Post Tagged with: "畫板"

《五兄弟》閃彩鐳射畫板第二彈開訂
by / on 08/04/2020 at 9:00 am

《五兄弟》閃彩鐳射畫板第二彈開訂

第一彈賣得好,上官小威繼續添食,馬榮成《五兄弟》閃彩鐳射畫板第二彈開訂,$180包鐳射畫板一塊、《武舘》迷你專刊一本、《武館》A2海報一張同A4卡4張。限量128塊,要搶。

Read more ›

很想要吧?亞傑多15幅畫板公開競投!
by / on 04/09/2019 at 6:53 pm

很想要吧?亞傑多15幅畫板公開競投!

亞傑多手畫有幾勁,唔使多介紹,話說佢開咗個「畫板魂」專頁,畀讀者公開競投佢15幅親筆畫板,幅幅都獨一無二,珍貴得很。我呢,就最鍾意蚩尤嗰幅,隱隱然好似出緊一招「雷霆擊鼓」咁,好有霸氣,。大家有興趣的話,競投啦,截止日期9月8日。

Read more ›
有片:許景琛畫《CyberQ》畫板 機械載體出場
by / on 27/08/2019 at 9:45 pm

有片:許景琛畫《CyberQ》畫板 機械載體出場

收主筆親筆畫固然開心,觀主筆畫親筆畫亦係一種享受,許景琛為應付畫板手繪版畫集《CyberQ》,呢期密密手畫畫板,由起稿、勾線到著色,拍晒片畀你睇,真係好正。除咗喺面書分享殺意龍x機械載體、老宗祖x機械載體兩幅畫板嘅創作過程,佢仲開咗個新YouTube頻道「Sir許景」分享短片,大家記得Subscribe。

Read more ›
Post《三國誌異》第四期相上網 送文嘉宏x阿傑多畫板
by / on 24/01/2019 at 8:30 am

Post《三國誌異》第四期相上網 送文嘉宏x阿傑多畫板

剛剛睇咗《三國誌異》第四期,劇情緊湊,嗰隻甚麼闇靈一啖吞咗曹府家丁個頭,帶出劉宏指環嘅鎮邪之力……都係唔好劇透。入番正題,《三國誌異》繼續送畫板遊戲,今次輪到文嘉宏聯乘阿傑多出手,想要?老例,都係Post相寫兩句讀後感,再讚好面書專頁「Bookone壹本創作」,截址日期1月29日23:59分,名額一位,要抽獎架,希望幸運兒係你喇。

Read more ›
係時候打卡 摩天輪下的港漫角色畫板
by / on 23/01/2019 at 8:26 pm

係時候打卡 摩天輪下的港漫角色畫板

本周六,有壇政府帶頭搞嘅「我承諾行動 玩轉摩天輪同樂日」,有時間嘅唔該去香港摩天輪走一轉。屆時場地會戙起一塊畫板,唔知有幾大,構圖以香港維多利亞港附近地標為背景,上有問天、步驚雲、海虎、王小虎、郭靖等港漫角色身影,兼有N咁多個「我承諾」行動標誌。有嘢玩架,數吓Total有幾個標誌,答中就有禮物咁囉。於我呢,有無禮物好其次,朝聖打卡先係王道。

Read more ›
Post《三國誌異》第三期相上網 送鄭健和x阿傑多畫板
by / on 16/01/2019 at 6:46 pm

Post《三國誌異》第三期相上網 送鄭健和x阿傑多畫板

好事成雙!唔好畀佢停!繼第二期後,《三國誌異》第三期繼續有獎抽。老例,買完書影張封面相掟上網幫手宣傳,加兩句讀後感,再讚好面書專頁「Bookone壹本創作」,就有機會得到由和仔大人同阿傑多聯手砲製嘅簽名畫板一大張。截址日期1月22日23:59pm,名額依舊得一位,唔知我會唔會係幸運兒呢?

Read more ›

Post《三國誌異》第二期相上網 送鄭健和x阿傑多畫板
by / on 10/01/2019 at 3:52 pm

Post《三國誌異》第二期相上網 送鄭健和x阿傑多畫板

正呀喂!有獎抽呀喂!家陣買《三國誌異》第二期,影張相掟上網幫手宣傳,之後寫兩句讀後感,再讚好面書專頁「Bookone壹本創作」,即有機會得到由和仔大人同阿傑多聯手砲製嘅簽名畫板一大張。截址日期1月15日23:59pm,名額一位,大家識做啦。

Read more ›
Tubbyfellow 2019月曆 買兩個送畫板
by / on 13/12/2018 at 9:15 pm

Tubbyfellow 2019月曆 買兩個送畫板

年年都有,無理由今年無嘅,Tubbyfellow個2019年月曆有個好霸氣嘅名,叫「霸皇美姬曆」,想知點霸皇法又點美姬法,買番兩個就一清二楚。點解買一孖?因為買兩個有親筆畫板送囉。

