Post Tagged with: "異形"

【有片】外星生物頻道 異形口渴有煩惱 東京Comic Con奇景
by / on 05/12/2018 at 9:51 pm

【有片】外星生物頻道 異形口渴有煩惱 東京Comic Con奇景

喺早前舉行嘅東京Comic Con,我哋睇過《鐵血戰士》血獸飲嘢嘅情況。今次就睇吓另一種外星生物口渴嘅情況,呢位異形似乎想用自動販賣機買嘢飲,但唔知佢係撳咗冇嘢飲出還是本身冇錢冇卡嘟。從旁觀察所見,亦都冇人伸出援手幫佢,似乎現場啲人都唔係太歡迎一啲冇儀態冇水平嘅遊客,同我哋香港人一樣。

Read more ›

有片:高手在廟街 陳笑洛的水墨異形
by / on 06/09/2018 at 9:00 am

有片:高手在廟街 陳笑洛的水墨異形

高手在民間,吖,精確啲,應該係高手在廟街。話說面書朋友仔陳笑洛有檔口喺老廟,早兩日示範咗一幅水墨異形。鬼佬嘢用中國水墨畫出嚟,效果竟然出奇地好,構圖有留白,輕輕有做番啲氣氛,我尤其鍾意異形嘅擺尾姿態,一句到尾,強呀。

Read more ›
有片:鐵血戰士揸異形電單車 公路飛馳型爆
by / on 25/06/2018 at 10:00 pm

有片:鐵血戰士揸異形電單車 公路飛馳型爆

大家對電影《異獸戰》仲有無印象?異形固然到依家都仲係咁多人追捧,鐵血戰士亦一樣深受歡迎。如果喺馬路見到架改裝成異形咁款嘅電單車,轟隆轟隆咁行過,斷估你會嘩嘩聲,再如果話你知個司機仲要Cos埋鐵血戰士,風馳電掣,我諗你會即時擘大個口得個窿。真係好型,條片係喺泰國某高速公路拍攝嘅,喺香港肯肯定無可能見到。

Read more ›
異形撻上面 超型面罩連呼吸管
by / on 03/04/2018 at 10:30 pm

異形撻上面 超型面罩連呼吸管

純個人感覺,流晒口水嘅異形完全體唔算最恐怖,講核突,應該係最鍾意吸住人類面頰嘅生長形態,點扯都扯唔甩,之後俾佢直鑽入體內,諗吓都毛管戙。呢個潛水用面罩連呼吸管過癮嘞啩,都未使真正潛水,一撻上面肯肯定成為全場焦點,每個$68.99美金。就嚟夏天,鍾意潛水嘅你諗得過喎。不過,呢件產品,係喺4月1日推出嘅。

Read more ›
呈現異形四個生長狀態 藝術品級數啤酒瓷杯
by / on 19/03/2018 at 10:30 pm

呈現異形四個生長狀態 藝術品級數啤酒瓷杯

堪稱直達藝術品級數!無得輸!呢隻啤酒杯由杯蓋、杯身到底座,完美呈現異形由蛋到成蟲嘅四個生長形態,咪睇黑黝黝以為係金屬,查實係瓷製,估計拎上手無想像中咁重。如果香港有酒吧肯用呢隻杯Sell生啤,我諗一定大把人去朝聖。每個$129.99美金,未計運費。

Read more ›
零違和!當異形變成玉壐!
by / on 21/11/2017 at 2:50 pm

零違和!當異形變成玉壐!

真係無諗過可以將異形玩成咁,玉壐係中國嘢,異形係西方嘢,溝埋一齊直達瀨尿牛丸級數,如此零違和,係好正嘅。呢套異形玉壐由Tik Ka from East製作,一套四個分別為Alien Queen、Alien Warrior、Predator同Alien Egg造型,唔係得個殼,真係印得出字。$1,980,唔貴,當精品儲擺飾櫃好吸引,值得入手。

Read more ›

完全無違和 日本網民蟬殼砌異形
by / on 17/09/2017 at 11:23 am

完全無違和 日本網民蟬殼砌異形

見到啲昆蟲,甚麼係蝦類物體,其實都覺得有啲似異形,所以嚟到呢個季節,有人用蟬殼嚟砌隻異形,完全無違和感,直情真嘅一樣,雖然我未見過真嘅。話時話,今年中川翔子好似未玩。

Read more ›
有片:Flipbook版異形 破體而出追殺人類
by / on 27/05/2017 at 4:15 pm

有片:Flipbook版異形 破體而出追殺人類

埋嚟睇睇呢本異形Flipbook,今次唔係死死板板一本書,而係可以上下左右無限伸展咁逐頁揭,所以感覺刺激好多。故事呢,都係異形破體人體而出、追殺人類之類喇,最正係爬出嚟嗰下,加埋配音,真真非常有電影感。唔知創作呢本Flipbook位人兄,畫咗幾耐又畫咗幾多幅畫呢?掌聲鼓勵唔該。

