fbpx

Tag: 異形

官方確定「Ridley Scott」回歸執導 新作《Alien: Covenant》2017年上映

官方確定「Ridley Scott」回歸執導 新作《Alien: Covenant》2017年上映

1979年嘅異形《Alien》,一直都係科幻電影經典,之後出嘅續作,除咗最新嘅前傳《Prometheus》外,都唔係由初代嘅「Ridley Scott」執導。嚟緊嘅異形系列,由《Alien: Paradise Lost》改名為《Alien: Covenant》,而且「20th Century Fox」都確定咗由「Ridley Scott」執導,玩完《The Martian》返嚟玩異形,電影會喺2017年6月10日上映。

Read more ›

有片:煙仔變異形 超另類戒煙廣告

有片:煙仔變異形 超另類戒煙廣告

初頭仲以為係邊一集《異形》添?睇真先知原來唔係,呢條係「The Real Cost」頻道拍攝嘅戒煙短片,場景係課室,上緊生物課,教授解剖一隻疑似異形物體,正以為就嚟瓜老襯之際,異形物體慢慢掙開掣肘,跳離檯面,嚇到班學生雞飛狗走。Last,異形跳番入煙盒,引喻煙仔就等於異形咁可怕,藉此勸人戒煙,都拍得好有震撼感架,戒煙廣告有如此高水準之作,要讚。

Read more ›
《異形Alien》第5集 確定由《District 9》Neill Blomkamp執導

《異形Alien》第5集 確定由《District 9》Neill Blomkamp執導

唔係《Prometheus 2》,呢套前傳會繼續由Ridley Scott製作。講緊嘅係《Alien 5》!20th Century Fox已經同執導過《District 9》、《Elysium》同未上映《Chappie》嘅Neill Blomkamp傾埋咗,而導演都喺自己嘅Instagram放料:「So I think this is officially my next film.」有睇過《District 9》嘅異形迷,都應該有啲期待啦?不過故事方面唔知係講幾時邊度呢?

Read more ›
極醜古怪生物 皺鰓鯊似鰻魚定異形?

極醜古怪生物 皺鰓鯊似鰻魚定異形?

呢隻嘢核突程度達到核爆級,望多兩眼都想嘔,所以我打重咗格仔,夠膽唔怕核突先撳入去睇。呢條古怪魚最近喺澳洲Victoria海岸比漁民意外捕獲,睇真啲原來係鯊魚嚟嘅,學名叫皺鰓鯊,有啲似鰻魚,對眼橢圓形,啲牙好特別,係三叉型。據知平時皺鰓鯊主要喺深海出沒,所以極少機會捕捉倒,睇見佢口擘擘全身滑嘟嘟,個樣仲好兇狠,的確勁似異形。

Read more ›
【有片】汽車外賣惡作劇 今次扮《異形》破體

【有片】汽車外賣惡作劇 今次扮《異形》破體

之前玩過骷髏頭、冇頭鬼嗰啲,不過大部份做快餐汽車外賣嘅都好淡定,唔算話好驚……今次就玩《異形》喇,破體而出一幕夠典啦,唔知係咪伸出嚟個位同條狀外型有啲尷尬,有幾個都俾佢嚇到掉頭就走……不過有幾位淡定,直情冇反應,見到有店員直情俾份外賣隻異形咬住,真係笑出嚟。

Read more ›
新片速報 新加坡漁夫 捕獲神秘海中生物

新片速報 新加坡漁夫 捕獲神秘海中生物

嗚!睇張相可能冇乜嘢,但當你睇條片,啲嘢全部一齊不規則咁蠕動,都幾核突呀。新加坡一位54歲嘅漁夫「Han Boon」,就喺早幾日捕魚時撈到呢隻嘢,佢話佢撈上嚟一刻都呆咗,因為捕魚咁耐都未見過咁嘅生物。不過佢話有呢啲異形同新物種都唔出奇,o依家海洋污染咁嚴重……最新資訊係有讀者提供資料,隻嘢叫Basket Star。

Read more ›

梁偉家的金毛獅王與異形

梁偉家的金毛獅王與異形

梁偉家繼《漫畫家的記事畫集》後,去過動漫基地開Talk分享港漫點滴,至今好似無乜新搞作。或者時間有鬆動喇,佢都好似張萬有咁作畫自娛,呢兩幅風雪中的金毛獅王同異形,夠照嘞啩?

