Tag: 發明

【新片速報】日本人發明hand spinner新玩法 占卜趨吉避凶

【新片速報】日本人發明hand spinner新玩法 占卜趨吉避凶

hand spinner興咗好耐,日本依然有人玩緊,仲諗到個新玩法,就係將佢用嚟占卜嘞!喺個hand spinner上面加個嘴咀就得,最後占卜結果仲係日本人最近瘋狂玩緊嘅「5000兆円」!小吉定大凶都無所謂,最緊要係錢呀!

Read more ›

【天才發明】日本較剪激嬲網民 要用剪先要有一把剪

【天才發明】日本較剪激嬲網民 要用剪先要有一把剪

發明呢個包裝嗰位真係天才,最近有兩個日本網民不約而同放咗把較剪圖上網,奇妙在於兩把較剪都用膠條封實咗,即係話要用呢把較剪,首先你要有另一把較剪開佢‥‥‥把較剪背面仲有埋圖解。多謝你呀!有無太陽能電筒賣?

Read more ›

【有片】中國生產「立體快巴」 避塞車 最快年底通車

  返過大陸都知塞車問題嚴重到爆,啱啱北京科博會有公司公佈咗架好特別嘅「立體快巴」Transit Elevated Bus,睇片見到佢好似一個罩咁,可以跨過塞緊喺公路上嘅汽車直通,內地媒體稱之為「在空中奔跑的巴士」或者巴鐵,預計可以接載1200個乘客,最誇張嘅係預計今年下半年可以喺秦皇島市率先試用,留名等睇試坐報告。

Read more ›

【有片】天才級發明 機械式自動儲存器 手離Keyboard即撳「Ctrl + S」

有冇試過寫完一大段嘢,Yeah搞掂之後,電腦突然Hang機,或者自己唔記得Save而閂咗?呢個「論文まもるくん」就幫到你喇。之前都已經有介紹影片,不過今次就實物出展噚日(1日)同今日舉行嘅「Maker Faire Toyko」,好多日本網民都拍咗片,佢設有感應器,只要你對手離開Keyboard,佢個裝置就會伸出嚟幫你撳「Ctrl + S」!我知,係有Auto Save,但點有呢個機械式Auto Save咁有型?

Read more ›

有片 瘋狂科學家High five機器 跑馬拉松不是夢

天生懶底嘅我,好羨慕跑馬拉松嘅跑手,因為衝線前可以同沿路嘅人玩High fives嘛!可能呢位科學家都有相當諗法,所以返返吓工居然諗到喺實驗室裝幾隻塑膠假手,吹晒氣然後自己瘋狂玩high fives,睇佢個樣真係high爆,有網友忍唔住幫佢整咗個無限loop版本,無聊得嚟好好笑。

Read more ›

【單車專用】 天才發明家 $5自製手機充電器

  16歲就咁醒,前途無可限量呀。呢位叫Thomas嘅羅馬尼亞男仔,每日都要踩好耐單車,部手機又成日無電喎,一向鍾意研究電子嘢嘅佢,就諗倒用個電腦嘅散熱風扇,DIY改裝成風力渦輪機幫部手機叉電,而且材料費只需要5蚊美金!又環保又實用,佢仲將成個改裝過程放上網,有興趣又有基本電子知識嘅可以跟住做,係時候攞返專利喎Thomas仔!

Read more ›

中國又有新發明 洗龍蝦機5分鐘洗200隻

其實我未食過中國嘅小龍蝦,係咪好好味好受歡迎?所以佢哋要設計部洗龍蝦仔嘅專用機?呢個發明我喺日本媒體度睇到,日本人都覺得好驚訝。外形同普通洗衣機差唔多,聲稱可以5分鐘之內洗好200隻龍蝦仔,賣43萬8000円,即係3萬蚊港幣左右,如果唔爆炸嘅話都唔算貴嘅。唔係我針對呀,日本網民留言都話:「好彩未見倒爆炸呢。」亦有明白事理嘅話:「中國捉倒嘅小龍蝦太污糟,一定要洗乾淨啲先食得。」BTW,上淘寶走咗轉,果然見倒有類似嘅嘢賣,開價6980人仔,仲話可以洗埋大閘蟹、菜、餐具,又有超聲波,嚇死我,我唔share link,費事害咗大家。

Read more ›

世界10大發明 又懶又窮創作力爆發

當一個人懶或者窮嘅時候,創作力就會爆發,好似今次介紹嘅10大發明,全部都係日常生活嘅小智慧,條單車軚爆咗咩?用幾對白飯魚圍邊都可以有相同效果;食完嘅西瓜又可以當碗用;想煮飯聽歌無MP3都有方法。機迷最有共鳴應該打機雙打上下分割畫面,加塊大紙皮即刻舒服晒!

