Tag: 真實版

《動物之森》真實版食物   「大頭菜」超像真唔捨得食

《動物之森》真實版食物 「大頭菜」超像真唔捨得食

最近好多人狂玩《動物之森/ 動物森友會》,已經分唔到真實同遊戲世界,好似見到呢幾條大頭菜,都會懷疑究竟自己係咪有幻覺?Twitter用戶@EverydayBewear好鍾意製作任天堂角色嘅食物,最近《動物之森/ 動物森友會》咁流行,當然要整吓,其中佢整嘅「大頭菜」肉包就令大家感覺好有親切感,不過玩家會唔會唔捨得食?好貴架!仲有呀,得返兩日時間,大家放晒啲菜未?

Read more ›

真實版迪士尼景點 阿拉伯清真寺Twitter熱傳

真實版迪士尼景點 阿拉伯清真寺Twitter熱傳

唔駛去迪士尼都可以好似置身迪士尼嘅世界?日本有網推介咗呢個真實版迪士尼嘅景點,位於阿拉伯聯合大公國首都阿布達比嘅一座清真寺,個名叫「謝赫扎耶德大清真寺」, 有82個圓頂、四座高107公尺嘅宣禮塔,睇落好靚好似童話世界,施工費用都好誇張,係美金5.4億!

Read more ›
日本超靚風景相Twitter熱傳 真實版《天氣之子》

日本超靚風景相Twitter熱傳 真實版《天氣之子》

日本攝影師ざき先生嘅風景相好高質,最近夏天嚟到,加上新海誠嘅動畫《天氣之子》上映,啟發佢影咗好多靚相,全部都靚到好似合成一樣,入嚟有得慢慢欣賞。

Read more ›
【真英雄】外國真人版蜘蛛俠     4年探訪近萬個病童

【真英雄】外國真人版蜘蛛俠 4年探訪近萬個病童

每日營營役役返工嘅我哋,有無諗過生活嘅意義係咩?外國呢位「蜘蛛俠」Ricky Mena有啲唔同,佢嘅「工作」就係演飾蜘蛛俠,探訪各地嘅病童,將歡樂帶俾佢哋。由2014年到而家,已經探訪過接近1萬個病童。佢自己嘅故事都好感人,2014年嘅佢一無所有,無業要住喺朋友屋企,有一晚佢發夢夢見外婆,對方俾佢睇一段蜘蛛俠去病童醫院嘅片段,之後佢賣咗自己架舊車,用嚟買咗件$1400美金嘅蜘蛛俠服飾,之後仲成立咗一個叫Heart of Hero嘅非牟利組織,入嚟有多啲相同片睇,好感人,如果想出一份力支持佢,可以去佢嘅網站捐款。

Read more ›
日本真實版《龍貓》 喵星人瞓巨型毛公仔Twitter熱傳

日本真實版《龍貓》 喵星人瞓巨型毛公仔Twitter熱傳

講到瞓覺喵星人幾時都係最醒,最近日本Twitter就熱傳呢幾張相,隻小喵星人好識瞓,揀咗隻巨型嘅貓毛公仔嚟瞓,即時令人諗起動畫《龍貓》,我都好想瞓上去呀!

Read more ›
日本發現真實版「蜘蛛伯伯」 可愛笑臉似真人Twitter熱傳

日本發現真實版「蜘蛛伯伯」 可愛笑臉似真人Twitter熱傳

蜘蛛俠大家見得多,呢隻日本網民發現嘅再老啲,係隻真蜘蛛,但就有個好似伯伯一樣嘅笑臉,得意得嚟又有啲詭異。其實佢嘅品種係ハナグモ(花蜘蛛),出名個樣似人,不過今次呢隻就可愛啲,似一個笑緊嘅伯伯。有網民話佢似日本漫畫家「チャーリー野沢」,亦有人話似《薩爾達傳說》入面嘅金克爾。BTW,香港之前都出現過一隻人臉黃蜘蛛,入嚟回帶影片,睇到人心都寒埋。

Read more ›

日本芒亨獵人自製「貓飯」    超豐富神還原

日本芒亨獵人自製「貓飯」 超豐富神還原

早兩日都有日本獵人整過真實版貓飯,估唔到呢個仲勁,真實程度接近神還原!款式極多,大大串嘅串燒仲插住個菠蘿,另外仲有湯、海鮮炒飯、大大嚿肉等,超豐富!遊戲入面嘅獵人3秒食完,真實版應該要3個人先食得曬。樓主話大概用咗3小時整,材料費大概4千円,唔算貴喎。入嚟有回帶睇返之前另一份貓飯,都勁。