Read more ›
Henry Lau黏土異形好細緻 福龍評《異形:聖約》70分
by / on 22/05/2017 at 3:30 pm

Henry Lau黏土異形好細緻 福龍評《異形:聖約》70分

《異形:聖約》好唔好睇?福龍喺面書留言曰:「全片好普通!好怕CG異形!冇左以前異形D質感!頂盡70分,我比普羅米收屍是80分!」戲我仲未睇,未敢評分,但朋友仔Henry Lau自製嘅黏土異形,我會畀100分,異形手手腳腳加埋條尾再加埋個頭有幾多Detail位,大家心中有細,如此複雜都捏得如此精緻,仲要體積大唔過手板,係有啲功架嘅,抵畀十個讚。

Read more ›
網圖分享:不含劇透齋賞畫 港漫人的異形
by / on 16/05/2017 at 3:32 pm

網圖分享:不含劇透齋賞畫 港漫人的異形

死喇,好Out呀,身邊人係咁劇透,我既搭唔到嘴,又唔知應唔應該轉身離開好,咁點算呀?如果你同我都一樣,仲未有時間親身入戲院睇《異形:聖約》,咁不如睇住畫作先喇,邱福龍喺《山海逆戰》已經登過兩幅,仲有一幅依家開心Share,仲有米奇、WaiMan Tsang同廖光祖,加埋最新鮮滾熱辣嘅謝森龍異嘅「無聊一畫」,足夠止住癮先。

Read more ›
【有片】深海半透明「謎之生物」 日本網民:「好似異形!」
by / on 30/03/2017 at 7:12 am

【有片】深海半透明「謎之生物」 日本網民:「好似異形!」

呢隻透明嘅海底生物好特別,個樣有啲似大頭蝦,不過係全透明,仲好生猛吓。有日本網民放咗段片上Twitter,吸引好多人討論。有人話佢好可愛,有人話佢好似外星生物同埋漫畫入面嘅怪物。BTW,呢種深海生物學名叫Cystisoma,係一種半透明嘅甲殼類動物,長18厘米左右。除咗佢之外,仲有人分享埋之前外國有人捉到嘅「透明魚」,一樣好奇特。

Read more ›

新面書帳戶「邱福龍」 龍少:返嚟呀朋友!
by / on 17/02/2017 at 5:45 pm

新面書帳戶「邱福龍」 龍少:返嚟呀朋友!

睇完今期《山海逆戰》「福龍週記」,先知原來福龍有鋪浸浴上面書癮,完全唔擔心手機跌落浴缸整濕晒,過癮。另外,大概大家都知福龍早前個面書帳戶打咗柴,一次過無咗五千幾個Friend,搞到佢嫩人家謝晒皮,頭髮蓬鬆、目光呆滯、皮膚暗啞、食慾不振、爆晒暗瘡……好嘞,佢依家正式用新帳戶「邱福龍」示人,為證明真身,仲畫咗張異形畀大家醒醒神,唔好認錯,大家快啲Add番佢喇,完。

Read more ›
【有片】異形現身 《異形:聖約》中文預告公開
by / on 25/12/2016 at 2:04 pm

【有片】異形現身 《異形:聖約》中文預告公開

2012年《普羅米修斯》嘅續集,但就叫做《異形:聖約(Alien: Covenant)》,因為上集尾異形已經誕生啦。繼續係由異形初代導演Ridley Scott執導,2017年5月上映。

Read more ›
有片:獵殺!勁似異形Bobbit Worm!瞬間分屍!
by / on 02/11/2016 at 9:45 am

有片:獵殺!勁似異形Bobbit Worm!瞬間分屍!

生物堂,今日同大家介紹嘅呢種海洋生物叫Bobbit Worm,好鬼死似邱福龍筆下嘅異形蟲,可以生長到成呎長,身體似蚯蚓滑潺潺一節節,顏色啡啡紅紅,最似異形係個口,有幾條攤開似海星狀嘅觸鬚,口腔有強而有力嘅牙齒。獵食絕招係藏尾露頭,身體藏喺泥沙裡面吖,淨係露出一開一合嘅大口,靜待魚仔經過,睇準時機就颼一聲狂噬,就片中看見,幾近百發百中。可憐獵物一旦俾Bobbit Worm咬實,實死無生,因為會俾佢迅速扯入泥沙裡面,慢慢分屍。咁恐怖,如果有人唔小心俾呢條異形蟲噬一嘢,肯定爆缸收場。

Read more ›
人間有情!福龍作畫競投!價高者得捐予消防員家屬!
by / on 05/07/2016 at 9:30 am

人間有情!福龍作畫競投!價高者得捐予消防員家屬!

迷你倉大火令兩位消防員殉職,作為香港一份子嘅你同我一定好心痛,悼念過後,我哋好應該做番啲實際嘢支持消防員家屬,即係捐錢。人間有情,有讀者Jack Lee Kok Heng君非常善心,請求邱福龍作異形畫一張作競投,福龍亦二話不說揮筆支持。唔加鹽加醋,完整引Jack Lee Kok Heng君面書留言如下──「仁翁善長,直接入款予消防員家屬戶口,再憑入數紙旺角信和中心702室港漫收藏家取漫畫原稿,價高者得。」底價一萬,如果環境許可的話,捐錢喇。真心Mode,如此好人好事,我好感動。

Read more ›