fbpx

Tag: 男士

變態紳士專用 日本男士Bra眼罩勇氣考驗

變態紳士專用 日本男士Bra眼罩勇氣考驗

搭長途機又想瞓覺好嘅,一個眼罩真係唔少得,如果戴呢個相信更加無人敢叫醒你。由日本公司研發,講明係「紳士用」(男士專用),戴住佢唔知會唔會好瞓啲?每個賣1944円,11月3日起發售,有白色、粉紅色同藍色。

Read more ›

【多圖】日本男士之欲望 中國少女Misa煎餃Twitter熱傳

【多圖】日本男士之欲望 中國少女Misa煎餃Twitter熱傳

呢幾張相呢兩日喺日本Twitter好多人討論,樓主好有心,喺Twitter分享咗呢個女仔嘅相,仲話係男士嘅欲望。之後好快有人肉起底,原來呢個咁可愛嘅女仔來自中國,微博網名叫「一万只煎饺OvQ」,佢今年仲開埋Twitter帳戶,網名叫「Misa_煎餃」,簡介入面形容自己係中國嘅cosplayer,兩隻虎牙幾可愛,入嚟有多啲佢嘅相。

Read more ›
【白恤衫坦蕩蕩】日本男士「防飛釘」內衣       面對囡囡無顧忌

【白恤衫坦蕩蕩】日本男士「防飛釘」內衣 面對囡囡無顧忌

日本男士唔單止注重自己嘅儀容,近年仲好注重「飛釘」問題。最近有公司集資推出呢件新研發嘅防飛釘內衣,內膽加咗層特製網紋,可以將重點隱藏,佢仲改咗個好別緻嘅品牌名叫「nopoints」。件內衣嘅設計好體貼,肉色唔怕透底;V領可以俾上班族解開頸頭鈕都唔會露底衫,腋下仲有吸汗布防止汗滲,勁貼心。而家集資每人8100円有一件,買多幾件有特價,暫時反應唔錯,籌到約50萬円,距離目標100萬円越嚟越近。預計7月開始製作,9月開始順序寄出,有無巴打想買返件?BTW,點解Before同After嗰兩位男model唔同樣嘅?公平咩?

Read more ›
【衝擊】日本近3成男士直認 有諗過過同動畫女角色生BB

【衝擊】日本近3成男士直認 有諗過過同動畫女角色生BB

日本果然行得好前,最近有個調查訪問咗300位男士,問佢哋「有無諗過想動畫女角色幫自己生bb?」,結果有29%答有諗過,71%無諗過。有2ch網民將結果放上網討論,有人大鬧變態,不過當有人問:「不如具體講吓你想邊個角色生BB」時,大家嘅反應就好熱烈嘞,名單包括有凉宫春日、園田海未、四宮ひまわり、暁美ほむら、中原岬、逸見エリカ、花小泉杏,有網民仲答:「應該唔止3成,我估接近7成」、「遲啲會唔會有同VR老婆生BB嘅遊戲呢?」睇嚟人類已經阻止唔到日本人嘅未來。

Read more ›
【有片】日本男士專用水手服 在家露出絕對領域

【有片】日本男士專用水手服 在家露出絕對領域

其實日本網民講得啱,水手本身係男人,咁男人著水手服,件事好合理吖。呢款男性專用嘅水手家居服,好明顯專比初入門嘅朋友試著,喺屋企試著,有晒自信心之後,下一步就係著住佢落便利店!唔駛講都估到係日本出品,有黑同白兩隻色,賣8856円一套,識揀嘅應該都會揀返最清純嘅白色。 仲有對長襪可以露出絕對領域,係有腳毛嘅絕對領域。宣傳照仲搵咗個有鬍鬚嘅男人著住佢喺屋企睇漫畫,好前衞。有網民就留言話:「原來係屋內著嘅,有無外出用架?」、「點解係鬍鬚男?」有人仲放返之前橋本環奈著住水手服打捧球輯相出嚟,好大對比‥‥‥

Read more ›
【姣男配粉紅】勇氣男著粉紅衫上2ch時尚版 網友:「佢有女朋友!」

【姣男配粉紅】勇氣男著粉紅衫上2ch時尚版 網友:「佢有女朋友!」

男人要配粉紅色都要好大勇氣,拎玫瑰金iPhone6s應該只係入門級,好似呢位登上日本2ch時尚版嘅男士,所需要嘅勇氣就係核爆級嘞。相中嘅佢每日一look,著上唔同嘅粉紅色外套,仲喺Hello Kitty海報前擺出好嬌俏嘅甫士,睇完拳頭有無硬晒?日本網友就留言話:「好可愛呀!」、「係咪天使?」,有網友仲搵倒佢同女朋友嘅合照,有留言仲突破盲腸:「佢都搵倒女朋友,但你哋呢班人居然無女友。」好殘酷!

Read more ›

同是天涯淪落人 女士shopping男士呆等心酸相集

同是天涯淪落人 女士shopping男士呆等心酸相集

好悲壯!成日喺網上都見倒呢啲烈士圖,每次睇完都覺得好心酸,無錯,就係男士呆等女士shopping時被偷拍嘅相。呢個叫miserable_men嘅Instagram戶口,之前我哋都介紹過,專門放啲男士等女士shopping時嘅可憐樣,至今居然已經吸引咗13萬個追隨者,最近12月購物月,又係男士死期,佢哋嘅Instagram都update得密咗好多,睇完係咪滿腔眼淚,好有共鳴?

