Post Tagged with: "產品"

IKEA搞facebook扮嘢比賽   扮傢俬贏禮券
by / on 05/09/2014 at 12:08 am

IKEA搞facebook扮嘢比賽 扮傢俬贏禮券

Cosplay動漫人物成日見,不過扮成一件傢俬/家品都係第一次見。最近馬來西亞IKEA搞咗個facebook活動,叫fans扮成IKEA產品再影張相放上網,有機會贏到IKEA購物禮券,最終有過百人參加,有人扮鬧鐘,有人扮吊燈,連盆栽都有人扮!剛剛公佈咗21位勝出者,大部份都係當堂嚇一跳‥‥‥極有東南亞風味。

Read more ›

《多啦A夢》百寶袋戲票套裝   電影周邊產品網上預訂
by / on 19/07/2014 at 2:33 pm

《多啦A夢》百寶袋戲票套裝 電影周邊產品網上預訂

多啦A夢套3DCG電影《STAND BY ME ドラえもん》8月8日就喺日本上映,老實呢套我非常期待!日本最近已經開始預售戲票,仲出埋多啦A夢四次元百寶袋或者風呂敷手巾仔戲票套裝比fans一齊預訂,百寶袋或者風呂敷入面可以裝埋張戲飛,成人賣2000円,小童1400円,帶埋去戲院相當有愛!同步仲出咗好多周邊產品,有T恤、領呔、手巾仔、杯等等,多啦A夢迷入嚟前小心睇實銀包。

Read more ›
25件創意產品設計   聖誕老人法包袋VS嘴嘴飲品
by / on 26/04/2014 at 12:37 pm

25件創意產品設計 聖誕老人法包袋VS嘴嘴飲品

一個好嘅產品設計,可以令本來無諗住買嘢嘅人都乖乖比錢。外國網Bored Panda搜羅咗25件創意產品設計,有啲之前我哋都介紹過,例如牛油刀,爆炸頭麵包、得意火柴盒等,不過仲有幾件令人會心微笑嘅設計,例如聖誕老人法包袋、狗仔美白零食、意粉鐵塔等等,全部都好正!入嚟慢慢研究。

Read more ›
蘋果被遺忘產品   摺機BabyMac你記得嗎?
by / on 10/02/2014 at 7:33 am

蘋果被遺忘產品 摺機BabyMac你記得嗎?

今時今日一提起蘋果呢個品牌,大家只會諗起iPhone、iPad或者MacBook,外國網站就搜刮咗大量大家已經遺忘嘅蘋果產品,包括1983年由Hartmut Esslinger設計可以對摺嘅手機、1985年嘅BabyMac,全部都可能老過我同你,身為蘋果死忠,點都要溫故知新,讀熟佢下次話自己係蘋果fans都可以嗌得大聲啲。

Read more ›
手機app追踪刷牙習慣    刷得牙多攞獎盃?
by / on 07/01/2014 at 7:09 am

手機app追踪刷牙習慣 刷得牙多攞獎盃?

CES科技展我最鐘意係睇啲小型科技產品,好似世界上第一支同手機連動嘅牙刷Kolibree,無聊得嚟又幾過癮。首先下載專用手機app,之後每次刷牙佢都會幫你記錄低嘅刷牙時間、長度以至位置,等你可以分析下自己嘅刷牙習慣從而改善吓,仲可以支援最多5個用家(不過部手機點樣一分為五?),最無聊係有得儲獎杯,係咪好耐玩,好想刷多啲牙先?今年第三季有得買。

Read more ›
死得轟烈  蘋果產品災難性毁滅
by / on 12/10/2013 at 7:46 am

死得轟烈 蘋果產品災難性毁滅

憎人富貴厭人窮,我諗蘋果積落好多仇口,經常比人放入攪拌機不特止,德國有位藝術家Michael Tompert甚至將佢哋煎皮拆骨,由於爛得幾有美感,所以呢堆產品全部成為高評價嘅藝術品。入面包括有iPhone、iMac、iPod同iPad,全部唔係比火燒就係比槍掃射,極盡殘暴,不過又真係幾靚。入嚟有得睇呢套死得好轟烈嘅i系產品,蘋果迷唔好入嚟喇,我驚你睇完個心拿住拿住。

