NERV直拔式相機袋 真膠仿有懷古味

我呢世人都未見過咁型嘅相機袋! NERV出品喎! 真膠仿皮喎! 仲要用爬山扣、扣出嚟俾人睇喎! 設計都好簡單, 採用冇蓋式設計, 放部相機入去, 係靠兩邊袋身迫實佢, 我知! 行過旺角街頭會喺9.99秒內俾人偷咗你部相機, 不過我諗原設計係方便你影使徒, 攞機快捷程度有如直拔式槍袋, 影得快啲、走鬼快啲、人生安全都高啲!袋身背部有暗袋俾你放記憶卡, 不過最過癮係側邊個兩粒啪鈕扣, 望落有懷古旅行袋風味之餘, 原來仲可以扣隻小腳架上去, 呢啲咪型囉! 3,500日圓, 9月日本派貨, 鍾意記得睇實。

Read more ›