拉,Ali Safa呢位被選中嘅孩子喺郊外休息緊,玩玩吓電話仲瞓著咗,點知一覺醒咗發現有隻貓居然喺佢個肚腩上面瞓著咗!佢忍唔住影埋相放上Reddit,網民爭相問佢隻貓做緊咩同埋有咩新進展,最後Ali幫隻喵沖完涼再帶佢去睇獸醫,然後帶咗返自己屋企正式收養。呢隻係Ali人生第一隻寵物,網民都恭喜佢成為貓奴,入嚟有多啲相同片睇。

Read more ›
日本超可愛「農家喵星人」   反肚瞓紅蘿蔔堆Twitter熱傳
by / on 20/01/2019 at 12:30 pm

日本超可愛「農家喵星人」 反肚瞓紅蘿蔔堆Twitter熱傳

呢隻喵星人真係超可愛,有日本網民放咗張相上網,地點係農村家庭,全屋都係紅蘿蔔,而隻貓就好識嘆咁反肚瞓咗喺中間曬太陽,好可愛。有網民即刻用張圖嚟做手機wallpaper,好快仲有網民用呢兩日好流行嘅「紅蘿蔔人仔」圖嚟回應,入嚟有回帶。

Read more ›
日本肥喵瞓「暖桌」 超可愛睡姿Twitter熱傳
by / on 24/12/2018 at 7:25 am

日本肥喵瞓「暖桌」 超可愛睡姿Twitter熱傳

聖誕節除咗瘋狂喪玩,仲係一個好好嘅時機俾自己叉叉電休息吓,日本有網民分享咗佢隻肥喵嘅相,瞓咗喺暖桌旁邊嘅佢冚晒被好嘆好治癒!樓主話啲相係用iPhoneXS影嘅,仲推介大家換機,之後有大量網民分享佢哋嘅肥喵瞓覺相,好啱聖誕節睇,特別係瞓唔著嘅時候,睇完好想捐入被窩瞓覺呀。

Read more ›
日本插畫家「貓奴冬天的生活」 貼實瞓超羨慕
by / on 02/10/2018 at 7:47 am

日本插畫家「貓奴冬天的生活」 貼實瞓超羨慕

日本天氣開始凍,又係喵星人搵主人取暖嘅時間嘞。日本有插畫家兼貓奴「スガ」喺Twitter分享咗佢嘅作品,仲吸引好多人RT。咁你會諗,都係理想與現實啦,答案又唔係喎,樓主之後分享咗其他相同片,佢隻貓真係貼實瞓忠於原著。之後仲有好多網民分享佢哋啲貓相,好可愛!睇嚟日本天氣真係幾凍,班喵星人變嗲晒。‏

Read more ›

日本喵星人瞓貓樹屋    玩嘢揀最迫狹位置
by / on 04/09/2018 at 7:46 am

日本喵星人瞓貓樹屋 玩嘢揀最迫狹位置

喵星人最鍾意捐窿捐罅,而且越窄越迫嘅位置佢越有興趣,好似日本呢位貓奴間樹屋最近重新執位, 頂層好窄好窄,點知隻貓好鍾意,將自己夾硬塞咗埋去,仲露出一副好享受嘅樣,算啦其實唔實搭咁多層咁多佈置,迫迫哋俾條罅佢瞓就得。BTW,隻貓個名好型,叫五右衞門。

Read more ›
【有片】狗狗自創消暑大法 瞓水澗順水流漂走
by / on 20/07/2018 at 7:51 am

【有片】狗狗自創消暑大法 瞓水澗順水流漂走

日本天氣咁熱,唔止人類要避暑,狗狗都要諗方法消暑。日本有網民分享咗呢段片,隻狗狗超識嘆,坐喺水澗度仲要放鬆晒順住水流漂走,睇見都覺得透心涼,難怪樓主話想學佢啦。

Read more ›
【新片速報】日本超嗲喵星人Twitter熱傳    瞓主人肚腩唔肯走
by / on 04/06/2018 at 7:21 am

【新片速報】日本超嗲喵星人Twitter熱傳 瞓主人肚腩唔肯走

你屋企隻喵星人會唔會挨住你瞓?呢位日本嘅貓奴更加幸福,因為佢隻喵星人超痴身。一開始瞓喺佢大脾,之後不斷向上移,瞓完肚腩再瞓心口,越瞓越前,可愛到暈!好明顯主人身上好好肉勁好瞓。段片喺Twitter已經超過2百萬瀏覽,大家都俾呢隻超可愛喵星人融化咗,入嚟有得睇。

