Post Tagged with: "畫集"

許景琛畫集《Cyber Q》 獨一無二畫板手繪版$1000
by / on 13/08/2019 at 8:15 pm

許景琛畫集《Cyber Q》 獨一無二畫板手繪版$1000

許景琛將推出第五本畫集《Cyber Q》,詳細資料如下──全書100頁,Size為19cm x 27.5cm,主題係「機械載體」,普通版售$138。另有畫板手繪版,售$1000,包24cm x 27cm畫板同鐳射幻彩大貼紙各一,畫板可自選一個漫畫人物,許景琛會幫你畫埋機體,機體造型由許景琛決定,咁斷估都可以畀吓意見嘅,Fans請多多支持呀喂。

Read more ›

許景琛Q版畫集 不日推出
by / on 08/08/2019 at 9:30 am

許景琛Q版畫集 不日推出

久違了的許景琛,喺面書話將會推出第二本Q版畫集《Cyber Q》,主題係「機械載體」,同時登咗一幅圖畀大家止止咳。佢手Q版畫有幾勁,我諗唔使多介紹,拭目以待。

Read more ›
海報輯錄成畫集 牛佬《百戰話當年》開訂$380
by / on 25/02/2019 at 7:58 pm

海報輯錄成畫集 牛佬《百戰話當年》開訂$380

身邊豬朋:「將每期海報輯錄成畫集,慳水慳力啲喎。」身邊狗友:「咁慳水慳力唔代質素差啫,牛佬係好嘢嘅。」無錯,呢鋪我都撐牛佬,好嘢輯錄成書,合理吖喂。之所以呢本《古惑仔》畫集《百戰話當年》,我係會捧場嘅。每本$380,無話貴唔貴,只有值唔值,仲要隨書附送《江湖巨人陳浩南》24×18吋巨型海報,有埋Bonus喇。我覺得值,係略嫌個封面簡單咗啲,唔夠搶眼啫。

Read more ›
塵阿力《Gorgeous美人展》 買畫集+Postcard送出力啤
by / on 04/01/2019 at 9:00 am

塵阿力《Gorgeous美人展》 買畫集+Postcard送出力啤

塵阿力有份參加《Gorgeous美人展》,除咗作畫參展,佢仲聯乘麥子手工啤酒推出出力啤。出力啤屬雨林咖啡黑啤,買佢本畫集《The Perk》同Postcard即送一支,講到明限量,送完就無。另,想唔想睇塵阿力作畫實錄?入嚟有片睇。

Read more ›
張君豪畫集《香港景搜》 10月推出
by / on 10/09/2018 at 10:15 pm

張君豪畫集《香港景搜》 10月推出

Good,「螢點制作」搞作不斷,繼Tee之後,張君豪會喺10月推出畫集《香港景搜》,由Derek Woo負責美術設計,暫時未見內頁,只有封面止住癮。我追開君豪兄面書,但見佢久不久就會掟啲靚景畫上網,公諸同好,水準確實係高。呢本畫集,值得捧場。我呢,就貪心啲,佢面書啲畫作多數係黑白,如果畫集有彩色稿就更加好咯。

Read more ›
【畫集】南非畫家「近視人眼中嘅世界」 超寫實好想戴眼鏡
by / on 25/08/2018 at 3:12 pm

【畫集】南非畫家「近視人眼中嘅世界」 超寫實好想戴眼鏡

無近視嘅人係唔明白睇嘢唔清楚嘅苦況,不過南非畫家Philip Barlow嘅作品打破常規,佢將近視者睇嘢矇查查嘅情景真實咁反映出嚟,睇到人好想戴返副眼鏡,特別係喺沙灘嗰幾張。入嚟有多啲佢嘅作品回帶。

Read more ›

崔成安《俠義龍情》畫集開訂 每本$250
by / on 20/03/2018 at 8:31 pm

崔成安《俠義龍情》畫集開訂 每本$250

合理吖,開得畫展又豈會無畫集?崔成安同畫展名《俠義龍情》畫集依家正式開訂。黃興豬報料,畫集會分「武俠世界」同「李小龍」兩部份,即係亦古亦今兩種風格,全書接近100頁,售$250,仲話係「崔成安老師目前最滿意的畫作」喎。家陣「123漫畫精品專門店」有得落訂,4月1日愚人節出書,唔知係咪限量,有買趁手穩陣。

