fbpx

Tag: 癲噹

網圖分享:唱《一事無成》惹的禍

網圖分享:唱《一事無成》惹的禍

其實都知道係無心之失,周柏豪又點會咁黑心吖,不過呢鋪真係因無腦而製造出嚟嘅公關災難囉,有乜理由孖埋鄭融合唱《一事無成》幫失業一族打氣?揀首咁嘅歌都得?崩口人忌崩口碗嘛。金口一開,抽水者眾,插畫師癲噹亦出圖一張,笑到我呢……係囉,斷估都唔會有人向聾啞人士唱《Shall We Talk》、唔會向盲人唱《眼睛想旅行》、唔會向輪椅人士唱《極速》、唔會向孤兒唱《世上只有媽媽好》啩?不過利申,我係好鍾意《一事無成》呢首歌的,個MV仲記得一清二楚,勉強仲記得晒全部歌詞架。

Read more ›

網圖分享:癲噹畫Error

網圖分享:癲噹畫Error

又係關於Error嘅畫作呀,今次由插畫家癲噹出手,筆觸勁簡單,幾點幾條線已經盡得四子神髓。另,「反省中」嘅保錡已經反省完畢嘞,強烈建議癲噹畀番個正常造型佢。

Read more ›
網圖分享:癲噹教你「新年如何回應親戚問題」

網圖分享:癲噹教你「新年如何回應親戚問題」

今日大年初一,羊年伊始,尉遲一謹代表有機網仝人同大家拜年,祝大家萬事勝意、財源廣進、出入平安,最緊要當然係身體健康啦。相信好多人都同我一樣,出街拜年見到啲一年先見一次嘅親戚,最怕呢班姨媽姑姐叔伯兄弟問這問那。唔使驚呀,有請癲噹出圖,教大家如何回應親戚問題,秘訣好簡單──九唔搭八Hea答或反問,包保親戚速速收口──

Read more ›
網圖分享:港漫人作畫賀聖誕

網圖分享:港漫人作畫賀聖誕

擒晚平安夜玩得開心否?今晚又有乜嘢好節目呀?今日聖誕節公眾假期,斷估你都係剛剛訓醒,睇睇以下港漫人精心炮製嘅聖誕節賀圖醒神先喇,有幾多張圖?唔多,剛剛湊夠一打啫。好聽說話唔怕多,咁喇,本人尉遲一謹代表有機網仝人,祝大家聖誕快樂,新年進步,恭喜恭喜。

Read more ›
網圖分享:寸大台 癲噹的「電視劇之永恒對白」

網圖分享:寸大台 癲噹的「電視劇之永恒對白」

政治層面,我哋無得Say no,但喺娛樂層面,我哋總算有得揀,HKTV終於啟播,香港人終於多一個選擇,唔使晚晚侷哽CCTVB嘅膠劇。膠劇究竟有幾膠?見仁見智,但編劇有幾懶就路人皆見,不論乜嘢戲種,總離唔開以下八句對白。癲噹有見及此,專登製作此一「電視劇之永恒對白」圖揄揶CCTVB。HKTV千其唔好犯上同一錯誤呀,睇好你呀。電視劇之永恒對白如下,講真,全部都熟口熟面──

Read more ›