Post Tagged with: "相機"

【相集】日本喵星人變龍友     相機連環圖Twitter熱傳
by / on 11/11/2019 at 8:52 am

【相集】日本喵星人變龍友 相機連環圖Twitter熱傳

呢部迷你Canon相機估唔到會成為喵星人嘅新玩具,日本網民最近影咗幾張連環圖,睇嚟隻喵細細個就對攝影產生咗濃厚興趣,隻手仲識撳快門,入嚟有多啲相睇。

Read more ›

【新片速報】影相靠天份+技術    真人實證「相機平貴」唔重要
by / on 14/06/2017 at 7:24 am

【新片速報】影相靠天份+技術 真人實證「相機平貴」唔重要

影相好講天份同技術,器材相對嚟講並唔係最重要嘅項目。最近有人做咗個實驗印證呢個理論,佢哋分別搵咗個業餘攝影師同兩位專業攝影師,然後拍攝同一位女model嘅造型照。業餘攝影師用嘅係總值接近4萬蚊港幣嘅Canon 5D Mark IV相機配35mm f/1.4L II鏡頭,至於專業攝影師就用價值4千蚊唔駛嘅Canon Rebel T3i相機連普通鏡。價錢相差10倍,但影出嚟嘅效果竟然差天共地。睇完相信可以說服自己唔好再亂使錢買部咁貴嘅機。

Read more ›
【有片】攝影師自製超巨型相機cosplay 真係影得識閃光
by / on 02/11/2016 at 7:14 am

【有片】攝影師自製超巨型相機cosplay 真係影得識閃光

啱啱過咗嘅萬聖節,好多人都cosplay玩得好開心啦,外國攝影師Bryan Troll仲勁,佢將自己cosplay成一部巨型嘅Nikon相機,最勁嘅地方係部機真係影到相!頭頂嘅閃光燈會閃,影完背部嘅LCD螢幕仲會顯示返張相!總共用咗佢40小時製作,不過肯定唔會好似小丑女咁周街都有人同你撞衫,而且得閒可以拎出嚟再用,堅正。

Read more ›
【實驗】攝影師用$1相機影靚相 技術比器材重要
by / on 23/10/2016 at 11:19 am

【實驗】攝影師用$1相機影靚相 技術比器材重要

係咪只有貴嘅相機同鏡頭,先可以影得出靚相?外國女攝影師Skyler Adams因為平時買太多器材,突然醒覺,決定回歸基本做個實驗,連續一個月用一部價值美金1蚊嘅Canon Sure Shot相機,再配Fujifilm Superia 400菲林,啲相出嚟嘅效果好靚,佢重讚部機有得手動設定ISO,令佢啲相更完美,而且用呢部平價機,反而仲令佢重拾對影相嘅熱情,入嚟有得睇佢嘅作品。睇完咁勵志嘅故事,有無阻止到你買相機器材嘅強烈慾望?

Read more ›
【法國佬的浪漫】相機電腦種植物 爆發生命力
by / on 21/09/2015 at 7:15 am

【法國佬的浪漫】相機電腦種植物 爆發生命力

法國人可能天性浪漫,所以創造力都比較驚人,我指藝術方面。藝術家Michel Blazy最近就公開咗幾款新作品,喺一堆日常用品入面種植物!寄生體包括有波鞋、頸巾、舊款相機、Printer、電腦等等,全部啲生命力都爆發晒出嚟!嚟緊會佢哋會喺La Sucrière度展出,有無陽光架?

Read more ›
【唔駛40萬】求婚自製相機鏡頭盒 內藏戒指入嚟有教學
by / on 02/09/2015 at 7:08 am

【唔駛40萬】求婚自製相機鏡頭盒 內藏戒指入嚟有教學

港男駛40萬求婚做壞晒規矩,其實求婚呢啲嘢最緊要有心,豐儉由人。最近美國加州有個叫Matthew Chalker嘅男仔想同做攝影師嘅女朋友求婚,諗到做一個好似相機鏡頭嘅戒指盒用嚟做道具,佢用咗60個鐘完成,扭旁邊嘅圈位就可以慢慢打開光圈,然後見到收埋喺入面嘅求婚戒指。咁有心思,女朋友梗係好快應承咗,仲成功喺網上呃倒唔少like。可能結婚有好多錢要駛,佢仲諗咗條絕世好橋,話可以幫大家整呢個求婚戒指鏡頭,開價美金2千至3千蚊一個,有無巴打想贊助吓?不過無錢但有時間有心嘅,佢都有免費教學放上網,入嚟有得睇。

Read more ›

【有片】KFC雞桶變即影即有相機 雞迷很想要
by / on 03/08/2015 at 7:15 am

【有片】KFC雞桶變即影即有相機 雞迷很想要

KFC都幾活躍,之前又出雞型手鍊,又出Pizza版炸雞,最新有呢個60周年活動,平時家庭裝外賣個大雞桶變咗即影即有相機,都幾突兀。睇官方短片見到,雞桶底部多咗幾粒掣,用手機影完相再傳送到雞桶,撳粒掣就會彈張印好嘅相出嚟,最啱成班friend圍埋一齊食雞時玩,官方暫時未公佈詳情,估計係會留幾部送比幸運兒咁啦,可惜似乎只限加拿大雞迷有份玩。

Read more ›
日版紙紥即影即有相機 真係影到相呀!?
by / on 21/04/2015 at 9:26 pm

日版紙紥即影即有相機 真係影到相呀!?

