Tag: 發明

1000種發明 日本網站的不存在產品

多啦A夢好多發明我都好想擁有,日本有個網站叫Prototype1000,入面有好多款80後設計師「佐藤ねじ」嘅天馬行空作品,全部都係佢好想擁有但現實生活未存在嘅產品,有啲好實用有啲極無聊,例如日本貨櫃車Dekotora嘅USB、公主專用雨傘,設計水準唔錯。雖然個網站叫prototype 1000,但暫時只有prototype 1至54號作品,要得閒上去睇吓佢有無找數先得。

Read more ›

「意粉雪糕」超像真 士多啤梨扮茄汁

一直以為日本人先有膽量設計古怪食物,例如成日見倒但我從來唔敢試嘅炒麵麵包,估唔倒美國居然都有大膽嘢,呢款意粉雪糕「spaghettieis」幾可亂真,一條條好似意粉粗幼嘅「麵條」,其實係由雲呢拿雪糕製成,至於面層好似茄汁嘅醬汁就係士多啤梨醬,更神奇嘅係原來呢款意粉雪糕並唔係新嘢,據講60年代德國已經有得賣,只不過今時今日得返好少地方食得倒,例如今次介紹嘅紐約雪糕店Dolce Gelateria就有得試。除咗雲呢拿,仲有朱古力、香蕉、哈蜜瓜等多款口味,有機會去紐約你敢唔敢挑戰?

Read more ›

洗手盆尿兜二合一 如廁後你會唔會洗手?

老老實實,你有無試過去完廁所唔記得洗手(或者專登唔洗手)?Kaspars Jursons設計嘅呢個尿兜TANDEM,將洗手盆同埋尿兜二合為一,等你如廁時提醒你記得洗手,不過又洐生另一個問題嘞,就係個洗手盆會唔會沾滿尿漬?如果好似張相咁潔淨,大家當然願意喺度近近哋洗埋手,但係現實嘅廁所你唔係未見過‥‥‥

Read more ›

內地生發明便攜洗衣機 海爾品牌傾合作

內地嘅發明真係創意無限,呢個由相中21歲梳平頭裝嘅學生哥設計嘅可摺合式手提洗衣機,可以容納3公斤嘅洗衣量,每次最多洗5件衫,勁在易攜帶搬去邊都得,唔用時仲可以捲埋放喺床下底唔會阻碇。最厲害係吸引埋內地電器名牌海爾都搵佢傾合作,至於敢唔敢用同埋會唔會用,我都係留返比大家自己決定。

Read more ›

15歲清純美女發明家 人體熱能電筒參賽

大家有無留意Google Science Fair?即係類似小小發明家嘅Google活動?老實,我完全無,不過啱啱見倒呢條短片就好想分享比大家。4月底發佈,暫時已經有67萬人睇過,片中一個只得15歲(真係?)嘅Queenie Andini講解佢嘅小發明,就係用人體熱能發電嘅電筒,雖然令我諗起太陽能電筒呢個驚世發明,但其實都幾實用嘅,尤其時你試過停電時先發現自己個電筒無電‥‥‥不過我想講其實係,個女仔好靚女好清純,嘻嘻。

Read more ›