Post Tagged with: "相片"

唔係相片 100%像真食物圖全部畫出嚟
by / on 19/07/2019 at 7:34 am

唔係相片 100%像真食物圖全部畫出嚟

好難相信呢幾張食物圖係畫出嚟嘅!出自日本插畫師「齊藤幸延」嘅手筆,佢係業餘插畫師,之前喺Konami做遊戲角色設計師(好彩走咗)。輯相絕大部份網民嘅回應都係「吓?唔係相嚟嘅?」亦有唔少人睇完之後覺得好肚餓,好勁。

Read more ›

【圖集】日本Twitter熱玩「貓騎呢相片比賽」 大量崩壞圖超搞笑
by / on 21/02/2019 at 7:03 am

【圖集】日本Twitter熱玩「貓騎呢相片比賽」 大量崩壞圖超搞笑

間唔中就會玩吓,最近日本Twitter好多人用hashtag「#猫の写真へたくそ選手権」,分享佢哋隻貓嘅騎呢相,絕大部份都係面容扭曲、動作浮誇,總之就係將佢哋最醜嘅一面公諸於世,入嚟有大量圖俾大家睇吓放鬆吓,超推介!

Read more ›
【有片】巴黎動亂影片相片Twitter熱傳 市區變戰場
by / on 04/12/2018 at 7:45 am

【有片】巴黎動亂影片相片Twitter熱傳 市區變戰場

法國巴黎爆發50年嚟最嚴重暴亂,由示威引發起嘅「黃背心」運動,而家造成超過113人受傷、400人被拘捕。動亂過後周圍立立亂,今日Twitter有大量影片同相片,睇片見有人將成架焚燒中嘅車吊起撞翻,周圍亦有大量汽車殘骸同垃圾,身處巴黎或準備去巴黎嘅朋友小心。

Read more ›
日本網民寫「相片日記」     迷你打印機慳位慳錢
by / on 15/10/2018 at 7:42 am

日本網民寫「相片日記」 迷你打印機慳位慳錢

大家仲有無寫日記嘅習慣?相片打印機之前都出過好多,最近有日本有網民推介呢款canon inspic,喺Twitter好多人RT。首先呎吋好似手機咁細,內置電池,跟機嘅印刷紙好似貼紙咁,另外可以揀將幾張相print埋一齊,之後剪完貼落本簿就得,啱晒用嚟做旅行遊記或者寫日記。價錢方面,amazon賣緊14776円,大概1千蚊港紙左右,相紙方面,20張一盒賣880円,50張嘅賣2100円,有興趣可以入嚟睇吓。

Read more ›
【相集】日本行雷閃電都靚過人 超震憾相片Twitter熱傳
by / on 28/08/2018 at 7:14 am

【相集】日本行雷閃電都靚過人 超震憾相片Twitter熱傳

呢兩日日本Twitter見得最多係閃電相。早兩日我哋都報導過,有嚿巨雲中間仲閃閃吓,超有動漫情節嘅感覺。呢兩日陸續有好多網民分享佢哋影到嘅靚相,估唔到連行雷閃電都可以靚成咁!而影風景好出名嘅KAGAYA都有出相,入嚟有大量相片回帶。

Read more ›
【相集】超高質合成相片      手機融入真實場景
by / on 27/08/2018 at 7:09 am

【相集】超高質合成相片 手機融入真實場景

今時今日大家都係手機不離身,外國呢位攝影師François Dourlen就諗到將手機畫面融入實機,將眼中見到嘅嘢,加上自己嘅想像,變成一幅幅特別嘅作品,由Mario到超級英同政治人物,全部都好高質,連足球小將都有!入嚟有回帶,推介。鍾意嘅記住follow埋佢嘅IG嘞。

Read more ›

日本畫家超高質油畫 靚到似相片Twitter熱傳
by / on 10/03/2018 at 12:26 pm

日本畫家超高質油畫 靚到似相片Twitter熱傳

到呢一刻都唔係好相信,不過畫家「岡靖知」重申直係畫而唔係相嚟嘅,唯有信佢嘞。日本Twitter呢幾日熱傳呢幾張圖,點睇都覺得係相,但其實係油畫,畫入面嘅幾位女主角逼真程度就好似真人一樣,連皮膚嘅質感以至頭髮嘅柔軟度都表現到出嚟,幾位女主角仲幾靚添!啱啱佢喺Twitter再放咗幾張鉛筆素描畫,一樣都係女model,超高質,入嚟有得睇埋。

