Post Tagged with: "畫畫"

【有片】超厲害柴犬識畫畫      作品網上商店有得買 
by / on 31/12/2018 at 7:17 am

【有片】超厲害柴犬識畫畫      作品網上商店有得買 

好厲害!呢隻5歲嘅柴仔仲係一名藝術家,個名好有型,叫Hunter。住喺加拿大嘅佢,俾主人訓練到識畫畫,而家有自己嘅IG,仲有間網上畫店喺Etsy,每張畫大概賣港幣300左右,都唔平架。睇片見到呢隻「藝術柴」每畫一筆,主人都會獎佢食一嚿零食,難怪佢咁勤力不停畫,不過主人就話唔會強迫佢,而且限定每日只會畫一陣,當Hunter唔想畫就會由佢放棄,入嚟有片可以睇吓Hunter嘅畫功,好叻仔!

Read more ›

【新片速報】日本超強畫鬢辮示範 3種款式男女適用
by / on 14/03/2018 at 7:05 am

【新片速報】日本超強畫鬢辮示範 3種款式男女適用

好鍾意睇人畫畫,今次日本呢位網民就示範畫鬢辮,有唔同款式,男女都得,連衫上面都用得,好實用喎!段片喺Twitter已經過咗1百萬瀏覽次數,入嚟有得睇。

Read more ›
日本貓奴畫兩筆 超強畫功靚到似幅相
by / on 04/03/2018 at 12:51 pm

日本貓奴畫兩筆 超強畫功靚到似幅相

喵星人動作好敏捷,影相都難更可況係畫畫?可能要加多少少想像力。日本呢位網民幫屋企隻貓畫咗幅肖像畫,用嘅係亞克力水粉同彩色鉛筆,出嚟嘅效果超靚,靚到唔少網民話好似一幅相咁真實。

Read more ›
【有片】日本網民互動畫水滴  10次「轉發」畫一粒反應超踴躍
by / on 04/09/2017 at 7:17 am

【有片】日本網民互動畫水滴 10次「轉發」畫一粒反應超踴躍

呢位日本網民喺Twitter出咗張相,有一粒水滴、一支鉛芯筆同一嚿擦字膠,佢話只要RT夠10次佢就會畫多一粒水滴,網民反應好踴躍啦,好快已經到50個RT,佢即時放咗張有5粒水滴嘅相出嚟,之後有100個RT,即係10粒水滴,再之後係1000個RT,畫足100粒,手都跛啦。不過幾個鐘後去到8000個RT時,佢放咗張圖出嚟,仲放埋段片‥‥‥睇完大家都唔知講咩好,唯有出圖回應。

Read more ›
【畫靚聲甜】日本女聲優畫畫超靚 網民討論區分享作品
by / on 19/09/2016 at 7:13 am

【畫靚聲甜】日本女聲優畫畫超靚 網民討論區分享作品

成為出色嘅聲優本身已經好厲害,如果可以畫得一手好畫就更加勁嘞。最近日本網民喺2ch分享咗幾個女聲優嘅畫作,全部都好高質,當中包括高森奈津美、佐倉綾音、井上麻里奈、喜多村英梨、悠木碧、種田梨沙、上田麗奈嘅作品。有網民提議佢哋去漫畫社投稿,然後將來為自己嘅作品配音,好熱血,令人諗起《爆漫》!

Read more ›
古怪方法紀念阿爺 逐件工具畫出 預計用4年時間
by / on 28/07/2015 at 7:16 am

古怪方法紀念阿爺 逐件工具畫出 預計用4年時間

懷念一個人有好多種方法,外國呢位畫功唔錯嘅Lee John Phillips,就決定將離開咗20年嘅爺爺工作室入面嘅工具逐一畫落嚟留念。最恐佈係佢將每一件物品,細至每一口釘、每一個燈掣,都逐一畫低,而家已經畫咗接近4千件物品,但係工作室有超過10萬件物品,估計要用4-5年時間先可以逐一畫晒。有網民就話咁畫法人都癲,建議佢唔駛每一口釘都畫,可以改為每個種類畫一次,不過睇落佢應該好享受畫畫嘅過程,一粒都不能少。