Read more ›
1油畫+2畫板+1聖誕卡 李健良2017聖誕禮品套裝$350超抵
by / on 28/11/2017 at 10:00 pm

1油畫+2畫板+1聖誕卡 李健良2017聖誕禮品套裝$350超抵

嘩!除咗O嘴,我真係唔知可以講乜嘢,$350,可以買到李健良製作嘅A3油畫《激戰》、水晶畫板《兇獸》、A5珍藏畫板《海霸》同聖誕卡一張,會唔會過份抵?尤其張《激戰》,無睇錯應該係King Kong惡戰三條暴龍,好有氣勢,好難唔心心眼。呢個2017聖誕禮品套裝,我應該忍唔到手,咁當然喇,如果有人送畀我更好喇。

Read more ›
余兒《今晚打喪屍》作品展 推出畫板每張$1200
by / on 16/10/2017 at 9:15 pm

余兒《今晚打喪屍》作品展 推出畫板每張$1200

因上周八號風球關係,《今晚打喪屍》作品展雖然如期今日開始,但個Opening就好搞笑地要延至本周六嘞,唔緊要嘞,要捧場嘅一定捧場,遲啲就遲啲喇。另外,咗大一大張Poster外,展覽仲有其他精品出,就係燈燈凳凳……最多漫畫迷鍾意收藏嘅畫板嘞,余兒喺面書登咗幅相Show過吓啲畫板,齋睇相已幾可肯定批畫板極高質,每張盛惠$1200。我…….好想要。

Read more ›
黃國興報料 「龍的傳奇‧崔成安插畫武俠系列作品展」出畫板
by / on 23/03/2017 at 2:47 pm

黃國興報料 「龍的傳奇‧崔成安插畫武俠系列作品展」出畫板

「龍的傳奇‧崔成安插畫武俠系列作品展」喺加拿大舉行,港漫迷無緣欣賞,實在可惜。好彩,得黃國興報料,崔成安會將部份最新畫作製成水晶畫板,作限量發售。睇唔到真跡,買幅畫板止止癮總好過無。售價?幾時開始預訂?Size?暫時未有進一步資料,請留意本網站跟進。

Read more ›

好葡萄!港漫人賀會長生日贈畫!張萬有送老祖宗親筆畫!
by / on 01/12/2016 at 9:45 pm

好葡萄!港漫人賀會長生日贈畫!張萬有送老祖宗親筆畫!

又係無聊瀏覽面書,方知Dark Club會長Kent Chu早幾日牛一,戥完佢開心,即時好葡萄!事關佢得到好多港漫人眷顧,收親筆畫收到手軟,佢仲特登咗一幅同張萬有嘅合照出嚟添。但見張萬有唔係求其撩兩筆交行貨,筆觸構圖完全表達到天下無敵老祖宗嗰種殺性回歸嘅猖狂霸氣,如果我都有一幅就好咯。Anyway,本網站謹祝Kent Chu生日快樂,身體健康,日日有畫板收,恭喜恭喜。

Read more ›
【設計師要買】日本傾斜型手寫畫板Twitter熱傳 舒服之餘改善坐姿
by / on 15/09/2016 at 7:15 am

【設計師要買】日本傾斜型手寫畫板Twitter熱傳 舒服之餘改善坐姿

對於用電腦做設計,經常要用手寫畫板嘅設計師嚟講,呢個可以傾斜嘅畫板的確好吸引。可能其他國家都出過,但日本出品又有信心多啲,難怪一放上Twitter就被瘋狂RT。用咗佢,以後望住個芒都可以挺直條腰做人,對改善不良坐姿都有幫助,有無人想買?

Read more ›
甘小文《大神們的武林》超筍 加$10送一幅親筆畫板
by / on 21/01/2016 at 9:45 pm

甘小文《大神們的武林》超筍 加$10送一幅親筆畫板

久違了的甘小文!令人多麼掛念的甘員外!終於有新書出喇,新作叫《大神們的正林》,以惡搞始祖嘅功力,新作好笑就一定架嘞,加陣要你笑住畀多$10。唔多,十蚊啫,打個電話畀「至GoalClub」訂書,新書到手後去舖頭釘個印仔,之後就可以超超超超超筍價十蚊訂購甘小文親筆畫板一大張,仲可以指定畫邊個漫畫角色添噃,如此好消息,係咪笑得落先?

Read more ›
創造館 x T-Dult 《今晚打喪屍》Tee
by / on 21/07/2015 at 10:00 am

創造館 x T-Dult 《今晚打喪屍》Tee

怕逼人,好多人都會留番今日書展最後一日先撐場,如無意外我都係。如果你有留意開余兒面書,都應該知道佢本小說《今晚打喪屍》已經全部售罄,至於由創造館聯乘T-Dult嘅《今晚打喪屍》短袖Tee,就斷估仲有貨賣,黑色底,粉紅色Z字框裡面喪屍女,望落都幾型仔架,入場買Tee(攤位1A-B08),即送faminik畫板一張,每件$280唔貴,值得入手。

Read more ›