Tag: 相集

圖輯 巨型Pentax 6×7戴上頭 阿婆武士齊惡搞

台灣有仆街少女,因為拍攝瞓街相成為網絡紅人;日本呢?最近有位日本Flickr用戶Klyoshimachine,拍攝咗一系列頭戴巨型Pentax 6×7相機框相片而備受注目。攝影師戴住呢個惡搞味濃嘅大頭相機四圍走,婆婆、靚女、日本武士人人玩埋一份。估計佢應該總共整咗三個巨型相機,因為佢試過三個叠高影相。輯相資素唔錯,值得一睇。至於點解係Pentax 6×7?唔係賣廣告啩?

Read more ›

名師攝影集 動物闖超市 老虎賣鮮肉

老實,本人影相經常手震、構圖馬虎,攝影知識近乎零,所以呢輯相唔好問我用咩相機、快門光圈幾多或者有無photoshop過。同大家分享呢輯相,純粹覺得好特別好靚,呢輯動物特集由印尼攝影師Agan Harahap操刀,名為「Garden Fresh」,將大量野生動物放入超級市場內,表達現今社會人與動物之間嘅衝突同矛盾。攝影師之前仲有個系列「Super Hero」,將黑武士、Superman等融入二次大戰等歷史圖片入面,值得一睇!入嚟有相集慢慢重溫。

Read more ›

獵奇圖集 日本蘿蔔逃跑記

今朝本來打住呵欠唔想返工,不過睇倒呢段日本大根news心情大好,亦好佩服日本人嘅創意。大根即係我哋嘅白蘿蔔,日本人好鐘意食,而咁啱蘿蔔嘅造型有啲似人型,有兩隻腳一住亂草頭髮。於是,日本農場「根菜農家うめまま」就編造咗一個「大根出走記」嘅圖片故事喺twitter連載,講佢偷走離開耕地、比狗追以至比人煮咗嚟食嘅冒險故事,相當獵奇,最獵奇係仲出埋2013年曆,好正。

Read more ›