Post Tagged with: "白兵"

【圖集】日本飛沙攝影新作 《動物朋友》決戰星戰白兵
by / on 01/01/2018 at 1:16 pm

【圖集】日本飛沙攝影新作 《動物朋友》決戰星戰白兵

又係呢位日本玩具攝影師「ねぎかつセブン」,佢最擅長拍攝風沙相,高達、拉打、變形俠醫,全部喺沙塵滾滾度戰鬥,效果好正。今次到星戰嘅白兵,不過就亂入咗《動物朋友》嘅藪貓(サーバル),藪貓仲揸住把光劍殺敵,睇落好打得,仲要殺人都笑笑口,好邪惡。不過影完返去慢慢清潔都幾艱辛。入得有得回帶睇返呢位攝影師嘅其他作品,全部都超正。

Read more ›

【圖集】IG超人氣雞蛋藝術 白兵/食鬼乜都整到
by / on 28/12/2017 at 7:32 am

【圖集】IG超人氣雞蛋藝術 白兵/食鬼乜都整到

今朝早餐食咗啲咩?朝早起身可以食份煎蛋係好幸福嘅事,外國呢位食物藝術家Michele Baldini強項係將煎蛋變成藝術品,食鬼、白兵、蜘蛛以至麥當勞薯條都整得出,好強!不過朝早要預多好多時間先食到早餐喎,入嚟有得睇佢嘅作品。

Read more ›
超型《Star Wars》白兵酒樽 擺客廳當裝飾品
by / on 28/08/2017 at 7:23 am

超型《Star Wars》白兵酒樽 擺客廳當裝飾品

飲得酒多對身體唔好,不過而家好多人擺支酒喺屋企都係當裝飾品,如果揀我會揀呢個酒樽,由迪士尼正式授權Merchoid製作,用咗白兵頭做嘅玻璃酒樽,用嘅物料係Flint Glass,容量750ml,放喺客廳做裝飾品都型,預計10月發貨,售價美金$36.99。

Read more ›
【小休】日本河邊驚見黑武士/白兵 悠閒傾計Twitter熱傳
by / on 22/05/2017 at 7:49 am

【小休】日本河邊驚見黑武士/白兵 悠閒傾計Twitter熱傳

Cosplayer揹住成身裝備,老實講都幾攰,所以佢哋間中抖一抖都好合理嘅,不過喺旁人睇落就好得意嘞。最近有日本網民經過河邊,竟然見到兩個熟口熟面嘅身影 ─ 白兵同黑武士!佢哋坐咗喺草地休息,仲伸晒腳好悠閒,一啲敵意都無。張相放喺Twitter兩日唔夠已經超過6萬個轉發,好誇張。

Read more ›
甘小文畫麵舖外牆 哨牙珍陪你喫車仔麵
by / on 05/01/2017 at 1:35 pm

甘小文畫麵舖外牆 哨牙珍陪你喫車仔麵

嘩,我見到肥婆四、哨牙珍、蛋治奧、薯片叔叔、林蛾、藐嘴、胡官……仲有Donald Trump添呀。邊度咁星光熠熠呀?「車仔麵專家」是也,甘小文幫老闆Jimmy畫舖頭外牆,大大幅離九里遠一眼望到,至於裝修呢,望過啲相,屬一般麵檔格局,不過有個牆架擺放咗好多《Star Wars》白兵頭盔,一字排開非常有氣勢,唔打卡係你損失。撐小文,呢個禮拜尾我決定落一趟上環,整番碗拿渣麵先。

Read more ›
札幌車站大雪下見「白兵」 唔通出嚟影造型照?
by / on 11/12/2016 at 11:24 am

札幌車站大雪下見「白兵」 唔通出嚟影造型照?

北海道札幌仲落緊大雪,噚日就報導過積雪達到50cm厚,準備去玩嘅要注意嘞。啱啱有住喺當地嘅網民影到有兩隻白兵竟然喺札幌車站前出沒,白茫茫嘅雪景, 配埋一身白兵嘅服飾,影造型照應該超型,不過就要貼多幾個暖包嘞。呢位網民係初音迷,佢仲帶埋初音喺落雪天出街,入去佢嘅Twitter有大量相睇。

Read more ›

【生活品味】《Star Wars》白兵溝烕士忌 IG人氣攝影師
by / on 23/05/2016 at 7:12 am

【生活品味】《Star Wars》白兵溝烕士忌 IG人氣攝影師

呢個星戰迷好有生活品味,鍾意飲威士忌,仲改咗個名叫Scotch Trooper。正職係攝影師,得閒鍾意幫白兵公仔影相,仲要加埋佢至愛嘅威士忌,效果好特別,層次好高。另外佢仲有另一個副業,就係將舊威士忌樽改裝成枱燈,好靚,一盞賣美金$240,仲要好多款式已經售罄。

Read more ›
有片:牆上的白兵黑武士R2D2 投影Shadow art
by / on 24/12/2015 at 7:45 pm

有片:牆上的白兵黑武士R2D2 投影Shadow art

絕對係心機嘢,YouTuber Red Hong Yi用竹籤穿起牛仔褲碎布、樹葉、棉花等等物料,之後一支支按預定位置排列,跟住熄燈,之後強烈燈光一Zoom,喺精準角度下,用朱古力餅碎砌嘅「STAR WARS」字眼、用電路板砌嘅R2D2、用布絮砌嘅白兵、用錫紙砌嘅黑武士等圖案全部投影喺白牆上面,咁維肖維妙嘅Shadow art,抵畀十個叻佢。

