Post Tagged with: "睡袋"

日本巨型鯊魚睡袋 網民出圖回應Twitter熱傳
by / on 10/01/2019 at 7:16 am

日本巨型鯊魚睡袋 網民出圖回應Twitter熱傳

呢隻好似IKEA嘅鯊魚嘅巨型睡袋,有無令你好想買返個?日本有網民分享咗,其他網民反應超熱烈,有人出動畫圖回應,有人話已經買咗,用咗佢發夢會唔會夢到自己俾鯊魚吞落肚?BTW,個睡袋賣5萬円,入嚟有link,而家預約3月中發貨。

Read more ›

日本超巨型牛仔褲睡袋 雙人設計一人一條褲管
by / on 23/01/2018 at 7:44 am

日本超巨型牛仔褲睡袋 雙人設計一人一條褲管

日本生活雜貨Felissimo又有古怪產品推出嘞!呢款超巨型牛仔褲其實係個雙人睡袋,每條褲管可以瞓一個人,前面有個窿可以伸個頭出嚟。底層用咗超暖絨毛,瞓瞓吓覺得熱又可以拉開拉鍊露返上半身出嚟;另外褲腳位可以拉埋拉鍊,咁就唔怕走咗啲風入去凍親腳板,好貼心。每條牛仔褲賣42,120円,即係接近3千蚊港幣,差唔多夠買張床嘞。

Read more ›
官方黑武士毛毯睡袋 瞓覺不失殺氣
by / on 26/08/2017 at 5:08 pm

官方黑武士毛毯睡袋 瞓覺不失殺氣

之前都有類似嘅產品,最近Disney官方網店Fantasy Shop有呢款黑武士毛毯睡袋買,迫真程度好高,無人瞓嘅時候成個黑武士瞓喺度幾有殺氣,瞓上去之後你就變咗黑武士,呎吋80×210cm,賣5990円,有咗佢想喺屋企邊個位置瞓都得,而且有瘦身作用,不過係單人床專用,好彩入面有抓毛好保暖,一個人瞓都唔會凍。如果有另一半,可以買另一款美人魚套裝比佢,好性感,大家都開心,入嚟有得睇。

Read more ›
日本炸蝦睡袋網上有得買 嚇親屋企人
by / on 17/09/2016 at 7:46 am

日本炸蝦睡袋網上有得買 嚇親屋企人

鍾唔鍾意食炸蝦?想唔想變成一條炸蝦?日本生活網Felissimo又有新嘢買,呢款炸蝦家居服網上有得買,嚴格嚟講佢係一個睡袋,著住佢瞓喺大廳梳化好爽,仲可以一邊食薯片,一邊飲紅酒‥‥‥7800円,聖誕節前到貨。

Read more ›
【似成咁】超像真黑熊睡袋   呀媽女友實尖叫
by / on 21/11/2015 at 11:54 am

【似成咁】超像真黑熊睡袋 呀媽女友實尖叫

星期六,想瘋狂瞓都好正常吖,所以今日介紹完鬆弛熊晨褸,再寫呢件熊人睡袋都好合理吖。講返正題,如果鬆弛熊係比女仔嘅,呢件雄糾糾嘅黑熊睡袋,真係男人必備!試幻想吓著咗佢再攤喺張床度瞓教,阿媽或者女朋友都一定會尖叫!咁瘋狂嘅設計果然係出自日本人手筆,設計師係Eiko Ishizawa,靈感來自之前嘅野生熊Bruno,不過要扮黑熊一啲都唔平,呢個極像真嘅睡袋賣美金2,350,呢個價錢夠買張靚床加床褥,不過就無咁型咯。

Read more ›
Marvel超級英雄睡袋    變形俠醫縮晒水
by / on 06/11/2014 at 7:04 am

Marvel超級英雄睡袋 變形俠醫縮晒水

呢幾日天氣凍,瞓帳篷未必夠暖,加埋個睡袋應該好啲,而且呢個Marvel超級英雄造型嘅睡袋夠霸氣,不過行動上就稍嫌唔夠靈活。呢套超級英雄睡袋Selk’bag有齊最受歡迎嘅Iron Man、美國隊長、變形俠醫同埋蜘蛛俠,質地舒適有齊腳踭拉鍊之類嘅細節位,唯一想問係點解變形俠醫縮咗水?

Read more ›