fbpx

Tag: 白水

白水《溫水劇場》首推WhatsApp Sticker

白水《溫水劇場》首推WhatsApp Sticker

白水嘅《溫水劇場》首度推出WhatsApp Sticker,望番好多都係由見慣見熟嘅MeMe圖演變而來,用起上嚟特別有親切感,仲好體貼地出埋中英文版添,請大家多多支持,快啲下載喇喂。

Read more ›

包場睇《星球大戰:天行者崛起》 送白水/甘小文Postcard

包場睇《星球大戰:天行者崛起》 送白水/甘小文Postcard

擒日報導「帝國軍第伍零壹旅香港駐軍」同「星戰基地」搞包場睇《星球大戰:天行者崛起》活動,會臨場送Cuson靚靚Postcard。原來唔只Cuson,連白水同甘小文都有份畫Postcard送畀影迷呀。都係嗰句,戲我想睇,兩張Postcard我都想要。

Read more ›
書展必搶《七十二行》實體書

書展必搶《七十二行》實體書

今年書展,有一本書我係必買嘅,就係Eric Ng、Pen So同曹志豪擔頭嘅《七十二行》,唔使多介紹,淨係掟一咋參與畫手個大名出嚟,我諗都好難唔買。負責插圖嘅畫手有009、Alan Wan、Cha Cha Chan、Cody Chow、Cuson、Man Tsang、Noel Mok、Pariz Wong、Pen So、Peter Ng、Tony Yim、Yeung Siu、甘小文、白水、米奇、亞傑多、夏偉義、袁家寶、張君豪、曹志豪、梁光明、梁偉安、梁偉家、梁瑋豪、畢亦樂、陳科琳、葉明發、塵阿力、鄧達軒、蕭世順、戇男,主題當然係香港老行業,仲有文字介紹作補完,估計應該好襟睇吓。家陣封面曝光,型到一個點,唔買係你損失,我話嘅。

Read more ›
網圖分享:Eric Ng的面書版「七十二大圖集」

網圖分享:Eric Ng的面書版「七十二大圖集」

好早知道大好人Eric Ng會聯同曹志豪推出《七十二行》實體畫集,畫集會喺書展出版,有三十幾個畫手參與,另有四十幾幅插圖,會集畫、相同文字於一身,我係好拭目以待嘅。書展未到,畫集未有得睇,但可以睇住面書版迷你「七十二大圖集」先,Eric Ng力邀眾畫手用Q版畫香港老行業,每星期Share十張畀大家欣賞。靚畫固然好睇,睇完,你又估唔估到畫緊乜老行業?

Read more ›
跟進番:請鼓掌 白水《嘔電傳真機》眾籌成功

跟進番:請鼓掌 白水《嘔電傳真機》眾籌成功

又拍片又作主題曲《循環不息的宇宙》又盛,《嘔電傳真機》終於眾籌成功,據白水面書透露,總共有339位集資者支持,佢話:「我唔會辜負大家,會努力做好本書!不惜工本,做到最靚!」白水兄,開心還開心,講過要找數呀,支持你呀。

Read more ›
有片:白水作《循環不息的宇宙》宣傳眾籌 組埋Band越玩越大

有片:白水作《循環不息的宇宙》宣傳眾籌 組埋Band越玩越大

為呼籲大家慷慨解囊,支持眾籌《嘔電傳真機》結集成書,白水用咗兩首星期創作首主題曲《循環不息的宇宙》……嗯,Loop咗兩次,歌詞係幾有意思嘅,好令我懷緬過去的good old days,但講到唱功咯喎,唔……白水兄唔好嬲,實話實說,都真係幾五音不全吓。不過自稱「濕鳩時事漫畫家結他手」嘅佢有嘅係永不熄滅一團火,唔只作歌自彈自唱,仲打算組Band添,誠徵「現役漫畫家鼓手,有演出和錄音室經驗優先」,睇個勢越玩越大咁款。BTW,真心Mode希望《嘔電傳真機》見得成街,請大家踴躍課金,支持本地創作!

Read more ›

跟進:白水眾籌《嘔電傳真機》 轉賬可以直接科水亦得

跟進:白水眾籌《嘔電傳真機》 轉賬可以直接科水亦得

跟進──之前講過話白水打算集資眾籌出《嘔電傳真機》,依家有進一步資料嘞,目標係600之眾,每位盛惠$98。眾籌方法有三,一,透過眾籌網站科水;二,直接轉賬入戶口;三,最原始方法,約出嚟直接畀錢白水,係,Exactly講個信字,有心支持本地創作嘅,呢一舊水唔好慳,衰啲講句,輸場利物浦對水晶宮都喺番度喇。白水,加油呀。

Read more ›
課金唔該!白水決定眾籌出《嘔電傳真機》!

課金唔該!白水決定眾籌出《嘔電傳真機》!

