Post Tagged with: "產品"

【撞樣】日本止鼻鼾產品撞樣 模特兒超似西川貴教
by / on 07/03/2019 at 7:14 am

【撞樣】日本止鼻鼾產品撞樣 模特兒超似西川貴教

最近呢件產品喺日本熱傳,咁佢本身都幾特別,可以減低鼻鼾人士嘅嘈音,因為控制到佢唔張開口瞓覺。不過今次熱傳嘅原因係因為盒上嘅模特兒超似歌手兼演員西川貴教。早兩日專頁「TM しゅぞガガガ@劇レコ待機」放上網後,啱啱本尊終於親自喺Twitter回應嘞,佢仲好認真咁影咗張真人版,夠膽講接近係一模一樣,西川本人仲留言問自己幾時拍過呢個廣告,超搞笑。

Read more ›

日本「猫の日」麥當勞/Suntory出貓產品?  Twitter大量賀圖回帶
by / on 22/02/2019 at 7:01 am

日本「猫の日」麥當勞/Suntory出貓產品? Twitter大量賀圖回帶

今日(2月22日)係日本嘅「猫の日」,日本Twitter有超多賀圖,唔少品牌例如麥當勞同Suntory都有出圖玩吓。老麥就扮推出喵星人玩具,又紙屋又魚桿,睇落超正好想佢真係量產!至於Suntory就索性將個樽蓋加對貓耳,睇完超想要!另外仲有貓版鬆弛熊同大量插圖,入嚟有得睇。

Read more ›
日本時裝網Zozotown聯乘Pokémon 懷舊8bit產品超正
by / on 29/11/2018 at 7:09 am

日本時裝網Zozotown聯乘Pokémon 懷舊8bit產品超正

有無人玩過第一代遊戲Pokémon Red and Blue?專賣時裝嘅日本網站Zozotown最近同Pokémon合作,雖然目的係慶祝新game推出,不過聯乘系列就用咗懷舊嘅8bit比卡超做主題,hoodie、T恤、帽,全部低調得嚟又表達到對Pokémon嘅愛。不過我最想買其實係特別版Nanoblock,合共3隻,堅正!留意返而家開始預訂,下年2月底到貨,不過唔接受海外訂購,想買就要搵日本朋友嘞。

Read more ›
日本浣腸產品超創意宣傳法 「大腸圍巾」限量30條
by / on 09/11/2018 at 7:46 am

日本浣腸產品超創意宣傳法 「大腸圍巾」限量30條

唔係因為呢條大腸圍巾,我都唔會留意到日本有呢樣產品推出。專用嚟浣腸,即係灌洗直腸嘅自用產品。咁要宣傳咁尷尬又認真嘅產品點算好?日本呢個品牌就諗到整條大腸圖案嘅圍巾做禮物,限量30條,仲搵咗時裝模特兒懶認真咁做示範,出嚟嘅效果好特別,仲引起好多人討論。其實呢個品牌嘅廣告一直好有創意,入嚟有回帶。或者想瞭解多啲呢件產品都可以入嚟睇,有link。

Read more ›
日本攝影師的堅持    巨型咕臣產品圖變肥佬
by / on 11/10/2018 at 7:40 am

日本攝影師的堅持 巨型咕臣產品圖變肥佬

攝影師都係藝術家,有自己嘅諗法都好合理吖。好似呢間位於神奈川嘅梳化製作,搵咗攝影師幫啲巨型咕臣影吓相,前題係「想睇電視、有生活感覺嘅」,之後就出咗呢幾張相出嚟嘞!估唔到咕臣變咗人咁嘅款,仲係有肚腩嘅肥佬,好有幽默感!而網民反應都好好,似乎成功宣傳到。BTW,佢哋仲有出麵包梳化、荷包蛋床舖,睇完有啲想買,入嚟有得睇。

Read more ›
【有片】密實袋Ziploc聯乘日牌Beams 超驚喜20號網上開賣
by / on 17/08/2018 at 7:17 am

【有片】密實袋Ziploc聯乘日牌Beams 超驚喜20號網上開賣

以聯乘產品嚟講,今次都算幾突破。專出密實袋嘅Ziploc最近同日本時裝品牌Beams合作,推出咗一系列透明產品,最驚喜係個透明背囊,示範影片仲裝咗全袋銀紙,睇見都想要!另外仲有腰包、帽、雨遮、圍裙等等嘅產品,全部都保留返Ziploc嘅透明設計再加密實封口,而家日本嘅Beams已經有得買,網店就8月20日開賣,想買嘅記住留意返嘞。

Read more ›

日本超奇妙產品 手機專用剪鼻毛機
by / on 21/01/2018 at 1:12 pm

日本超奇妙產品 手機專用剪鼻毛機

日本公司Thanko專出奇怪產品,之前有腋下吹風機、手掌托頭機等等,最新有呢款便攜式剪鼻毛機。配埋手機可以即插即用,唔駛用電,賣1480円,啱晒突然間喺公眾場合發現自己有鼻毛露出,又想即刻清埋嘅男士。佢仲有個黑色嘅刷仔俾人掃乾淨,又可以揀iPhone或者Android頭,好細心。不過呢個裝置咁大嚿,點解唔帶把較剪仔取代呢?入嚟有其他奇妙產品回帶。

Read more ›
日本McCafe焦糖爆谷系列    3款產品超邪惡
by / on 27/12/2017 at 7:37 am

日本McCafe焦糖爆谷系列 3款產品超邪惡

爆谷配雪糕之前試過,效果都幾好,但係爆谷配咖啡就未試過嘞。最近日本嘅McCafe又有新嘢,主打焦糖爆谷系列,3款新產品包括凍同熱嘅焦糖爆谷Latte,最搶眼係焦糖爆谷Frappe,脆脆waffle入面裝住啲焦糖爆谷,睇見都想試。1月5日推出,去開日本嘅爆谷fans可以去試吓。