Read more ›

【有片】土耳其真實版《變形金剛》 紅色寶馬變機械人

其實段片放上YouTube已經係4月嘅事,不過最近好多外國網開始報道,吸引好多人注意。話說土耳其公司Letrons最近成功研發咗一個真實版嘅Transformer,由一架紅色寶馬變身為紅色巨型機械人,仲識噴煙,擁有呢架車應該係好多男人嘅夢想。睇片見旁邊拎住遙控器嘅男人玩得咁開心就知。唯一可惜係喺汽車模式時仲未可以揸,只可以遙控操作。另外暫時未知幾錢,不過有興趣可以上佢官網訂購,仲有4個款式任揀。唔知郭富城呀古天樂嗰啲會唔會考慮入返部?

Read more ›

【文青必住】Airbnb又有新主題房 梵高名畫真實版$10住一晚

Airbnb經常有啲特別嘅筍盤比遊客租住,今次呢間就好有藝術氣質,因為成間房依足畫家梵高嘅名畫而設計,住喺入面就好似置身喺名畫內,好文青。想租呢間房只需要10蚊美金一晚,因為間房係Art Institute of Chicago美術學院設計嘅,目的係宣傳佢哋做緊嘅梵高展覽,各位文青去開美國又想影吓相呃吓Like,就記住儘早book定嘞。

Read more ›

【手指尾呢?】有片 《人中之龍》真實版 日本黑道攝影集

玩完《人中之龍》之後,見親日本黑道都覺得寧舍有親切感,不過現實中,呢班黑道嘅一舉一動好神秘,老百姓好難可以窺探到。呢位外國攝影師Anton Kusters就有機會同佢細佬Malik用咗10個月時間同黑道相處,仲影咗大量相片兼出埋攝影集《ODO YAKUZA TOKYO》,入面最吸引我嘅係有黑道中人被切咗隻手指尾落嚟嗰張相,即刻諗起《人中之龍》打極唔死無咗半隻手指尾嘅「久瀨」。最近攝影師Anton喺外國搞展覽,有人就同佢哋做咗訪問,有興趣可以入嚟慢慢睇。

Read more ›

新片速報 《侏羅紀世界》男主角被玩 真實版恐龍突入嚇到舉中指

睇咗《侏羅紀世界》未?係咪睇4D先?不過就算4D都唔夠呢條片驚嚇。有人諗倒搵兩隻真恐龍嚇男主角Chris Pratt,趁佢路過嘅時候突然殺出,睇佢超驚個樣,shit shit聲仲舉埋中指,好戲過電影入面嘅演出。條片放上網1日已經過百萬點擊,由YouTube專拍整蠱片嘅SA Wardega製作,水準有保證。上星期佢哋仲拍咗條恐龍殺人片,一樣超正,不過係咪乘機宣傳套新戲架?

Read more ›

Fans自製海報LEGO 起重機吊起片名

電影《LEGO英雄傳》而家上緊,北美票房好勁,以6910萬榮登冠軍。香港嘅電影海報有幾個LEGO人跑嚟跑去,其實外國有款海報型好多,大大個起重機吊住套戲名,外國有fans仲自製咗真實版,好多lego粉絲睇完都留言大讚!模型製作者DeathNick嘅版本同真實版有90%似,用起重機吊住戲名,佢話要保持平衡超有難度。模型而家喺戲院展出緊,之後會喺LEGO store展覽,覺得靚嘅記住去電影官方facebook網站投DeathNick一票,支持佢做Fans of the week!

Read more ›

《回到未來》戰車有得賣 開價港幣50萬

聖誕節咁得閒好適合重溫舊片,例如《回到未來》有三集可以慢慢煲。有閒錢嘅,仲可以買埋電影入面識穿越時空嘅1981年 DeLorean戰車。呢架車之前都有見過網相,不過今次真係有得賣,外國網站Bobs Propshop開價七萬蚊美金,為返五十零萬港紙,識行識走,不過慢啲唧。除咗《回到未來》DeLorean,仲有《捉鬼敢死隊》架車同埋《TAXI DRIVER》架的士,擺明想賺老影迷筆養老金。

Read more ›