Read more ›
門小雷《#Me》展覽 搶畫集+襟章+Tote Bag
by / on 19/03/2018 at 9:05 pm

門小雷《#Me》展覽 搶畫集+襟章+Tote Bag

門小雷新畫冊《#Me》搞新書發佈會兼展覽,屆時仲會有其他產品發售,Fans又要荷包乾硬化嘞。詳細價錢如下──《#Me》$220、《#Me》襟章$80、《#Me》襟章限量套裝連手寫編號$240,最多人搶應該係Tote Bag,超限量得20個,每個$280。

Read more ›
《存在的瞬間》畫展開幕 廖光祖出月曆+塵阿力出畫集
by / on 07/10/2017 at 8:00 am

《存在的瞬間》畫展開幕 廖光祖出月曆+塵阿力出畫集

今日就係廖光祖聯乘塵阿力嘅《存在的瞬間》畫展開幕日,下晝兩點鐘就有靚畫睇喇,我必定捧場,唔知大家抽唔抽到時間出席?報埋料,屆時兩人將會駐場同大家影相打招呼外,廖光祖仲會推出2018年曆,12頁厚12張畫;而塵阿力亦會推出首本個人畫集《The Perk》同一套四款Postcard,合眼緣嘅,多多課金支持喇。

Read more ›
米奇畫集《奇想》曝光 12月20日見街
by / on 08/12/2016 at 10:45 pm

米奇畫集《奇想》曝光 12月20日見街

「Conjure」解「唸咒召喚」、「魔術」,「Mickey’s Conjure」者,米奇畫集《奇想》也。米奇喺面書留言曰:「睇完打稿,一切進度理想如印刷方面順利《奇想》應該可在本月20號出世。」12月20日係兩個禮拜後嘅事,不過依家都可以輕輕地先睹為快,睇完啲咁高質嘅畫稿,有無衝動捧場?

Read more ›
完全喪失創作能力?梁瑋豪出畫集!
by / on 05/10/2016 at 11:00 pm

完全喪失創作能力?梁瑋豪出畫集!

無梁瑋豪消息久矣,之前佢講笑話過得閒會落田種大米、彈木結他唱民歌、歸隱田園不問世事,唔通講真?No,最新消息,佢打算出畫集,佢喺面書留言曰:「一個擱置了幾年的計劃,或者在我現在這個完全喪失了創作能力的時期最適合去處理……」語調好Sad咁,雖然唔知佢為乜「完全喪失了創作能力」,唔知佢為乜咁頹到一個點,但出得畫集就一定係好事,畫集詳細資料唔知,暫時只知會以A4 size出版,大家拭目以待啦。

Read more ›

有片:李健良《古生命II》 侏羅紀恐龍當道
by / on 21/04/2016 at 10:30 pm

有片:李健良《古生命II》 侏羅紀恐龍當道

李健良都算港漫界異類,鍾意畫古早恐龍,仲要唔係Q版嗰隻,有晒資料搜集,其著作《古生命I》同《古生命II》唔單只可以當畫集咁欣賞,直頭可以當教科書咁睇。如果大家未買《古生命II》的話,不妨睇睇呢條短片,輯錄咗部份畫作,甚麼雙冠龍、迷惑龍、喙嘴翼龍、肯龍、梁龍、蛇頸龍等等侏羅紀巨獸統統有齊,加埋配樂都睇得幾過癮。睇完,分分鐘會撩起你鋪買書癮,而《古生命III》,將會喺嚟緊2016書展推出。

Read more ›
高水準玩具攝影  深入戰場影玩具
by / on 29/12/2013 at 3:18 pm

高水準玩具攝影 深入戰場影玩具

玩具攝影我好鐘意睇,今次想介紹吓呢位美國玩具攝影師Brian McCarty,佢嘅收藏品好另類,亦好鐘意將玩具同現實生活嘅人物同埋場景互動,色彩鮮豔水準極高。我最欣賞係佢有個叫「War-Toys」嘅企劃,深入戰地影戰場上嘅玩具,目的係叫人關注戰爭下嘅兒童,想支持佢可以入嚟買佢本War Toys畫集,學影玩具之餘做吓善事。

Read more ›