Read more ›
第一個男性企劃     Hello Kitty MEN 睇見都驚

第一個男性企劃 Hello Kitty MEN 睇見都驚

Hello Kitty係貓定係人搞到滿城風雨,不過唔影響佢繼續搵銀,最新動作就係推出HELLO KITTY MEN(ハローキティメン)系列,男人係咪聽到都驚?如果你BB豬係KITTY粉絲,千祈唔好比佢知!今次為紀念貓哥40週年而設,同日本設計工作室nendo、設計師田部井美及石黑篤史(個名好特別)合作,第一個活動T恤展覽會喺噚日開始至9月16日,地點係東京阪急百貨男性館 HANKYU MEN’S TOKYO嘅 ,男士們,走呀!

Read more ›
Reebok超級英雄噴霧  Hulk/美國隊長做代言

Reebok超級英雄噴霧 Hulk/美國隊長做代言

夏天除咗帶嚟美腿,仲帶嚟汗水。運動品牌Reebok推出咗呢隻男士專用嘅身體噴霧,代言人唔係乜嘢靚仔或者運動員,而係男人最愛嘅Marvel英雄。有變形俠醫、Iron Man同埋美國隊長,佢哋平時運動量咁大,件盔甲咁焗都可以保持通疏,咪就係靠呢支噴霧囉,英雄都係男人,都會流汗。以上都係我估嘅潛台詞,有興趣體驗吓可以上網訂,一支$3美金左右。

Read more ›
新片速報   當阿媽透明   香體廣告3日過百萬點擊

新片速報 當阿媽透明 香體廣告3日過百萬點擊

男士們睇呢條片應該會特別感觸,呢條外國男士香體用品牌子Old Spice嘅宣傳片,短短3日已經過百萬點擊,講嘅係男主角自從有咗女朋友之後,就對阿媽視而不見,屋企、沙灘、公路,阿媽好似吊靴鬼,不過阿仔就時運高見佢唔倒,睇完心都嗡埋。其實呢個品牌喺網上宣傳方面一向高招,之前就試過搵咗個黑人男士,喺浴室前赤裸上身拍片回覆網友留言,3日內狂貼100條短片,仲攞埋宣傳獎項。話時話香港有無男士試用過Old Spices呢個牌子?有嘅話邊度有得買?

Read more ›
日本騎呢廁所墊     跪住屙無爭拗

日本騎呢廁所墊 跪住屙無爭拗

如果屋企男女同住,就會明白爭拗嘅根源往往來自廁所。點解你去廁所唔拎起塊廁所板?日本人真係細心嘅民族,呢個叫「天使のひざ枕」嘅發明,男士去小便時要跪喺個坐墊上,聲稱可以縮短小便嘅距離。佢仲有兩個不同設計任揀,可以有唔同擺位,開價4800円起,不過男兒膝下有黃金,日日咁跪法你制唔制?

Read more ›

有片  男士如廁有嘢玩    邊屙邊幫公仔減磅

有片 男士如廁有嘢玩 邊屙邊幫公仔減磅

男士如廁係咪真係悶得咁交關?所以經常有古靈精怪嘅廁所設計應運而生。今次呢個尿兜,表面有一粒粒金屬狀嘅探測器,每當有水流動感應到探測器時,上面顯示嘅公仔就會由肥變瘦逐漸減磅,好唔好玩見仁見智啦,不過可以肯定係嚟自印度嘅設計師Mani,應該對如廁呢項活動感覺到好沉悶,或者佢有一個成日唔願去廁所嘅囝囝。

Read more ›
洗手盆尿兜二合一    如廁後你會唔會洗手?

洗手盆尿兜二合一 如廁後你會唔會洗手?

老老實實,你有無試過去完廁所唔記得洗手(或者專登唔洗手)?Kaspars Jursons設計嘅呢個尿兜TANDEM,將洗手盆同埋尿兜二合為一,等你如廁時提醒你記得洗手,不過又洐生另一個問題嘞,就係個洗手盆會唔會沾滿尿漬?如果好似張相咁潔淨,大家當然願意喺度近近哋洗埋手,但係現實嘅廁所你唔係未見過‥‥‥

Read more ›
日本「涼風爽快皮鞋」   做個疏爽上班族

日本「涼風爽快皮鞋」 做個疏爽上班族

日本人真係好細心,知大家日日著住對返工鞋出晒汗好辛苦,特別出產呢對「涼風爽快皮鞋」比大家疏爽吓。仲搵嚟四萬笑容嘅日本上班族賣廣告,個笑容誠懇到呢。聲稱具透濕、防臭、抗菌等功能,款式方面,兩個字:老實。賣7245円,價錢都幾老實。不過你唔好預落雨天著,平時都要小心唔好踩水氹,同埋,唔好坐靚女同事隔籬,費事佢成日聞到陣陣酸臭味要求調位。

Read more ›