Read more ›

神級釘書機畫     星戰迷釘出黑武士/C-3PO
by / on 03/06/2015 at 7:17 am

神級釘書機畫 星戰迷釘出黑武士/C-3PO

Star Wars年尾先上,呢半年都係翻睇吓舊作,或者睇吓佢嘅相關新聞止吓癮。最近睇到呢個星戰狂迷James Haggerty嘅作品,唔係最新,不過好勁好想介紹吓。人哋畫畫用紙筆,佢就用辦公室一人一個嘅釘書機製作,釘咗3幅畫出嚟,包括黑武士、C-3PO同Greedo,總共用咗超過6萬口釘製作,每口釘都係佢一手一腳釘上去,效果勁靚,佢話有顏色嘅釘係佢另外訂,並唔係自己塗色上去,每幅大約40×32″,睇吓算喇,普通人應該學唔嚟。

Read more ›
新片速報   神級iPad畫  摩根費曼真嘅一樣
by / on 04/12/2013 at 7:21 am

新片速報 神級iPad畫 摩根費曼真嘅一樣

好勁!睇到我目瞪口呆,呢個神級畫家,用部iPad畫黑人影星摩根費曼,像真程度同一幅相無分別,相信本尊睇倒都會嚇一跳,難怪放上YouTube一日已經過百萬views。出自英國設計師Kyle Lambert手筆,除咗iPad,佢仲用咗Procreate呢個畫畫apps,不過知嚟都無用,尋常人根本無可能畫出呢幅神作,係我人生入面見過最勁嘅iPad畫,三分鐘可以睇晒成條片,不過信我,你會忍唔住翻睇。

Read more ›
慈父填色氹仔女    網友激讚
by / on 30/11/2013 at 7:18 am

慈父填色氹仔女 網友激讚

父愛真係偉大,尤其是阿爸係畫畫高手。話說網友Tatsputin每個月都要出差10日,為咗同仔女多啲交流,佢就嗌小朋友每次畫一幅畫比佢,之後佢就會喺3個鐘機程上將幅畫填色,返屋企時再送返比對仔女。睇相見倒佢嘅上色技巧好高超,難怪仔女鐘意不特止,老婆仲鼓勵佢放上網公諸同好,網友睇完都紛紛大讚。梗係啦,又叻又錫仔女,好男人呀。雖然佢無講對仔女究竟幾多歲,不過睇落佢哋都遺傳咗爸爸嘅藝術天份,啲圖好有創意‥‥‥

Read more ›
日常小品得意改造     Oreo餅乾變地球儀
by / on 11/11/2013 at 7:26 am

日常小品得意改造 Oreo餅乾變地球儀

乜嘢為之創意?呢位外國設計師Javier Pérez嘅作品絕對當之無愧。佢擅長將日常生活中唔起眼嘅物品,加幾筆變成另一樣嘢,例如一堆螺絲加幾筆變箭豬、Oreo餅乾就變地球儀、木夾變蟹拑,簡簡單單都可以好得體,睇完個人開心晒,推介。

Read more ›
牛眼淚噴射作畫     獵奇藝術家以眼代筆
by / on 06/10/2013 at 7:53 am

牛眼淚噴射作畫 獵奇藝術家以眼代筆

好驚嚇!外國「藝術家」Leandro Granato好出位,唔似一般人用畫筆畫畫,佢嘅畫筆就係自己一對眼!自從發現自己眼鼻相通(有人唔係咩?),佢就用兩年時間鑽研不傷眼嘅顏料,然後開始用雙眼噴顏料出嚟作畫,睇住佢對眼噴出嚟嘅藍眼淚,我以為自己睇緊《回魂夜》。佢仲好自豪自己發明咗呢種全新嘅畫畫技術,而呢啲畫仲有得賣,每幅盛惠1500英磅起,每幅要用10分鐘至1個月製作,視乎複雜程度,講真,我唔敢買返屋企,送比我都唔要。

Read more ›

有片  日本神人iPad Mini手指頭畫人像
by / on 28/05/2013 at 8:51 am

有片 日本神人iPad Mini手指頭畫人像

一隻手指,一部iPad Mini,可以畫出超細緻嘅人像畫。呢個日本神人セイコウ 山岡仲拍埋片將畫畫過程放上網公諸同好,睇完真係驚嘆神乎其技,尤其當你睇倒用一隻手指可以做倒光暗對比分明嘅嘴唇同埋眼珠,心機、天份缺一不可。 呢位神人之前仲用過iPod Touch、iPhone畫畫,芒細細都難佢唔倒,連Steve Jobs都畫過,像真程度拍得住相片,佩服。

Read more ›