紙紥嘢係中國傳統藝術, 拜神、祭祖, 簡直居家旅行必備良藥, 代表作如iPhone、iPad、MacBook Air, 甚至一定會到貨嘅Apple Watch, 由此看出「大陸」紙紥廠嘅高工藝、同向錢看能力! 不過日本有位B. B. Korry決定要挑機 ,不過佢真係幾強, 以針孔鏡頭原理, 做出咗呢部高仿DSLR嘅紙紥相機, 全程都有影相做紀錄, 由馬屎紙造底, 到機身包黑紙, 再加膠紙、加補鞋膠防漏光, 睇完我都有股衝動, 想郁手自己整返部!

Read more ›
紙箱人 x Casio出相機   頭頂大大個logo
by / on 27/12/2014 at 1:11 pm

紙箱人 x Casio出相機 頭頂大大個logo

Casio相機我麻麻,淨係記得佢出過部炒價過萬嘅自拍神器,可能主攻女性市場,最近佢哋同紙箱人合作出相機特別版,用嘅係EX-FR10型號嘅相機,不過出面可以笠住紙箱人,影相就靠紙箱人一隻眼內藏嘅鏡頭,下年5月發售,而家有得預訂。睇返部機,防水防衝主攻outdoor自拍,影完嘅相可以經藍牙傳送返去部手機或者平板,開價46000円,有3隻色揀。我就嫌紙箱人頭頂大大個CASIO Logo有啲hard sell,不過作為紙箱人fans,係咪好難唔儲?

Read more ›
【有片】收據紙卷做相紙 低成本即影即有超好玩
by / on 25/12/2014 at 5:29 pm

【有片】收據紙卷做相紙 低成本即影即有超好玩

即影即有係好玩呀,尤其係帶出街同囡囡玩,嘩你睇你睇。相機唔貴但係相紙貴呢!嗱,呢部機就勁喇,用平時收據用嘅「Thermal Paper」做相紙,幾蚊一卷,雖然係黑白,但解像度都有640×384,同埋黑白先夠文青吖嘛。另外,佢仲有Wi-Fi、Bluetooth功能,加上佢Print相出嚟時間極快,睇片見到連拍玩法自製Flip bool仲正!不過價錢同發售日都未定……

Read more ›
過萬部古董相機     法國收藏網站晒冷
by / on 27/11/2014 at 7:10 am

過萬部古董相機 法國收藏網站晒冷

勁喎!鐘意影相嘅應該可以喺呢個網站玩好耐。入面搜羅咗過萬部古董相機,個網由法國收藏家Sylvain Halgand喺1999年創立,淨係佢自己都有1800部珍藏,入到網站第一頁就會見到由過萬部相機組成嘅相機大圖,click入每部機機,可以睇倒每款機嘅詳細資料,好詳盡好有heart!

Read more ›

針孔即影即有66/6   人手製作限量500部
by / on 07/11/2014 at 7:04 am

針孔即影即有66/6 人手製作限量500部

真正鍾意影相嘅,實有玩過針孔相機(Pinhole)或者寶麗來(Polaroid),咁呢部全人手製作,全球量產500部嘅66/6針孔即影即有相機毒唔毒倒你?Supersense出品,用嘅係寶麗來嘅經典黑白菲林White Frame格式,之所以叫66/6,係為紀念距離Edwin H.Land發明第一部即影即有相機66年,距離寶麗萊底片停產6年,連個名都浪漫過人。有興趣可以入去網站訂購,今日開始,手快有手慢無。

Read more ›
216款相機重溫    由菲林相機到手機
by / on 31/10/2014 at 7:05 am

216款相機重溫 由菲林相機到手機

近年相機潮流變化好大,而家最多人拎出街嘅相機叫手機,傻瓜機越嚟越少人買,菲林機更加係買少見少。呢張相機變化圖,相機友應該睇得好開心。由紐約嘅Pop Chart Lab製作,將1839年至2014年嘅相機排晒出嚟,總共216個型號,入嚟有得放大逐款慢慢研究回味。佢哋仲用呢個圖案出咗個tote bag,賣美金$25,處處商機。

Read more ›
Hello Kitty 40週年   特別版Instax Mini即影即有
by / on 27/10/2014 at 4:25 pm

Hello Kitty 40週年 特別版Instax Mini即影即有

唔講唔覺,原來今年係Hello Kitty誕生40週年,呢位中貓最新公佈將會推出同富士合作出Instax Mini即影即有相機,相機外形係大大個粉紅貓頭,跟機仲有條相機帶、一包Kitty相紙同埋一張貼紙仔。鏡頭旁邊有塊鏡仔,加埋內建美白功能,啱晒鍾意自拍嘅女仔。部機11月21日發售,開價10670円。

Read more ›
土豪金Nikon Df開價23萬   仲有iPhone 6
by / on 25/09/2014 at 7:24 am

土豪金Nikon Df開價23萬 仲有iPhone 6

土豪金唔係手機專利,外國廠商Brikk整咗部Nikon Df相機嘅24K金款式,唔止機身,連支 Nikkor 14-24mm f/2.8鏡頭都變埋金,好爆。嚟緊11月會正式發售,預計起步價3萬蚊,係美金,即係23萬港幣左右,富貴到呢。Brikk一直出起土豪金產品,之前有iPhone、平板,所以佢嘅富貴系列當然包括埋呢期最hit嘅iPhone 6同6 Plus,每部大約8萬港幣左右,睇吓開吓眼界囉。

Read more ›