Read more ›
LEGO重造《異形》場景   燈光效果超認真

LEGO重造《異形》場景 燈光效果超認真

不嬲都話LEGO多神人,最近又有fans用LEGO砌返電影《異形》入面多個經典場面,有異形入侵,主角們爬梯嘅經典場面,打晒燈有晒道具好認真。今次作品由Missing Bricks製作,講返轉頭,《異形》推出時係1979年,到1986年第二集《異形2》時更加有占士金馬倫執導,相信好多讀者上映時都未出世,未睇過嘅記得翻睇,堅正。

Read more ›
新片速報《Alien: Isolation》預訂送元祖電影角色任務

新片速報《Alien: Isolation》預訂送元祖電影角色任務

Ellen Ripley嘅異形,始終都係最經典,係佢話俾我知異形口水有腐蝕性,仲有異形囝囝鍾意包住人類塊臉。嚟緊10月7日,PS4/PS3/Xbox One/Xbox 360/PC推出呢隻SEGA《Alien: Isolation》,就會有預訂特典DLC送,內容有Ellen Ripley同第1集異形角色,另外亦會有多兩個額外任務係關於Sigourney Weaver、Tom Skerritt、Yaphet Kotto佢哋嘅。最後提提,SEGA啱啱公佈話除咗預訂之外,其實玩家之後都可以玩到呢個DLC,不過我諗行貨會包埋啦。

Read more ›
R.I.P.《異形》創作者H.R. Giger離世 終年74歲

R.I.P.《異形》創作者H.R. Giger離世 終年74歲

超經典嘅外星生物,係《異形Alien》,第一集1979年上映,嚟到前排都仲有前傳電影上!呢隻口中有口、BB識得鑽人個口嘅異形,係出自瑞士藝術家H.R. Giger手筆,而異形仲令佢喺1980年得到Oscar奧斯卡。壞消息,係佢啱啱喺Zurich離世。終年74歲。

Read more ›
驚嚇發現!極醜尖嘴魚    品種未確認

驚嚇發現!極醜尖嘴魚 品種未確認

又到古怪動物時間,今次呢條尖嘴魚好醜怪,由馬來西亞都丹(Tudan)嘅漁民發現,十足中咗生化病毒嘅異形魚,好驚嚇。暫時仲未知道喺乜嘢品種,只知道魚嘴旁邊有兩隻帶刺類似長牙嘅物體,魚尾由粗至幼仲有尖角,望多兩眼都毛管楝,難得漁夫老婆仲話呢份係上帝送比佢哋禮物,決定將條魚好好保留。喂,係咪準備製成咸魚?放喺屋企我驚佢夜晚會變形咬人喎!

Read more ›

網圖分享:香蕉唔只可以食,仲可以玩!

網圖分享:香蕉唔只可以食,仲可以玩!

蕉係水果一種,照計真係用嚟食嘅啫,都說高手在民間,原來蕉仲可以用嚟玩架。上Yahoo維基百科,香蕉條目資料如下──「香蕉,又稱甘蕉、弓蕉、芽蕉,為芭蕉科芭蕉屬多年生草本植物蕉樹的果實,果實長有棱;果皮黃色,果肉白色,味道香甜。主要生長在熱帶、亞熱帶地區。原產於亞洲東南部熱帶、亞熱帶地區。」好明顯,香蕉最主要功用係果腹醫肚。卻原來,2013年嘅今日,香蕉嘅功用唔只食,仲可以玩,左Cut一刀右劈一截,上刮一忽下雕一舊,用無窮創意加刁鑽技術,一隻香蕉居然可以變成進擊之巨人、骷髏頭、黑武士、Simson、毒蛇、異形、大白鯊等等等等,以下圖輯,個人認為最厲害係機械人,一隻蕉唔夠用,玩夠一梳,拼拼砌砌,用箱頭筆畫多兩筆,成隻機械人活靈活現。

Read more ›
開心樂園餐    恐佈別注專嚇細路

開心樂園餐 恐佈別注專嚇細路

唔准講大話,你有無試過食足好多日開心樂園餐為咗換玩具比自己或者女朋友?其實呢個餐一啲都唔飽,大人食真係唔夠皮。講返正題,外國設計師Newt Clements可能同我一樣對呢個餐懷恨在心,於是設計咗一批專嚇細路嘅開心樂園餐包裝盒,有齊異形、閃靈、驅魔人、活死人之夜、哥斯拉甚至生化危機,仲設計埋隨餐附送嘅figure公仔,超細心,我好想要閃靈嘅積尼高遜呀!

Read more ›
新片速報 60秒睇完《Alien》 火柴異形超可愛

新片速報 60秒睇完《Alien》 火柴異形超可愛

又嚟60秒系列,之前有《Matrix》、《Back to the Future》、《Star Wars》,都係60秒睇完一套電影,最啱香港忙碌嘅都市人。今次嚟到另一經典,係《Alien 2》,第2集機械人打母后一役,諗起都想翻睇,摷碟之前,睇咗呢個火柴人版先啦,入面啲異形好可愛o架。

Read more ›
新片速報《Aliens Colonial Marines》首30分鐘影片 初一二照買Game!

新片速報《Aliens Colonial Marines》首30分鐘影片 初一二照買Game!

SEGA推出、Gearbox Software開發嘅《Aliens Colonial Marines》已經到咗貨兩日,有冇買嚟新年煲?冇嘅話可以睇吓呢條頭30分鐘嘅試玩片。遊戲氣氛相當正,而且設定都忠於原著,有睇過戲嘅異形迷應該可以射得好投入。另外提一提,如果年初一二想買game,葵涌廣場G Point繼續開業,初一、二會1:30pm開到6pm,初三就照常1pm到10pm,逗完利是錢點呀?駛晒佢囉!  

Read more ›