Post Tagged with: "真人"

人類變狗計劃    超爆狗仔洗頭水廣告
by / on 01/11/2013 at 3:59 pm

人類變狗計劃 超爆狗仔洗頭水廣告

人類你都有今日喇!之前成日見人將狗狗扮成真人,今次終於風水輪流轉。外國專賣寵物用品嘅品牌WildWash,最近拍咗輯新廣告,搵咗幾個真人梳返狗仔嘅髮型,包括有貴婦狗、西施、英國牧羊犬,目的係標榜呢款寵物洗髮水性質溫和,人類用都無問題。唔知點解,我覺得原來人類梳貴婦狗嘅髮型都幾潮,你有無同感?

Read more ›

綠士兵現身地鐵    超強哈囉喂cosplay
by / on 31/10/2013 at 7:36 am

綠士兵現身地鐵 超強哈囉喂cosplay

每次見倒綠士兵我就諗起電影《反斗奇兵》,不過平時見嘅通常係迷你版,真人咁大仲出現喺地鐵站,認真估你唔倒!呢對嚟自三藩市嘅情侶,今年哈囉喂決定玩大佢,將自己由頭到腳趾尾油晒綠色,之後再出街玩周圍同人影相,單係化妝整衫已經超難,最慘係漿住晒,想去廁所都難‥‥‥最搞笑係男仔揸住嘅電話筒,係喺屋企摷出嚟嘅倉底貨,唔知之後仲用唔用得返呢?

Read more ›
有片    Star Wars真人宣傳片    百人互劈激光劍
by / on 12/10/2013 at 7:12 am

有片 Star Wars真人宣傳片 百人互劈激光劍

《Star Wars: The Old Republic》呢隻MMORPG遊戲我無玩,不過佢條真人宣傳片幾好睇,所以都開心share吓。今次呢條片幾勁,有過百人玩激光劍大混戰,又有原力推車嘅特技,分零鐘片無冷場,絕對係大製作。至於宣傳啲乜?原來今次新upgrade咗幾個功能,包括加快咗下載時間,有全新戰鬥場地,仲有登入時多咗個新遊戲「Rise of the Hutt Cartel」,對我嚟講唔太吸引,我都係專心翻睇多次條宣傳片算喇。

Read more ›
邪惡軸心   騎呢公仔棚牙真人一樣
by / on 23/09/2013 at 7:32 am

邪惡軸心 騎呢公仔棚牙真人一樣

邪惡、醜樣嘅公仔見得多,不過好似呢隻叫Fuggle咁古怪,眼突鼻豬(有時無鼻),口入面仲有一隻隻真人咁款嘅牙齒,真係第一次見。每次見佢e起棚牙,我就好驚佢咬我。Fuggle喺外國網Etsy有得賣,仲有不同顏色,有時隻眼會變鈕扣,特式係全部都係牙斬斬,最啱萬聖節送比隔籬屋好曳好嘈成日踩我隻腳個細路,400蚊我駛得好痛快。

Read more ›
網圖分享:漫畫扮真人?真人扮漫畫?
by / on 11/08/2013 at 6:44 pm

網圖分享:漫畫扮真人?真人扮漫畫?

呢輯靚女圖鑑,我睇得好投入,睇靚女金晴火眼就梗架嘞,另一個我投入嘅原因,係越睇越覺得唔對路,心中升起咗一個問話符號。問話符號內容係──究竟呢輯相,係先有真人相片,然後Photoshop加工變成漫畫公仔作左右對照吖,抑或先有漫畫原圖,然後真人Cosplay扮番相中漫畫人物呢?定兩者都有呢?有無人畀到答案我? 資料來源:http://www.kugacity.com/photo/1/photo180.html  

Read more ›
《魔女宅急便》美軍版?    集體升天玩創晒
by / on 03/07/2013 at 7:27 am

《魔女宅急便》美軍版? 集體升天玩創晒

噚日公佈咗《魔女宅急便》真人版搵咗宮澤里惠飾演主角琪琪嘅媽咪,今日又咁啱喺網上見倒呢班美軍玩到心都創埋。一個二個坐喺掃把上面,十足《魔女宅急便》嘅琪琪扮飛天。其實佢哋係玩緊《Harry Potter》入面經常比賽嘅運動Quidditch分隊對戰,不過戰場就係阿富汗沙漠,嘩,真係諗起都腳震。

Read more ›

真人版《The Last of Us》索女clicker     化妝拍攝高水準
by / on 27/06/2013 at 5:13 pm

真人版《The Last of Us》索女clicker 化妝拍攝高水準

我哋嘅編輯Kali呢排狂煲《The Last of Us》多人模式,外國就有呢個名為Emma Franks嘅cosplayer扮Clicker影咗輯靚相,第一次見索女版Clicker,睇佢唇紅齒白,感染前應該係靚女一名。製作團隊話有參考官方幕後花絮片自製今次嘅真人版clicker,想講係呢輯相影得幾靚,化妝攝影都係好水準,cosplayer又幾靚,但唔好行咁埋,我會爆你頭o架!