Read more ›
網圖分享:中國畫x《Star Wars》 迪嘉《中式沙鍋》超頂癮
by / on 12/12/2015 at 5:45 pm

網圖分享:中國畫x《Star Wars》 迪嘉《中式沙鍋》超頂癮

是日分享本土藝術家迪嘉「中式沙鍋」系列畫作,英文叫「Chinese star pot」,玩諧音食《Star Wars》熱,屬中國畫筆風,構圖裡面有激光劍、白兵、黑武士、R2D2、尤達大師、BB8等等《Star Wars》元素,配埋「招財進寶」、「好事成雙」、「學業進步」、「貨如輪轉」等揮春式祝福語,相當老嚟,最重要係Made in Hong Kong,支持本土創作,抵讚。值得Save起佢,整個Collage當Wallpaper用,正。

Read more ›
【連環圖】白兵逐步砌聖誕樹 1日70萬個分享熱爆網絡
by / on 03/12/2015 at 7:20 am

【連環圖】白兵逐步砌聖誕樹 1日70萬個分享熱爆網絡

呢輯白兵砌聖誕樹嘅相呢兩日喺網上好勁,原作者Kyle Shearrer放上網唔夠24小時已經有超過70萬個分享。用咗連環圖嘅方式,影班白兵齊心合力一齊砌起屋企棵聖誕樹,總共27張相,每張相都有笑點,途中仲有隻狗仔客串,最後當然唔少得老細黑武士出嚟指指點點。今次Kyle同佢阿爸總共只係用咗2小時拍攝(玩),用嘅都係阿爸儲咗好耐嘅一堆白兵同黑武士模型,出嚟嘅效果好正好歡樂,最重要係兩父子可以一齊玩,I am your father!

Read more ›
有片:超萌狗狗白兵 唔多Like面罩
by / on 11/11/2015 at 9:45 pm

有片:超萌狗狗白兵 唔多Like面罩

「May The Fluff be With You!」有乜咁毛茸茸呀?咪就係可愛到爆嘅汪星人囉。呢隻狗狗好得意呀,笠件黑衫,再砌埋盔甲,活脫脫就係一隻狗狗白兵,跑起上嚟唔累贅,睇嚟套盔甲都幾啱身,不過臨尾狗狗甩開面罩,似乎唔多Like俾嘢笠住個嘴噃。

Read more ›

黑武士/白兵層層叠 《Star Wars》迷你玩具一盒7件
by / on 16/08/2015 at 12:36 pm

黑武士/白兵層層叠 《Star Wars》迷你玩具一盒7件

噚晚有無睇明珠台重播《星戰》?雖然白兵同黑武士都未出場,但已經令星戰迷好興奮。我呢,就好想買埋呢套層層叠玩具「Star Wars Mania」返屋企玩。好似之前啲叠叠貓咁,不過今次主角換咗星戰角色,一盒7隻,最多都係白兵。總共有黑、白兩個款,前者有黑武士加6隻白兵陪襯。至於白色嗰款就有C3PO、R2D2同埋5隻白兵,要砌得有氣勢,起碼都要買兩盒先夠。每隻高40mm,慳位唔阻碇,一盒1980円,今個月推出。

Read more ›
【感人】白兵步行645里參加Comic-Con     紀念501部隊亡妻
by / on 11/07/2015 at 12:31 pm

【感人】白兵步行645里參加Comic-Con 紀念501部隊亡妻

美國聖地牙哥嘅Comic-Con除咗有coser睇、有好多遊戲新trailer睇之外,場外仲有個好感人嘅故事。呢位叫Kevin Doyle嘅男士,著上一套白兵服,由加州嘅Petaluma屋企,步行645里去參加聖地牙哥嘅Comic Con,目的係紀念2012年因為癌病逝世嘅太太Eileen。佢哋兩公婆都係星戰迷,而且都係501st Legion嘅成員,當年一齊去Comic-Con,留低好多美好嘅回憶。今次佢一個人上路,除咗紀念亡妻,亦係為佢成立嘅Eileen’s Little Angels籌款,幫助更多抗癌嘅小朋友,好有意義好感人。Kevin完咗Comic-Con之後會再步行645里返加州,希望佢早日忘記傷痛,將來同太太喺第二個星球再見。

Read more ›
新片速報     DIY《星戰》四軸直升機     白兵飛得穩超好玩
by / on 15/03/2015 at 1:34 pm

新片速報 DIY《星戰》四軸直升機 白兵飛得穩超好玩

玩開遙控直升機嘅,間中都鍾意改裝吓增加樂趣,好似呢個星戰迷Adam Woodworth最近就整咗架Star Wars主題嘅四軸直升機Quadcopter,佢用咗之前出過嘅12吋Star Wars Power of the Force Imperial Speeder Bike再改裝,貪佢夠輕身,之後再減磅185克令到飛起上嚟更穩,佢仲拍埋片表演飛行,睇住白兵好威風咁周圍飛,再穿插埋主觀鏡同埋星戰配樂,星戰迷有無想整返部?

Read more ›
有片:煎出尤達 Pancakes星戰角色
by / on 20/02/2015 at 6:03 pm

有片:煎出尤達 Pancakes星戰角色

犀利!煎Pan當畫布,開火,左唧右唧,靠幾種唔同食材煎出唔同層次感,三幾下手勢,尤達、黑武士、白兵等等《星球大戰》角色全部變晒Pancake。係,我知你實話唔難,C3PO、R2-D2、Jar Jar Binks、Leia公主同Chewbacca,唔知又會唔會難煎啲呢?

Read more ›