Post Tagged with: "睡衣"

日本熊貓睡衣系列    超可愛cosplay造型
by / on 20/09/2019 at 7:06 am

日本熊貓睡衣系列 超可愛cosplay造型

日本品牌gelato pique出好多睡衣,最近網上熱傳有呢幾款熊貓產品。大家都知日本人好鍾意熊貓,覺得佢哋好可愛,最近呢款更加係將熊貓著上身,想含蓄啲可以買白底熊貓圖案嘅睡衣,又或者買對黑白間襪,質地好舒服,亦有海外送貨服務,入嚟有link。

Read more ›

日本超正「冬天連身睡衣」   Coser宮本彩希做示範
by / on 14/11/2018 at 7:42 am

日本超正「冬天連身睡衣」 Coser宮本彩希做示範

日本經常都有呢類連身睡衣賣,今次呢件真心覺得正,由Bibi Lab.出品,搵咗日本知名Coser宮本彩希做示範,件睡衣超多details位,例如拉盡拉鍊後可以當埋口罩,頂帽旁邊有兩個窿可以挑啲頭髮出嚟,手掌可以收埋晒,又可以淨係突隻手指公或者全部手指放出嚟,最正都係去廁所,腰身有拉鍊位,夠快捷方便。amazon賣6,800円,入嚟有link,買嚟做聖誕禮物都唔錯,男女通用。

Read more ›
洛克人女朋友睡衣 連頭盔大炮賣5500円
by / on 26/09/2017 at 7:34 am

洛克人女朋友睡衣 連頭盔大炮賣5500円

日本品牌Sazac專出遊戲角色睡衣,最近洛克人30週年就有呢款連身睡衣,仲專登加咗頂連帽頭盔,睇落暖笠笠唔怕凍親頭頂。不過最正都係支可拆卸嘅炮,可以拆出嚟當枕頭瞓,全套賣5,500円,10月6日推出,無女朋友又生得細粒啲嘅男仔都可以買嚟冬天著保暖。

Read more ›
《你的名字。》杯緣子        睡衣造型對調身體超想儲
by / on 08/08/2017 at 7:32 am

《你的名字。》杯緣子 睡衣造型對調身體超想儲

杯緣子到而家都繼續有新款出,今次終於輪到動畫《你的名字。》,有齊男女主角,唔單止有校服造型,連睡衣造型都有,仲係佢哋發現自己對調咗身體時嘅驚訝樣,最近官方出咗幾張新圖,而家有得賣,作為fans應該想儲齊一套嘞。

Read more ›
Star Wars官方出品睡衣    蛤蜊衣去廁所有危機
by / on 16/08/2013 at 7:45 am

Star Wars官方出品睡衣 蛤蜊衣去廁所有危機

唔准講大話,你瞓覺套衫究竟有幾劣?本來Star Wars嘅cosplay衫唔想多介紹,不過呢套係睡衣,可以一年365日著住瞓,而且仲係官方出品,個樣見得吓人,男model都幾有型(嘻),窄褲腳設計算係用心,就算有朋友突擊上你屋企探訪都唔失禮。有齊R2-D2、白兵、黑武士同Boba Fett一式四款,唯一美中不足係蛤蜊衣設計,衫褲連身一件過,夜媽媽去廁所可能有啲輪盡。

Read more ›
棉花糖巨人睡衣  瞓覺記得戴帽
by / on 03/01/2013 at 10:23 am

棉花糖巨人睡衣 瞓覺記得戴帽

嘻,如果夜晚有人著呢件睡衣陪我瞓,我應該會瞓得好冧。呢件《捉鬼敢死隊》嘅棉花糖巨人睡衣,前面有拉鍊,仲有兩個前袋比你袋棉花糖,雖然睇落緊身咗少少,質地又硬身咗少少,作為睡衣可能唔夠舒適,但cosplay就一流,尤其戴埋頂帽。開價港幣約$280。

Read more ›