Read more ›
日本TOP 3家用產品選舉 大量好物慢慢研究
by / on 14/10/2017 at 1:25 pm

日本TOP 3家用產品選舉 大量好物慢慢研究

日本嘅家品好多細心設計,有時行100円店都會搵到大量正嘢。日本方面仲有選舉,每年由Pacoma主辦嘅「家事楽グッズ大賞」會列舉最受歡迎嘅家用產品,其中幾年間最受歡迎嘅TOP 3就有自動吸水嘅珪藻土「地毯」、專門對付塞渠毛髮嘅工具同埋懶人曬衣裝備。入嚟仲有得睇埋2017年嘅全部得獎產品,其中細細支用嚟去衣物污糟嘅清潔劑,同埋對付廚房隙縫嘅清潔產品都好正,入嚟有得睇,或者tag你身邊成日做家務嘅朋友啦。

Read more ›
哥斯拉 X Sanrio出產品    賣萌扮Hello Kitty啜手指
by / on 02/09/2017 at 12:30 pm

哥斯拉 X Sanrio出產品 賣萌扮Hello Kitty啜手指

哥斯拉賣萌,其實真係唔係咁易接受到,但係日本人就唔同。為咗宣傳11月17日嘅哥斯拉動畫《GGODZILLA怪獸惑星》,佢哋宣佈同Sanrio合作,秋天將會喺網上商店「GODZILLA STORE」推出一系列包括T恤、手機殼等產品,暫時有得睇幾張圖,見到哥斯拉扮Hello Kitty啜手指、學Melody束蝴蝶結、戴布甸狗頂畫家帽,仲有永恒嘅Little TwinsStar,好有童真,一啲霸氣都無嘞。

Read more ›
【圖集】創意Barcode融入產品設計     鬚刨/意粉/魚骨有心思
by / on 31/08/2017 at 7:09 am

【圖集】創意Barcode融入產品設計 鬚刨/意粉/魚骨有心思

早幾日大家可能睇過呢個鬚刨barcode圖案,好有創意,其實外國以至日本好多產品上嘅barcode設計都好有心思,會同件產品有聯繫。一條條嘅barcode可以變做咩?意粉、雀籠、頭髮、以至太陽眼鏡都得,入嚟有得慢慢睇。

Read more ›

【迷戀屁屁】日本柴犬屁屁粘土產品 超可愛Twitter熱傳
by / on 24/05/2017 at 7:59 am

【迷戀屁屁】日本柴犬屁屁粘土產品 超可愛Twitter熱傳

日本人對於喵同狗嘅「屁屁」似乎特別有好感,最近呢張柴犬屁屁圖喺Twitter熱傳,初頭以為係麵包,其實係一件件粘土產品,一次過舖舖晒出嚟效果都幾震憾。呢間店專門製作動物麵包粘土飾物例如鎖匙扣、襟針等,全部都好可愛,睇完仲好想食,入嚟有得睇。

Read more ›
【多圖】《貓咪收集》又出產品 貓帽一戴霸氣盡失
by / on 19/10/2016 at 7:13 am

【多圖】《貓咪收集》又出產品 貓帽一戴霸氣盡失

手機遊戲《貓咪收集》(ねこあつめ)之前都出同Petio出過真嘅貓產品,又咖啡屋又鯉魚隧道,好豪華!最近佢哋推出第二彈,最搶眼係頂貓帽,三個款式,變身專用,戴起上嚟霸氣盡失。另外間三角型貓屋都好靚,不過講舒服都係另外嗰兩張貓床吸引啲。貓奴睇完應該好想帶晒佢哋返屋企!

Read more ›
【大量產品】Hello Kitty x 船梨精 瘋狂彈跳扮cute
by / on 10/06/2015 at 7:11 am

【大量產品】Hello Kitty x 船梨精 瘋狂彈跳扮cute

Hello Kitty同船梨精,兩個都係瘋狂出產品搵銀,但又好多人(包括我)爭住買嘅成功案例,最近佢哋決定合作食大茶飯,公開咗大量合作產品!睇見Hello Kitty瘋狂跳我唔驚呀,但係船梨精咬手指扮cute,仲紥條辮仔‥‥‥真係嚇一跳,但係又忍唔住笑。千祈要留意埋佢哋嘅搞笑動作,好細緻好正!今次合作好大規模架,有file、袋仔、tee、公仔、襪,諗得到嘅都幾乎會出,產品由7月開始逐步發售,等fans慢慢儲錢慢慢買。唉,我唔爭氣,又想駛錢嘞。

Read more ›
可愛豬仔相集     4磅跳升到500磅
by / on 23/12/2014 at 7:06 am

可愛豬仔相集 4磅跳升到500磅

做人真係好矛盾,我好鍾意食豚肉,但係又覺得豬仔都幾得意,尤其是有人養,又乾淨又可愛嘅豬仔。好似呢隻由加拿大夫婦收養嘅豬仔Esther,短短兩年間由4磅跳升到超過500磅嘅大肥豬,分明係太過好食好住!由於佢太可愛,仲令到佢哋兩夫婦決定戒肉變為素食者。佢哋亦好識做生意,網站入面有豬仔Esther嘅產品賣,例如2015年年曆、明信片、T恤等等,睇完我決定今日都係唔食豬肉住喇。

Read more ›