Tag: 眼球

日本超核突萬聖節Pizza 眼球加斷指仲有血啫喱

日本超核突萬聖節Pizza 眼球加斷指仲有血啫喱

日本人好鍾意萬聖節,呢間Aoki’s Pizza上年都推出過恐怖pizza,今年再登場,今日開始推出嘅「復活!血まみれゾンビーノ2」Pizza個樣勁核突,一粒粒眼球睇見都想嘔,仲有一條條香腸伸晒出嚟扮斷指,賣2600円,去開日本又想食Pizza可以試吓,不過只限10月5日至31日。除咗Pizza,仲有杯血狀連埋3粒眼球嘅啫喱甜品「血だまりの目玉ゼリー」,賣330円,食埋啱啱好夠飽。

Read more ›

【眼球變星球】韓國大眼仔進化版    眼珠變超靚星球

【眼球變星球】韓國大眼仔進化版 眼珠變超靚星球

估唔到而家嘅大眼仔已經進化到宇宙級數。最近有韓國網民喺Twitter分享咗幾張cap圖,吸引好多人轉發。呢款隱形眼境戴上眼後,眼珠就好似變咗外太空星球咁,仲有唔同顏色唔同款,靚得嚟又有啲恐怖。不過要戴佢首先要有對大眼。

Read more ›
【慎入】北海道名物「瓜拿納」 真身好恐怖似眼球

【慎入】北海道名物「瓜拿納」 真身好恐怖似眼球

有密集恐懼症嘅慎入!呢款北海道名物「瓜拿納」(Guarana) 個樣好似一粒粒突出嚟嘅眼球,有網民放咗上Twitter後嚇親好多人。佢哋生埋一堆,離遠見到一大堆疑似眼球,真係有少少毛管楝。不過去到北海道,好多人都會試呢款「瓜拿納」碳酸飲品,黑黑哋好似可樂,據講喺當地嘅銷量仲高過可樂,只不過估唔到佢嘅「真身」竟然係咁特別。

Read more ›

【好靚】喵星人眼中看到宇宙 一藍一綠美瞳

呢隻兩歲嘅喵星人Aloş最近好紅,佢對眼一隻藍一隻綠,好特別、好靚,令人忍唔住望多兩眼,而家佢嘅IG已經有超過1萬個Followers,主人話每次出親街大家都會好好奇咁望住佢。其實有唔少喵星人都有雙色瞳,兩隻眼唔同色,醫學上叫呢種做「雙眼虹膜異色症」(Binocular Heterochromia),亦有貓係一隻眼有兩隻色,不過唔駛擔心,專家話如果喵星人天生兩隻眼唔同色嘅話,視力係唔會受影響嘅。不過如果佢哋本來係普通顏色,之後開始變色嘅話,就要帶佢哋去睇醫生嘞。

Read more ›

【會爆炸的】日本男人玩中國製玩具 飛彈碎片擊傷眼球

中國製嘅電器會爆炸,中國製嘅玩具都會爆裂!最近日本沖繩就有位33歲嘅男人,因為玩呢個懷舊玩具「光るびゅんびゅんマスター」而導致眼角膜受傷,眼球破裂。呢個玩具玩法好簡單,左右拉動條繩,中間嘅圓形膠盤就會高速旋轉,不過由於今次個圓盤有裂痕,轉嘅時候圓盤碎片以時速130km飛彈擊中眼球,而家玩具已經停售。有網民就突破盲點,問點解33歲嘅男人仲玩呢個玩具,其實佢係示範比屋企嘅小朋友睇,好彩唔係直接比個小朋友玩,否則後果真係不堪設想。

Read more ›

有片:甩眼球!嚇到真嘔!修理水喉扮受傷!

初睇片名叫《I Lost An Eye PRANK!!!》,究竟點樣Lost法呢?原來係簡單,男人捐入鋅盤底扮修理水喉,搞一輪之後叫女人拎工具,之後慘叫一聲,再之後流到一櫃血,再再之後男人捐番個頭出嚟典地,再再再之後摸住隻眼,手掌多咗粒眼球。咁當然,通櫃血同眼球都係假架喇,不過女人一見血就心慌,嚇到跪低企唔穩,畫面太過迫真兼血腥,當場嚇到連隔夜飯都嘔埋出嚟。又難怪嘅,眼球喎,咁核突,嚇到嘔,絕對可以理解。

Read more ›

新片速報 唔用指紋用眼球 Docomo手機解鎖示範

用指紋幫手機解鎖其實已經好型,不過最近又有新嘢,就係用眼部瞳孔外嘅虹膜(Iris)做認證,即係好似睇戲咁,經過望兩眼,電腦scan完度門就會自動打開。之前都公佈過日本手機ARROWS NX F-04G會支援,日本叫「虹彩認証」,啱啱日本NTT Docomo又出咗條新廣告,睇片見倒除咗用呢個技術解開手機鎖之外,仲可以上網購物做最後認證,睇落好型,但係會唔會比人偷眼球架?

Read more ›

超像真眼球手錶 核突首飾巡禮

sorry真係核突咗少少,不過八號風球除下,要返工返學都唔怕嘞,其他嘢點會嚇到你?呢啲眼球手錶、內臟鏈咀,全部都係由外國人Morgan Loebel設計,佢本身係牙醫實驗室嘅技術人員,平時見開血肉模糊嘢,難怪可以氣定神閒整啲咁古怪核突嘅首飾,買定兩件萬聖節出街嚇鬼都好喎。

Read more ›
新片速報 電腦眼球感應器 眼神爆頭 打機唔用手

新片速報 電腦眼球感應器 眼神爆頭 打機唔用手

眼神殺敵,打機唔駛用手掣、Mouse瞄頭爆頭嘅時代嚟臨喇。呢個「The Eye Tribe Tracker」喺之前展覽都出過場,不過呢條片中就仲勁,佢除咗可以憑你眼神將屏幕顯示畫面拉上拉落外,仲可以融入遊戲中,直情用你嘅視線嚟移動準星,如果做得又準又快嘅話,玩射擊遊戲邊個夠你快?佢仲可以用喺平板電腦,阿女用家唔使用手指就可以劈開啲水果,勁有殺氣!99美元勁抵玩!不過計我話,梗係隻手唔得閒時最有用啦!例如……彈緊結他。

Read more ›