講到口水乾,但我都仲係想講──支持本地創作唔係得把口,係要實牙實齒課金嘅。Fine,依家又有實踐機會喇,話說白水專欄「嘔電傳真機」儲落100篇文章,家陣佢想結集成書,但一本身佢有幾次不愉快出版經驗,二兼頂唔住「三中商」自我檢查嘅出版方針,所以決定以眾籌方法出書。Exactly點樣眾籌法,白水遲啲會進一步交代,大家識做喇。

Read more ›
《P72七十二行》展覽上網有得睇 18張畫作晒冷

《P72七十二行》展覽上網有得睇 18張畫作晒冷

時間不等人,錯過咗就係錯過咗,抽唔到時間睇之前嘅《P72七十二行》畫展,我至今都心有戚戚然。好彩,有關方面喺面書一次過登番晒18幅畫出嚟,兼有埋作者簡介,等大家可以加深認識18位作者同展覽主題,隔住個Mon睇畫當然無咁震撼,但總好過無。加油呀,期待Project 72第二次Event快快出現。

Read more ›
山雞變鳳凰 白水出2017利是封每個$2.5

山雞變鳳凰 白水出2017利是封每個$2.5

時間過得好快,仲有唔夠一個月就農曆新年,又係時候買利是封,吓?未有資格派?咁儲有資格嘞啩?溫水2017雞年山雞變鳳凰利是封正式開賣,白水份人都坦白得好可愛,喺面書留言曰:「純粹係自己用唔晒,同想搵人分擔印刷費!」山雞變鳳凰,好意頭吖!Fine,有興趣嘅就私底下PM佢喇,一買最少60個起,限量300個,每個$2.5,抵撐。

Read more ›
撐《Project 72》畫展 港漫人的老香港情懷

撐《Project 72》畫展 港漫人的老香港情懷

Good到無得再Good呀,可以聚集到咁多位港漫人,係絕對值得支持嘅香港畫壇盛事,講緊嘅係《Project 72》畫展,排名不分先後,有包括Cody Chow、Noel Mok、Pen So、Tony Yim、WaiMan Tsang、Wai On、白水、米奇、阿傑多、袁家寶、梁光明、梁偉家、梁瑋豪、畢亦樂、曹志豪、戇男、張君豪等人參與。畫作以七十二行為主題,盡顯老香港一面,好多位港漫人都率先各自喺面書登出畫作,好讓心急嘅你同我先睹為快。齋睇相都覺得靚到啪啪聲,唔到饒宗頤文化館睇真跡,絕對係你損失,我話嘅。

Read more ›

《流離之序》唔收錄畫集 撐謝森龍異個展《感染》

《流離之序》唔收錄畫集 撐謝森龍異個展《感染》

好葡萄呀,盧子英、李香蘭、Cuson、米路沙同白水就好喇,可以先睹為快,難為我呢亭朝九晚七打工仔,想早啲收工都難,不過好彩,謝森龍異畫展《感染》開到夜晚十一點,夜一夜都趕得切捧場。宣傳浪接浪,謝森龍異本尊已經喺面書釋出大作《流離之序》,6呎乘30幾呎,莫過話收藏,真係要掛起佢都有難度,而佢亦表明,呢幅超級大圖只能喺展廳欣賞,因為太難Scan,所以唔會收錄喺畫集之內,要睇,唔該去西環走一趟喇,今晚見。

Read more ›
香港原創同人誌即賣會 撐《Comic O》一書18個故事

香港原創同人誌即賣會 撐《Comic O》一書18個故事

擒日介紹過「香港原創同人誌即賣會」,今日介紹埋屆時現場可以買到嘅同人誌畀大家Look Look──《Comic O》,全書有白水《No Flying》、009《不可挽回》、Jackson Ng《幸運者》、周蔭龍《可有記起愛?》、Triple Oddity《23:59》、徐啟源《火山口》及Pen So、鄧俊棠、謝森龍異等18個漫畫家參與,喺面書望過部份稿件,水準都好高吓。雖然唔知賣幾多錢一本,但一書有18個故事,仲要個個故事都百分百原創,有排睇啦老友。唔阻大家時間望靚畫,望完,唔知有無增加大家嘅購買意欲?

Read more ›
網圖分享:白水《溫水劇場》五周年 張萬有出圖恭賀

網圖分享:白水《溫水劇場》五周年 張萬有出圖恭賀

  唔敢話跟到好足全部睇晒,但我一向衷心佩服白水嘅《溫水劇場》,你估政治漫畫易畫架?踏入五周年,白水喺面書有嘢講:「一個無乜人睇嘅網絡漫畫都竟然無間斷畫咗五年,除咗戇X之外我自己諗唔到其他原因……我唔知仲有無下一個五年,今天嘅目標同一周年時都係一樣,希望可以搵到穩定合作嘅出版社同紙媒連載地盤。勿忘初衷。希望成為一個時政漫畫家。」呢條News,我係特登遲幾日先出嘅,因為我知道四方八面嘅賀圖會陸續有來。Now,多得白水好帶挈,我哋有好多幅靚靚賀圖睇,連張萬有都出手醒幅天下無敵老祖宗畀你,白水,你真係天大面子!努力加油呀!

Read more ›
八大主筆合繪!撐港漫!撐《童年同樂》!

八大主筆合繪!撐港漫!撐《童年同樂》!

見識少,真係唔知道上年原來有本專「繪出70、80後情懷」嘅《童年同閱》,今年再接再厲,出第二期取名《童年同樂》,同樣屬綜合漫畫,內容有漫畫、四格同繪本有,都係講番啲快被遺忘嘅童年趣事,我等七十後屋村仔應該好啱睇。望望主筆陣容,有蚊張、姜智傑、鄧俊棠、Man藏、白水、思詩同棉棉蜂,封面由孫威軍繪畫。係,唔講大話,當中我淨係欣賞過蚊張、白水同孫威軍嘅作品,至於Man藏,係咪即係曹志豪?估中無獎!估錯勿插!話晒有八個主筆參與,成日將「支持港漫」掛喺口邊嘅你,係咪好應該課金捧捧場先?書展推出,每本$88。

Read more ›