Tag: 眉毛

【有片】日本狗狗被迫加粗眉 超無奈Twitter熱傳

【有片】日本狗狗被迫加粗眉 超無奈Twitter熱傳

貓狗本身都無眉毛嘅,如果夾硬要幫佢加返條會變成點?日本有網民就搵自己隻狗狗嚟估示範,加咗對又黑又粗又囂張嘅眉毛,出嚟嘅效果勁搞笑,難怪喺Twitter好多人RT。可能見反應好,主人繼續出新相,連新片都有,睇嚟有排玩,而狗狗個樣就越嚟越無奈。BTW,入嚟有得回帶睇返呢隻狗狗嘅靚仔相,比個機會佢澄清吓。

Read more ›

【眉毛繞耳後】中國大叔眉毛長7.5吋 破健力士紀錄

呢位來自中國嘅81歲大叔Zheng Shusen,個樣有啲似盧海鵬,不過就勁過佢,唔係講粗口能力,而係眼眉毛嘅長度,因為佢啱啱破咗健力士世界紀錄,成為全球「最長眼眉毛」嘅記錄保持者,長度方面達到7.5吋,即係大概19.1cm!由於條毛太長,佢平時食嘢會好易舔到,而家佢會將條毛繞喺耳仔後面,諗起都型。唔剪嘅原因係中國人傳統認為長眉毛代表長壽,所以佢唔捨得剪,如果係你會唔會留?好難決定。

Read more ›

【潮流嘅嘢】外國潮興「斷眉」look 零成本唔難學

潮流嘅嘢有時都幾難理解,例如大陸呢排興放朵花或條草喺頭頂,之前韓國都興過將啲瀏海鬈成心型,相比之下,呢個外國興完再興嘅斷眉look就比較易接受嘞。將眉尾剃走一截,鍾意剃一間定三間悉隨尊便,最緊要係IG見到一班model同潮人都爭住玩,男女都玩得喎,難怪好快已經有大量人跟。暫時仲未有大媽阿叔玩,應該無咁易崩壞。

Read more ›

貓貓天生八字眉 instagram晒無辜樣

其實我都覺得Gameover成日講貓新聞,但呢個真係唔講唔得。呢隻貓叫阿Sam,個名係普通啲,但個樣就好有特色,一條八字眉喺白色毛身上好搶眼,霎眼睇我仲以為係貼上去。呢隻貓貓有自己嘅instagram戶口,上年12月中開始上載相片,至今已經有7千幾個fans,我睇好佢,因為佢個樣夠晒可憐無辜,女仔實冧。

Read more ›