Post Tagged with: "真人"

【有片】有特技有身手 真人版《Mario Kart》變踩滑板
by / on 26/08/2015 at 5:47 pm

【有片】有特技有身手 真人版《Mario Kart》變踩滑板

呢個「CorridorDigital 」頻道,就係之前拍過真人版《GTA》,又玩過瞓地Stop motion格鬥片嗰個。今次呢條就係玩《Mario Kart》,不過主角變做踩滑板嘅Luigi,佢喺道路上面跣住去,又遇到龜殼又砲彈……當然都有最好睇又學到嘢嘅Making of啦。

Read more ›

新片速報 網民操控真人版第一身射擊 500萬點擊後花園殺喪屍
by / on 24/08/2015 at 7:10 am

新片速報 網民操控真人版第一身射擊 500萬點擊後花園殺喪屍

超勁!第一身射擊遊戲玩得多,真人版有無試過?呢條片放上YouTube三日已經過咗5百萬點擊,由RealmPictures製作,邀請喺Skype、Chatroulette同埋omegle嘅網民用聲音控制玩者,由網上玩家決定真人應該行去邊、執啲乜、殺邊個,好新穎嘅玩法!全程喺後花園拍攝,有喪屍有槍有子彈,好真實,仲幾好玩!唯一係鏡頭有啲搖唔慣嘅會有啲暈。香港有無人可以整返個?好想玩呀!

Read more ›
新片速報 主觀鏡真人版《Super Smash Bros.》 特效像真機迷必睇
by / on 29/07/2015 at 2:26 pm

新片速報 主觀鏡真人版《Super Smash Bros.》 特效像真機迷必睇

如果你有玩大亂鬥,呢條片應該睇得好開心,因為係第一身,而且仲要係真人版,上層跳落下層,打爆天花板再打上去,放火球再執道具,呢啲遊戲入面嘅元素全部都有齊。「SoKrispy Media」製作,特效唔複雜但整得好自然,機迷睇見應該會覺得幾好玩。

Read more ›
【先生邊位?】警署疑兇繪圖真人對比 完全唔似點緝兇
by / on 30/06/2015 at 7:11 am

【先生邊位?】警署疑兇繪圖真人對比 完全唔似點緝兇

細個睇電視都有見,警察要捉疑犯,通常會搵目擊證人描述返疑犯嘅外貌,再靠喺警局入面嘅畫師將疑犯面貌畫出嚟緝兇。咁睇《獎門人》都知啦,口耳相傳總會出事嘅,外國網站就將呢啲掃描同真實犯人相放埋一齊做對比,估唔到居然可以一啲都唔似,用佢嚟緝兇應該會捉錯犯。另外絕大部份嘅畫功都比較幼嫰,好似小學生畫畫。

Read more ›
【有片】真人夾公仔不是夢! 吊高2米空降夾薯片
by / on 29/05/2015 at 7:17 am

【有片】真人夾公仔不是夢! 吊高2米空降夾薯片

雖然唔係最新,但真係好想share吓。夾公仔機喺日本玩得多,呢個用真人做夾嘅都係第一次見,仲有埋片睇。個玩具夾用嚟吊住個小朋友,每次降落小朋友就可以手腳並用,盡能力有幾多夾幾多,睇片幾啲禮物全部係薯片,孤寒啲喎。而個小朋友就戴晒安全帽好似跳降落傘咁款,吊到成兩米高,希望條繩夠穩陣啦。

Read more ›
日本網民投選《Slam Dunk》真人版組合 小栗旬 × 福士蒼汰!?
by / on 17/02/2015 at 5:38 pm

日本網民投選《Slam Dunk》真人版組合 小栗旬 × 福士蒼汰!?

其實都唔算係投選,因為都冇排名,只係有日本網站做咗個調查,問如果《Slam Dunk》拍真人版,櫻木花道同流川楓呢個組合應該搵邊位演員演呢?提議嘅組合包括小栗旬 X 松田翔太/福士蒼汰,仲有長瀬智也 X 綾野剛/市原隼人等等,而網民嘅理由就係小栗旬同長瀨智也夠高,市原隼人做《ROOKIES》嘅不良學生深入民心,最好笑係話綾野剛有張「狐狸臉」……另外,仲有話赤木剛憲一定係搵Dancer「関口メンディー」演,睇番張相,又啱。不過,如果真係開拍真人版,入樽迷都唔知係開心好定驚好……

Read more ›

【有片】極級創意 航拍加特技 《進擊之巨人》立體機動裝置殺敵影片
by / on 17/02/2015 at 4:43 pm

【有片】極級創意 航拍加特技 《進擊之巨人》立體機動裝置殺敵影片

             呢條片之前真係冇睇過,睇完之後真係唔能夠唔報道。嗱講明先,特技就唔算好勁,但嗰份創意就好勁!有冇諗過如果要自己拍段調查兵用立體機動裝置飛嚟飛去嘅片可以點拍?佢哋就用咗o依家好興嘅航拍。加埋剪接同CG,俾你體驗吓第一身用立機機動裝置穿梭喺城市有幾勁!其實,可以拍番條蜘蛛俠都一樣得喎。

