fbpx

Tag: 的士

大阪超恐怖的士 司機變幽靈期間限定運行

大阪超恐怖的士 司機變幽靈期間限定運行

好恐怖!去開大阪搭的士要小心,因為的士公司Milight由即日至8月31日,安排咗一架恐怖的士「霊感タクシー~霊輪の呪縛編~」喺區內行走,無得專登call佢,只係隨機配送,司機又稱為「幽靈」,會著住一身白衣,車廂入面嘅佈置都超恐怖,加咗塊竹席嘅椅身,據講可以降體溫令你更易同靈體接觸,車內仲會播放陰森嘅音樂,仲有可以收集幽靈嘅提燈。去開大阪要小心。

Read more ›

日本優質的士 忍者/保護證人組做司機

日本優質的士 忍者/保護證人組做司機

當然唔係真忍者,亦當然唔係真嘅保護證人組,其實佢係叫SP風,即係Security Police。日本三和交通喺早幾日開始就提供呢個特別的士服務,名為「SP風タクシー」、「忍者でタクシー」,司機就係咁嘅打扮!好彩日本的士唔興拒載。

Read more ›
日本女士專用「瞓覺的士」   有得按摩兼卸妝

日本女士專用「瞓覺的士」 有得按摩兼卸妝

日本嘅Nescafe之後都喺銀座開過間「睡眼咖啡館」,最近佢哋同「日本交通」合作推出「眠れる森の美女タクシー」計劃,俾女士搭一程可以瞓得舒適嘅的士。的士入面舖滿地毯軟綿綿好舒服,仲有卸妝棉、按摩產品等等免費使用,當然有一杯咖啡包埋,不過係不含咖啡因嘅,以免返到屋企瞓唔著。由即日至6月1日運行,只限平日,時間係晚上6時至凌晨12時,主要喺東京23區、武蔵野市同三鷹市行走,收費方面預約收410円,喺指定地點等候加多410円,其餘就按返的士咪錶收費。

Read more ›
下個月有得賣 TAMIYA出香港的士迷你四驅

下個月有得賣 TAMIYA出香港的士迷你四驅

嘩正喎,有冇玩開四驅都會想儲番架,因為今次係TAMIYA田宮模型首次同香港單位偉高模型合作,推出以香港獨有交通工具嘅迷你四驅車。配最新開發FM-A前置摩打底盤,有齊貼紙,個包裝盒仲有香港街景同獅子山,亦有中文說明書,「Tamiya 92402 1/32 mini4wd Hong Kong Racing Taxi (FM-A Chassis)」6月上旬發售,賣$120。

Read more ›
密集恐懼症者慎看 Mr. Doodle香港搞展覽畫古董的士

密集恐懼症者慎看 Mr. Doodle香港搞展覽畫古董的士

Pop Art藝術家Mr. Doodle嘅大作,久唔久就會喺面書碌出嚟,或者密集恐懼症者會好驚,但我個人卻覺得畫得異常靚,係好能夠惹起人嘅衝動,想哄埋去望真佢究竟畫乜。真跡家陣有得睇,Mira Place今年搞咗個「Doo Something This Christmas Mira Place」嘅展覽,阿Mr. Doodle親臨香港,喺一個專登運嚟嘅倫敦古董的士上面塗鴉,圖案一樣有超密集嘅聖誕樹呀、雪人呀、雪花呀等等聖誕元素,打卡又係一流啫。

Read more ›
首本寫真推出 日本25歲女的士司機生田佳那

首本寫真推出 日本25歲女的士司機生田佳那

之前都介紹過,就係呢位下個月26歲嘅生田佳那,佢入咗行都幾年,上年都幫過《週刊ヤングジャンプ》影水著,不過今次呢本《いく TAbi》就係佢首本個人寫真,10月28日已經推出,身高150cm,三圍B81 W60 H80,睇吓啲相,真係唔錯嘅。仲有佢Twitter同instagram,備用。

Read more ›

日本的士改裝變機械人 網民分享官方火速回應

日本的士改裝變機械人 網民分享官方火速回應

如果喺屋企附近見到架咁型嘅車,的確好難唔影相放上網。日本有網民喺橫濱屋企附近見到呢架由的士改裝嘅機械人,超型。負責改裝嘅三和交通仲留言多謝樓主影相同分享,好快手。

Read more ›
有片:玩到咁盡?UFO降臨!外星人捉的士乘客!

有片:玩到咁盡?UFO降臨!外星人捉的士乘客!