Read more ›

日本美容新招    騎呢美容帶減笑紋
by / on 10/10/2013 at 7:03 am

日本美容新招 騎呢美容帶減笑紋

日本人貪靚之餘都好講創意,之前介紹過古怪雙眼皮托同埋增高鼻架,啱啱喺網站又有新發現,呢條美容帶聲稱可以減淡笑紋,戴住佢再跟指示做一堆擘大口再嘟嘴嘅指定動作,就可以減紋兼提昇面部輪廓。以美容器嚟講佢已經唔算樣衰,不過都強烈建議你匿埋喺房自己一個人時先好做,費事嚇親人,眾叛親離。美容帶盛惠港幣300左右,上網有得訂。

Read more ›
《半沢直樹》又嚟新產品    「十倍奉還」貼紙水杯開訂
by / on 14/09/2013 at 4:21 pm

《半沢直樹》又嚟新產品 「十倍奉還」貼紙水杯開訂

日劇《半沢直樹》喺日本真係勁hit,每個星期都有新產品公佈,「上司嘅失敗係下屬嘅責任,下屬嘅功勞係上司嘅功勞!」同埋「十倍奉還」令我哋呢啲打工仔睇到熱血沸騰!今次嘅新產品金屬貼紙同埋辦公室必備嘅水杯,都係用返上面嗰兩句經典對白,雖然出到有啲濫(因為係Bandai出品嘛),不過受壓啲打工字真係好需要發洩,而家有得訂,最快9月底有貨。

Read more ›
日本BEAMS設計師   Hello Kitty超級粉絲    結婚搵Daniel
by / on 24/08/2013 at 3:38 pm

日本BEAMS設計師 Hello Kitty超級粉絲 結婚搵Daniel

全球嘅Hello Kitty粉絲,我估計多過七仔,梗有一個喺左近。其中最出名嘅,唔少得呢位日牌BEAMS嘅設計師Romi Mizukami,佢鍾意Kitty嘅程度可以用瘋狂嚟形容,除咗將Kitty聯乘BEAMS推出服飾之外,日常服飾主要係佢最鐘意嘅經典Kitty打扮 ─ 紅白藍加少少黃,佢仲自製咗一塊Kitty cosplay鏡,每次照鏡時,Kitty頭就變成自己個樣!最誇張係佢話希望未來婚禮自己扮成Kitty,另一半就要cosplay成Hello Kitty嘅好朋友Daniel!噢,睇怕唔少男仔聽完都會腳震。

Read more ›
Hello Kitty再乘貞子 手機殼/吊飾必儲
by / on 10/08/2013 at 5:22 pm

Hello Kitty再乘貞子 手機殼/吊飾必儲

再嚟貞子,電影《貞子3D 2》日本8月30日先上畫,不過宣傳人員好勤力,繼推出手機app、手機遊戲、figure同埋飲品後,最新動作係再次同Hello Kitty聯乘,Hello Kitty照舊留長頭髮仲遮住塊面得返一隻眼,好得意!恐佈不足搞笑有餘,今次第二彈有齊手機吊飾、手機殼、鏡、毛巾等等產品,去開日本點都要買返少少做手信。

Read more ›
入廚科技豬   壓實煙肉唔怕捲
by / on 19/05/2013 at 2:51 pm

入廚科技豬 壓實煙肉唔怕捲

分享呢件廚房高科技產品純粹個人喜好,因為的確好細心,隻豬又幾生鬼。話說有試過入廚煎煙肉嘅,都試過好苦惱塊煙肉成日捲埋彈起,呢隻豬形嘅鐵壓就完全解決倒以上煩惱,煎時將隻豬壓實塊煙肉,仲唔怕佢再彈起,而且仲有好似街霸joystick嘅木製手把,等你按壓時唔怕熱親,真係居家入廚必備呀!

Read more ›

二次喪作 經典電影海報
by / on 02/01/2013 at 6:22 pm

二次喪作 經典電影海報

又係我,又係搵唔到遊戲新聞而去咗睇喪屍嘅我。呢咋海報真係有得賣,計落一百蚊張,《奪寶奇兵》、《星球大戰》、《魔戒》,《007》、《油脂》都有,全部主角變晒喪屍,最抵死係啲戲名,《Indiana Bones》!不過最令人震驚嘅係《吸血新世紀》、《E.T.》同《捉鬼敢死隊》,人哋本身都係僵屍同鬼同外星人喇,都要變喪屍?

Read more ›