Read more ›
新片速報 真人版任天堂大亂鬥 女角身材贏晒
by / on 25/06/2013 at 7:07 pm

新片速報 真人版任天堂大亂鬥 女角身材贏晒

我認,呢啲外國人真人遊戲片其實我麻麻哋,但呢條我就俾佢引咗入去睇。除咗因為佢角色夠多、場景認真之外,仲有因為扮比卡超、公主嗰位女角身形都好豐滿,仲要跳嚟跳去,佢每彈一次我個心都離一離,唔覺唔覺就睇晒條片,所以Kibi講得啱,最緊要配妞。

Read more ›
小丸子同學長大了!真人版《永沢君》4月1日播映
by / on 28/03/2013 at 11:12 am

小丸子同學長大了!真人版《永沢君》4月1日播映

小丸子又有心事,曾幾何時嘅真人版都唔係差,仲捧紅咗童星伊藤綺夏。嚟緊又有真人版,不過今次就係由同學仔永沢君擔正,嘩!咁大個嘅啲演員?係呀,係講佢哋中學時代嘅故事,演員除咗主角劇団ひとり外,仲有ウエンツ瑛士、森三中・大島美幸、はんにゃ・金田哲、皆藤愛子等,TBS喺4月1日愚人節播出,乜咁大整蠱?

Read more ›
村上隆首次執導《大眼水母》   日本展覽谷宣傳
by / on 11/02/2013 at 12:33 pm

村上隆首次執導《大眼水母》 日本展覽谷宣傳

故事似足《長江七號》嘅村上隆首次執導CG真人電影《Jellyfish Eyes》(大眼水母),之前報導過4月26日會喺日本上映。村上隆呢位日本國寶級藝術家,香港人最熟悉應該係佢同LV聯乘嘅手袋系列。最近為宣傳電影,日本舉行咗個電影角色展覽,首次展出主角同埋佢嘅七位朋友,包括戴住金毛假髮嘅水母,耳仔長過面嘅馬騮、太陽花面嘅恐龍仔。唔恐佈之餘仲鬼咁得意,真係想買隻返屋企儲,不過村上隆喎,買倒都一定係天價。

Read more ›
新片速報 Fan Video扮Snake再Hitman仲有刺客教條
by / on 03/02/2013 at 12:44 pm

新片速報 Fan Video扮Snake再Hitman仲有刺客教條

之前Bomba條《合金教條》將《刺客教條》加埋《Metal Gear》整成瀨尿牛丸,叫好叫座。呢個西人就再加多幾味,仲有《Hitman》、《Splinter Cell》等等角色,一人分演幾角玩暗殺。其實拍得唔差,尤其係Snake匿喺紙箱一幕,我笑咗。最後,照慣例,幕後製作片段一樣好睇。

Read more ›

真人VS動漫 100%相似圖大比併
by / on 17/12/2012 at 7:51 am

真人VS動漫 100%相似圖大比併

鄧梓峰好似巴斯光年?我知,但我想睇靚女多啲喎!外國有網站搜羅咗一系列動漫角色VS真人大比併嘅相片,相中真人唔止樣似,大膽程度都同漫畫中人有得揮。全部擺返一式一樣嘅甫士比你Photo Hunt,非常賞心悅目!以下有超過20款對比圖,養眼程度由高至低,有時間可以碌到最低,動物都有!

Read more ›
新片速報 完全崩壞 台灣真人版《Slam Dunk》
by / on 10/12/2012 at 1:28 pm

新片速報 完全崩壞 台灣真人版《Slam Dunk》

我本來好嬲,竟然搵呢套神作《Slam Dunk》嚟玩?簡直係一種褻瀆!但係,當我睇到片中嘅櫻木花道、流川楓,我真係嬲佢哋唔落。拍片單位係台灣嘅「瘋神無雙」,背景音樂用番原裝,成條片,基本上得個籃球同晴子小姐正常少少……不過,整睇係好笑過香港鄭伊健嗰套《男兒當入樽》……

Read more ›