使唔使玩到咁大呀,真心覺得會嚇死人的,尤其係我呢亭深信有外星生物存在嘅人。成個Prank道具固然之高科技,仲要時間地點配合得天衣無縫先玩得掂,玩法係先製造一間幾可亂真嘅UFO,點真法?飛得上天兼曉發光噴煙咁,夠真未?時間係入黑,地點係森林,的士司機接載乘客去到公路,佯稱無油或死火之類,總之搵藉口落車喇。一落車,街燈即刻閃呀閃,四周圍變得煙霧瀰漫,之後UFO出場,司機俾條燈柱射一射就唔見咗,再之後……攞命咯,UFO打開門,外星人出籠逼向的士,嚇到乘客尖叫不絕,偏偏門又打唔開,外星人不斷拍打車門,乘客求生無門……咁嘅環境,嚇到失禁都唔出奇。

Read more ›
日本喪屍司機 月尾福岡揸的士

日本喪屍司機 月尾福岡揸的士

日本人一向好鍾意萬聖節,好多慶祝活動。今年就有福岡的士公司推出呢架喪屍的士,最正係位司機化晒妝嚟揸車,我諗深夜上著佢車都會有少少驚。由10月29日至31日會喺市內行駛,去開旅行嘅睇吓有冇咁好運喇。

Read more ›
【過唔過海】有片 秘魯的士有得打機 上車玩WiiU《Mario Kart 8》

【過唔過海】有片 秘魯的士有得打機 上車玩WiiU《Mario Kart 8》

咁爽嘅?其實我都唔明,點解我要問佢過唔過海,可以唔過o架咩?香港搭的士車程唔長得去邊,但如果遇到「封橋」呢啲咁好彩嘅事,咁有得打機都開心番啲喎。喺秘魯,就有的士公司推出咗「Game Taxi」,車廂入面有部WiiU俾你玩《Mario Kart 8》,暫時有10架投入服務,係驚唔知啲的士司機會唔會學番《Mario Kart》嘅揸車風格啫……

Read more ›
的士司機性感寫真   紐約街頭殺死人

的士司機性感寫真 紐約街頭殺死人

香港的士司機從業總會投訴佔領行動令佢哋收入急跌,仲搞慢駛抗議。不過好多朋友話,呢幾日喺街經常截唔倒的士,好多的士冚旗揀客,是是非非都係自己判斷吧。紐約的士司機就幾有社會意識,上年出咗本‥‥‥性感年曆!今年再下一城,2015年性感年曆嘅相啱啱有得睇,好刺激,睇到我滴晒汗,佢哋係為咗幫University Settlement Foundation籌款,抵讚。相集由攝影師Philip Kirkman同Shannon McLaughlin操刀,睇相感覺到攝影師相當專業‥‥‥

Read more ›

一按即慢 日本「Turtle Taxi」體貼細路孕婦醉酒佬

一按即慢 日本「Turtle Taxi」體貼細路孕婦醉酒佬

我明,坐得的士都係趕時間,但你有冇試過坐過啲的士,個司機仲趕過你咁,見彎劈彎?快係好,但有時唔舒服、飲咗酒,俾佢咁樣篩法真係作嘔喎。日本就有辦法,三和交通推出咗呢項「Turtle Taxi」服務,前座椅背有個掣,只要你撳咗,前面就會跌個烏龜牌落嚟,仲會有聲響提醒司機,叫佢開慢啲。有日本傳媒拍咗片,不過,如果有埋白兔掣會更佳。

Read more ›
新片速報   可口可樂聖誕廣告     開心share搭的士

新片速報 可口可樂聖誕廣告 開心share搭的士

聖誕節梗係要無私分享,唔係分享自己,而係同人分享的士車位,可口可樂教嘅!呢個最新出嘅廣告背景發生喺羅馬,一架車頂寫住目的地嘅的士,喺聖誕時份嘅鬧市出入,途人可以隨時截停搭順風車,之後梗係例牌開支可樂慶祝。老實,share的士唔算新概念吖,香港日日都有泥鯭的搭,其實我哋一早識得開心share(車費)。

Read more ›
聖誕宿醉救星   的士接送加杯麵

聖誕宿醉救星 的士接送加杯麵

聖誕節呢幾日好易玩過籠兼宿醉,有乜好得過第二朝返工有架的士喺正門口等你,再送多個暖笠笠嘅杯麵你嘆咁窩心?呢個Kab-U-To Work的士服務由外國一間杯麵品牌Kabuto Noodles提供,專為宿醉人士而設,除咗喺門口接送兼有杯麵暖肚,仲送多副太陽眼鏡比你遮黑眼圈、一盒必理痛比你止頭痛,仲有幾粒薄荷糖令你口氣清新,司機亦會播啲輕鬆音樂等你休息吓。想book好方便,用email或者twitter就得,不過其實我宿醉嘅話,最想係要一日(詐)病假。

Read more ›
日本的士創新服務   失物自動響鬧

日本的士創新服務 失物自動響鬧

日本嘅的士司機好專業,著晒黑西裝gel晒頭又有禮貌,極之專業,難怪日本的士收得特別貴。最近日本的司界又有新招,名為Kokusai Motorcars Co.嘅日本的士公司,預計下年初為旗下3100部的士增設「失物提醒服務」,車上會裝有四個鏡頭,當乘客落車漏低嘢,車嘅鏡頭偵察到車入面多咗嘢就會自動響鬧,為咗保護私隱,乘客嘅相貌會透過面部偵測系統馬賽克咗。比在喺香港,要裝四個鏡頭喺車司機分分鐘罷駛抗議,裝四部手機喺車狂接order就得。

Read more ›