Read more ›
情人節終極閃咭   真人變迪士尼童話人物
by / on 14/02/2015 at 1:03 pm

情人節終極閃咭 真人變迪士尼童話人物

今朝一起身打開Facebook就畀大量閃光彈誤傷,送花呀、情人節餐呀、睇日出呀,不過都唔及呢個咁閃,就係將自己同女朋友嘅樣融入迪士尼經典動畫入面。呢位男朋友話,咁做係因為想同女朋友嘅關係好似童話故事咁恒久,所以呢,佢就喺3個月搵咗插畫師Dylan Bonner幫手,send咗大量生活照比佢做參考,然後將佢哋兩個變做王子與公主‥‥‥睇返真人對比,其實幾似,尤其女朋友個嘴。

Read more ›
新片速報 紙箱最強! 又有外國真人版《Metal Gear Solid》
by / on 18/01/2015 at 12:00 pm

新片速報 紙箱最強! 又有外國真人版《Metal Gear Solid》

成日都有fans拍《Metal Gear Solid》嘅真人片,有好多都製作極認真,好似呢條「BOXHOUND – Metal Gear Solid Film」就係其中一條。由「Fury Fingers」製作,有齊通話、感嘆號、紙箱呢條元素,係阿Snake唔太似樣,佢似《The Walking Dead》阿Rick多啲。

Read more ›
新片速報 《DayZ》fan film真人版短片
by / on 09/01/2015 at 4:21 pm

新片速報 《DayZ》fan film真人版短片

有時去餐廳食飯都係食個氣氛啫,所以喪屍片都唔一定要有喪屍?有個氣氛都得?呢條《DayZ》真人短片由「Eternum Pictures」製作,冇特技冇喪屍,咁到底點可以令玩家有共鳴?有玩嘅入嚟睇吓有冇feel……

Read more ›
真人版《進擊之巨人》第1彈海報 120米巨人高過哥斯拉
by / on 13/12/2014 at 10:59 am

真人版《進擊之巨人》第1彈海報 120米巨人高過哥斯拉

之前睇過三浦春馬等主角們嘅造型啦,今次輪到海報喇,下年上映嘅真人版《進擊之巨人》,最新消息係超大型巨人會比原著高好多!原著超巨型巨人係高60米,而寫實版就會高120米,仲高過早排荷李活隻哥斯拉!佢都係108米高咋……咁又難怪嘅,你又裝甲車又火箭炮,巨人唔高啲咪隨時唔夠打?

Read more ›

《大使閣下の料理人》真人日劇新年播 剛力彩芽造型登場
by / on 26/11/2014 at 11:08 am

《大使閣下の料理人》真人日劇新年播 剛力彩芽造型登場

由西村ミツル原作,かわすみひろし作畫嘅漫畫《大使閣下の料理人》將會寫實化,而且好快,喺2015年1月3日呢個日本新年檔就有得睇!除男主角「嵐」嘅櫻井翔有片睇外,女主角剛力彩芽嘅造型都現身喇,佢嘅角色就係漫畫中嘅「レイ・ティー・蘭」。

Read more ›
真人版《進擊之巨人》演員列表公開 角色海報曝光
by / on 20/11/2014 at 10:22 am

真人版《進擊之巨人》演員列表公開 角色海報曝光

嘩!玩火箭炮,仲有裝甲車!係,據報道真人版電影嘅舞台背景唔同漫畫版,即唔係古代,但咁嘅設定,如果咁講,調查兵仲駛唔駛用立體機動裝置……好喇,入正題,今日呢套諫山創原創嘅《進擊之巨人》真人版,終於公開晒陣容同角色配對,首先主演嘅三浦春馬係演艾倫啦,而大家最關心嘅Mikasa就由水原希子演,噢……阿爾敏係本鄉奏多,每個人都有獨立造型海報,講真,三浦春馬我爭啲唔認得。咦喂!兵長呢?暫時唔見有佢喎,反而有個原創角色「人類最強の男・シキシマ」係長谷川博己演嘅,唔係啩?電影由樋口真嗣監督,分前後編,下年上映。最後值得留意嘅係電影音樂會由《ヱヴァンゲリヲン新劇場版》嘅鷺巣詩郎負責,人物設定就係貞本義行、竹谷隆之、田島光二,咁又坐番穩啲。

Read more ›
新片速報 特技超強大!《Call of Duty: Advanced Warfare》真人宣傳片
by / on 01/11/2014 at 12:08 pm

新片速報 特技超強大!《Call of Duty: Advanced Warfare》真人宣傳片

COD啲宣傳片一向落重本,上次《Call of Duty: Black Ops 2》嗰條有Robert Downey Jr.加一眾影星就知有幾勁。今次就輪到Taylor Kitsch拍住導演Peter Berg,令人諗起《Battleship》呢套嘢,再加埋性感嘅Emily Ratajkowski同超強特技,無論玩唔玩隻Game都必睇!提多一提,《Call of Duty: Advanced Warfare》會喺11月4日推出PS3/PS4/Xbox360/Xbox One/PC版,仲有幾日咋!

Read more ›
新片速報 小島都話正 超強製作真人版《Metal Gear Solid》影片再臨
by / on 23/10/2014 at 10:39 pm

新片速報 小島都話正 超強製作真人版《Metal Gear Solid》影片再臨

2009年,Hive Division已經製作咗一套MGS fan film《Metal Gear Solid Philanthropy》, 一個鐘有多,製作超認真!不過因為版權問題,呢個系列冇得再搞落去,o依家呢條part 2,隨時成為絕嚮。11分鐘,無論場景或者氣氛都好強,難怪小島秀夫都講過話想睇。

Read more ›