Read more ›
日本貓奴畫兩筆 超強畫功靚到似幅相
by / on 04/03/2018 at 12:51 pm

日本貓奴畫兩筆 超強畫功靚到似幅相

喵星人動作好敏捷,影相都難更可況係畫畫?可能要加多少少想像力。日本呢位網民幫屋企隻貓畫咗幅肖像畫,用嘅係亞克力水粉同彩色鉛筆,出嚟嘅效果超靚,靚到唔少網民話好似一幅相咁真實。

Read more ›
日本「黑喵推跌聖誕樹」相片熱傳 大量改圖回應
by / on 20/12/2017 at 7:31 am

日本「黑喵推跌聖誕樹」相片熱傳 大量改圖回應

喵星人係出名嘅破壞王,最近呢張相喺日本Twitter熱傳,相中嘅黑喵整跌咗棵聖誕樹,然後施施然咁離開案發現場,好型好瀟灑,特別係個眼神。網民忍唔住出手改圖,又有大量貼圖回應,入嚟有得慢慢睇。

Read more ›
【撞樣】同名畫主角「撞樣撞髮型」  面部辨識分唔到
by / on 13/09/2017 at 7:22 am

【撞樣】同名畫主角「撞樣撞髮型」 面部辨識分唔到

老實,如果行美術館見到自己個樣同名畫入面嘅主角一樣,感覺都幾尷尬。外國有網站集合咗大量呢類型嘅相片,原來好多人都試過撞樣,而且仲撞埋髮型,相似度最高可以去到99%,最新面部辨識系統都未必分到呀。

Read more ›
日本異次元之喵 超動感相片形態突變
by / on 17/08/2017 at 7:48 am

日本異次元之喵 超動感相片形態突變

要捕捉喵星人嘅動感一刻唔算難,因為佢哋經常都好動感嘅,好似最近日本一位貓奴放咗呢幾張相上Twitter,佢同隻喵玩緊時,喵嘅動作太快,竟然變成圖中呢個狀態,由於形態實在太奇妙,好多網民RT同埋出圖回應,有人話佢係異次元之貓,入嚟有回帶。

Read more ›

【異次元相集】錯體相片曝光移位 日本Twitter回帶熱傳
by / on 09/08/2017 at 7:13 am

【異次元相集】錯體相片曝光移位 日本Twitter回帶熱傳

精彩嘅相片不妨重溫,最近有日本網民喺Twitter整理咗大量錯體相,全部都係失敗作品,例如跳落水時上半身同下半身分開咗,又有唔知點解變咗連體嬰嘅相,全部都好異次元,睇完令人好不安。

Read more ›
下巴定手仔? 日本喵星人沉思相片Twitter熱傳
by / on 07/04/2017 at 7:35 am

下巴定手仔? 日本喵星人沉思相片Twitter熱傳

咁可愛嘅相點可以只有我睇到?呢隻日本喵星人唔知點解突然擺甫沉思,個下巴仔仲兜兜哋好可愛,不過睇真啲嗰個好似唔係下巴,而係佢隻手嚟嘅。由於張相太可愛,喺twitter好多人RT。有人諗起之前奇譚出嘅大下巴動物扭蛋,仲有好多貓奴分享自己隻喵嘅相,入嚟有得睇。

Read more ›
日本栃木縣火災現場相     網民:「影得好有藝術感!」
by / on 20/03/2017 at 7:26 am

日本栃木縣火災現場相 網民:「影得好有藝術感!」

日本關東嘅栃木縣早兩日發生火災,好彩發生喺山上無人受傷。不過呢輯相就喺Twitter熱傳。大家都讚樓主輯相影得好有藝術感,影到好似地獄一樣嘅感覺,佢自己都覺得好似電影嘅概念圖。不過如果發生喺香港,應該會有人衝出嚟鬧佢點解唔去救火?

Read more ›
網圖分享:蝙蝠俠突入現實世界  玩iPhone+帶阿婆過馬路
by / on 14/03/2017 at 3:24 pm

網圖分享:蝙蝠俠突入現實世界 玩iPhone+帶阿婆過馬路

原來,蝙蝠俠係非常在地嘅英雄,佢會變身清潔工人推垃圾車、變身閒人玩iPhone、變身消防員整熄煙頭、變身油漆佬髹牆、變身救生員拯救遇溺者,變身地盤佬鑿地等等等等,仲極之有愛心地推坐輪椅婆婆過馬路,呢啲人民大英雄,邊度搵呀?喺Ric Tse《Batman Save the City》相集就搵到,Lego Batman Minifigure突入現實世界,構圖有趣,值得畀Like。

Read more ›