Read more ›
【超幸福】貓奴FF場面出現了 兩隻喵星人挨住瞓
by / on 27/04/2018 at 7:43 am

【超幸福】貓奴FF場面出現了 兩隻喵星人挨住瞓

貓仔又貪玩又嗲,仲好容易瞓著!最近有日本網民分享咗呢幾張相,首先有一隻喵仔挨住佢隻手臂瞓著咗,之後有另一隻喵仔出現嘞,搞兩搞撳吓人哋個頭,見隻喵無反應,自己竟然挨埋一齊瞓著咗,超可愛!好幸福呀呢位貓奴!

Read more ›
日本插畫家「貓奴心聲」 夜晚起身朝早瞓
by / on 26/02/2018 at 7:42 am

日本插畫家「貓奴心聲」 夜晚起身朝早瞓

作為貓奴,望到呢兩張插畫應該勁有共鳴。每晚當你準備瞓覺嘅時候,隻貓就好似啱啱起身咁,不停叫不停跳,然後朝早你想同佢玩吓嘅時候,佢就瞓到豬咁樣‥‥‥

Read more ›

日本佛心「喵星人」 瞓大佛手心被供奉
by / on 16/01/2018 at 7:57 am

日本佛心「喵星人」 瞓大佛手心被供奉

喵星人好鍾意周圍瞓,不過呢隻日本喵好識揀位,瞓正喺大佛嘅掌心到,好明顯已經成為咗信徒。張相拍攝地點喺日本東京都文京區嘅「護國寺」,睇相見佢又企又瞓,似乎已經同大佛好熟絡,仲可以一齊俾人類供奉。

Read more ›
日本超絕望柴犬 散步後唔願返屋企周街瞓
by / on 07/10/2017 at 1:37 pm

日本超絕望柴犬 散步後唔願返屋企周街瞓

之前見識過出親街都唔願返屋企,條繩越拉越長嘅日本明星柴「柴犬ハナ」,呢隻叫「ゆう」嘅柴犬一樣得意,佢唔肯返屋企就會就咁攤喺地,仲會露出扮絕望嘅厭世表情,目的只有一個:唔返屋企!佢呢招每日都上演,去到邊都可以攤喺地,超搞笑,入嚟有得睇。

Read more ›
【悲壯】日本喵星人瞓超任 手仔撳實reset掣無仇報
by / on 13/04/2017 at 7:48 am

【悲壯】日本喵星人瞓超任 手仔撳實reset掣無仇報

喵星人好識揀位瞓,最鍾意就係暖笠笠嘅遊戲機!最近有日本網民開返著部超任玩,喵星人好快歸位,之後極速坐低,隻手仔仲好叻咁一嘢撳咗個Reset掣度,全程臉不改容。網民都笑隻貓反應好快,同時希望樓主有save到。btw,佢玩緊嗰隻Mother 2有無人當年都玩過?

Read more ›
日本老虎都賣萌      攬住後腳瞓超可愛
by / on 11/04/2017 at 7:56 am

日本老虎都賣萌 攬住後腳瞓超可愛

老虎都係貓科類動物,所以有可愛賣萌嘅一面都好合理吖。呢張相最近喺日本Twitter好多人分享,呢隻動物園入面嘅老虎瞓得好冧,可能因為咁而鬆懈咗,俾人類影到佢攬住對後腳瞓好可愛嘅一面。不過睇真啲佢個肉球好黑,唔似得喵星人粉紅色咁,令人想撳吓佢。

Read more ›