Read more ›

洗衣機結合單車機 慳電又健康

呢個發明有驚喜!香港女仔好鍾意踩單車機減肥,去親健身室都會見坐滿人。呢個發明就係將單車機同洗衣機結合,當踩單車时會帶動中間嘅衣物滾動,原理同洗衣機轉動一樣,而多出嚟嘅動力仲可以用嚟做螢幕顯示或者儲起將來用。睇落唔錯仲幾環保,唔知第時去健身踩單車機可唔可以賺埋洗?不過呢個北京市中央民族大學嘅學生發明仲係概念階段,未知幾時生產得。

Read more ›

中國農民發明「排石床」 5日震走腎石

唔係魔術,呢張識打側嘅床真有其事,上面瞓緊嘅都係真人,功能係聲稱可以「震走腎石」!江西鄱陽農民朱清華嘅老婆有腎石,醫生建議佢老婆喺屋企做多啲倒立幫助排石,佢就設計咗張可以360度旋轉兼多角度震動效果嘅床送比老婆,4、5日後居然震走晒身上嘅腎石!最近佢仲攞埋國家嘅「實用新型專利」,張設計圖放上微博後即時熱傳。而家經常有鄰居去佢屋企借床用,又有商家想搵佢合作,而佢就話:「家裡有設備,心裏就不慌了。」果然世事都被你看透了。

Read more ›

【有片】唔駛又抆又插 USB蜈蚣越插越強

尤其係手提電腦,得幾個USB,一個插咗Mouse,剩番嘅要差電駁讀卡器、硬碟,換嚟換去就要抆抆插插,最慘你又永遠第一次都係插錯,煩囉。Kickstarter啱啱就出現咗呢個發明,叫做「InfiniteUSB」,插一個之後可以喺上面再插多個再插再插,變成USB蜈蚣,如果真係Work都咪話唔方便,仲有佢兩邊插頭都有磁石,唔用時攝埋一齊又方便攜帶,我真心想買。

Read more ›

湯匙加叉二合一 日本拉麵店新發明

湯匙加叉,呢款日本全新設計嘅餐具,專為食湯麵而設,一邊叉起麵條,一邊飲埋啖湯,爽!呢件餐具由日本設計師發明,喺著名拉麵店Sugakiya有得用,amazon都有得買,售價美金$30。不過對呢個發明我有兩個疑問:第一,日本人唔係用筷子食麵o架咩?第二,個叉位咁淺,只係叉得幾條麵,湯又得細細啖,食到尾啲湯應該湯晒,麵應該淋晒‥‥‥

Read more ›

偉大發明 牛油刀刮牛油一流

你同我都試過,想食麵包塗牛油,點知嚿牛油硬過石頭,用刀夾硬了起分分鐘整傷手。所以見倒呢把專為切牛油而設嘅刀,實在覺得係10大偉大發明呀!把刀表面上有小孔,只要將佢放喺牛油上面再向前推,中間嘅小孔就可以刮起一層層牛油,唔駛怕攞得太多份量。開價美金$12,透過Kickstarter集資,但係所有名額已經火速爆滿,預計2015年3月發貨。

Read more ›

韓國古怪發明 炸雞手指套保護兩隻手指

古怪發明唔一定日本先有,韓國最近都急起直追,好似呢個炸雞手指套就令人眼前一亮。韓國人鍾意食炸雞,睇千頌伊都知,唔想整污糟雙手,可以戴對透明膠手套,如果只會用食指同手指公,可以用呢個指公套,一個長方形套,好似著褲咁,將兩隻手指穿入去就得,但係我諗唔明,咁樣乾淨啲方便啲咩?萬一啲汁流咗落第二隻手指,咁咪前功盡癈?

Read more ›

泳池專用浮枕 無重飄浮超爽

最近香港人去游水多咗好多顧慮,原來泳池都會被攻佔,想享受片刻寧靜可能要去外地先得。講到游水,最爽莫過於浮喺水面隨水飄流,不過浮得耐條頸好易攰,呢個冰島設計師發明,名為Float嘅浮枕好啱駛,戴住佢浮喺水面除咗可以防止雙耳入水,仲可以令條頸無咁攰,佢仲出埋一對包腳嘅浮枕,包埋上大脾成個人即時輕晒無重浮游,買晒全套盛惠美金$135。香港沙灘泳池咁迫,睇怕都係買嚟去外地用啱啲。

Read more ›