Post Tagged with: "百年"

日本百年線香品牌革新 新產品「香氣線」超精緻
by / on 04/02/2020 at 7:39 am

日本百年線香品牌革新 新產品「香氣線」超精緻

品牌要革新唔容易,日本老牌薫寿堂喺1863年成立,專門製作線香同柏水紙,最近竟然推出咗呢款Aroma Cord嘅「香氣線」,一卷有2米長,可以夾喺特製嘅墊上面燃燒,最特別係可以有多用途,例如用嚟包裝禮物、製作繩結甚至手帶,好精緻好靚,價錢唔貴,每卷880円,一共有9種味道,係有心思嘅手信選擇。

Read more ›

日本推出超精緻黑武士杯 江戶切子百年工藝限量800隻
by / on 30/12/2017 at 1:29 pm

日本推出超精緻黑武士杯 江戶切子百年工藝限量800隻

江戶切子係日本嘅傳統珍貴嘅工藝,相傳喺1834年江戶時代開創,簡單講就係喺玻璃上雕花,通常應用喺清酒杯、葡萄酒杯之類。最近Star Wars就同江戶切子合作,推出咗隻超精緻嘅黑武士玻璃杯,酒紅色嘅杯身,杯底有銀河帝國嘅Logoz,杯身有不同嘅切割面,喺唔同嘅光線下會有唔同嘅折射,由PREMICO發行,預計下年1月底發售,數量限定800隻,仲有個桐木箱保存,價錢都幾貴,賣39800円,啱富貴嘅星戰迷。

Read more ›
日本傳統和菓子店超靚手信   晶瑩剔透Twitter熱傳
by / on 05/09/2017 at 7:14 am

日本傳統和菓子店超靚手信 晶瑩剔透Twitter熱傳

日本嘅產品出名又靚又精緻,不過靚成咁真係有啲過份。呢款甜品手信最近喺日本好多人討論,首先由一位網民影相放上Twitter,之後好多人大讚同埋RT。其實呢款甜品手信由1848年創立嘅和菓子店「本家長門屋」出產,外形超靚,中間半透明見到有隻雀仔向住月亮飛過去,連個名都特別有詩意,叫「Fly Me to The Moon」。佢係日本傳統甜品羊羹嘅變奏版,上層同底層係紅豆啫喱,中間透明嘅位置係香檳啫喱,而雀仔同月亮就係檸檬味,就連個盒嘅設計都靚過人。去開福島縣旅行記住買返盒做手信,一盒3500円,佢哋都有網店,入嚟有得睇。

Read more ›