fbpx

Tag: 發售

日本PS5誤買嚴重    Amazon暫停PS5相關銷售

日本PS5誤買嚴重 Amazon暫停PS5相關銷售

PS5上星期四公佈售價日期,日本Twitter即時有大量留言話「PS5安すぎ」話PS5太平,星期五Amazon仲湧現大量炒價,由499,800円(約3.7萬港幣)至3,998,000円(約30萬港幣)都有,仲有唔少人撳錯買咗,但係有啲商家標明話取消都要收取消費。日本Amazon由今日開始停止PS5銷售,而且發告示話所有人都可以喺帳戶入面取消預訂咗嘅PS5訂單,取消唔倒仲可以聯系佢哋嘅客戶服務部幫手取消,似乎係針對網上嘅瘋狂誤買情況。另外日本大型商店Bic Camera、Yodobashi等今次就以抽籤形式發售,不過啲網站都係好快迫爆,好多人都留言話登入唔到,不過有網民發現樂天網站仲有得買,入嚟有得睇。

Read more ›

《動物之森》發售傢具一覽表 日本玩家超齊全整理Twitter熱傳

《動物之森》發售傢具一覽表 日本玩家超齊全整理Twitter熱傳

物慾無窮,喺《動物之森/動物森友會》辛苦賺返嚟嘅錢,通常都係用嚟買嘢,日本有網民整埋咗遊戲入面發售嘅傢具列表,內容超豐富,啱晒鍾意收藏嘅玩家,睇完就會知道都係要繼續努力搵錢!入嚟有得慢慢睇。

Read more ›
《遊戯王》「強欲な壺」發售決定 限量生產Twitter熱傳

《遊戯王》「強欲な壺」發售決定 限量生產Twitter熱傳

有睇《遊戯王》都會對呢個「強欲な壺」好熟悉,官方啱啱公佈會發售呢個壺,喺出名生産陶器嘅名産地「美濃」量產,售價11550円,11月29日下午1時開始預約,網民嘅反應好熱烈,入嚟有多啲圖睇。

Read more ›
Capcom「懷舊主機」雙打手掣設計 收錄16款遊戲10月發售

Capcom「懷舊主機」雙打手掣設計 收錄16款遊戲10月發售

個個都出懷舊主機,Capcom都唔例外,最近公佈咗呢個手掣主機Capcom Home Arcade,直接用大手掣嚟做主機設計,可以重拾返當年街機雙打嘅感覺,概念唔錯,雖然個設計有啲hard-sell。內置16款遊戲,包括Street Fighter II、Final Fight、洛克人、Super Puzzle Fighter II Turbo等經典作,直接將個手掣駁HDMI上電視就玩得,用Micro USB攞電,另外支援Wi-Fi可以到全球玩家鬥成績,而家預訂中,10月25日發售,售價229.99歐元,入嚟有得睇埋遊戲陣容。

Read more ›
【限定】Pocky日本「甘酒」新口味     過年遊日必買手信

【限定】Pocky日本「甘酒」新口味 過年遊日必買手信

新年好多人都會去日本旅行,而Pocky百力滋絕對係必買嘅手信之一,由2月5日起佢哋有新款出嘞,今次係同「東京港醸造」合作,用上喺日本有超過1千年歷史嘅Amazake甜清酒做材料,只限首都圈限定發售,個盒超靚,去開日本見到記住買返盒。

Read more ›
日本紅爆OL公仔   今期《GINZA》 隨書附送

日本紅爆OL公仔 今期《GINZA》 隨書附送

呢隻杯緣子「コップのフチ子」OL公仔喺日本真係紅到開巷,繼同百貨公司PARCO做展覽,最新動向係同女性潮流雜誌《GINZA》合作,2月號隨書附送限定版杯緣子,制服係全新桃紅色,心口仲有大大個G仔logo,動作就係之前都推出過嘅倒吊款。最特別係今次著上銀色legging,唔怕露底。

Read more ›

日本超人氣OL    奇特耳塞唔怕走光

日本超人氣OL 奇特耳塞唔怕走光

日本今年最人氣嘅OL係呢位「杯緣子(コップのフチ子)」,扭蛋公仔,強項係可以擺出高難度動作掛喺杯邊,日本人好鐘意影低佢嘅得意相放上Twitter分享。最近呢位OL繼11月後再推出超實用耳塞,今次換咗橙色新制服,照舊單腳伸入耳仔隔聲,動作誇張奇特唔怕走光,一套六款,下年三月發售。可惜自己戴住睇唔倒,最好就係買比枕邊人,迫佢戴比你睇,不過大前題係你要有強勁鼻鼾聲,無嘅話由今晚起扮啦!

Read more ›
LEGO出大人手錶   黃黑款對辦  11月見街

LEGO出大人手錶 黃黑款對辦 11月見街

LEGO終於宣佈推出啱大人戴嘅手錶系列,之前出嚟出去都係小朋友款,今次一次過推出8個款式,唔低B大人戴都無問題。手帶同埋銀圈都可以自由換款,同砌LEGO一樣。個人認為黃色、黑色同埋白色三款都相當對辦,有啲想買。11月開始開賣,價錢大約$600-$1500,仲有50至100米防水,玩開Lego有感情嘅大人聖誕可以有嘢送比自己喇。

Read more ›