Tag: 生BB

【呀爸好攰】盡責貓爸陪實老婆生BB     一家六口攬住瞓

【呀爸好攰】盡責貓爸陪實老婆生BB 一家六口攬住瞓

睇電視都睇得多,媽媽生B,最希望梗係老公喺身邊支持佢。估唔到喺貓嘅世界都見到咁溫馨嘅場面!圖中啡色毛嗰隻係爸爸,三色貓係媽媽,呢位初為人父,住喺越南嘅貓爸爸知老婆生B全程好緊張,老婆生之前陪實佢,又幫佢舔毛,生完之後仲經常攬實老婆同四隻喵B一齊瞓,又細心又顧家,一家六口好融洽。不過點解睇相見呀爸好似攰過呀媽咁多嘅?

Read more ›

【衝擊】日本近3成男士直認 有諗過過同動畫女角色生BB

日本果然行得好前,最近有個調查訪問咗300位男士,問佢哋「有無諗過想動畫女角色幫自己生bb?」,結果有29%答有諗過,71%無諗過。有2ch網民將結果放上網討論,有人大鬧變態,不過當有人問:「不如具體講吓你想邊個角色生BB」時,大家嘅反應就好熱烈嘞,名單包括有凉宫春日、園田海未、四宮ひまわり、暁美ほむら、中原岬、逸見エリカ、花小泉杏,有網民仲答:「應該唔止3成,我估接近7成」、「遲啲會唔會有同VR老婆生BB嘅遊戲呢?」睇嚟人類已經阻止唔到日本人嘅未來。

Read more ›

新片速報 坐車生B片過百萬點擊 仲去唔去醫院好?

女人生BB係好神聖嘅事,而且好緊急,好似外國呢位媽媽Lesia Pettijohn準備去醫院嘅45分鐘車程途中,就忍唔住生咗個BB出嚟,只係用咗30秒左右,好彩母子平安,媽媽好淡定好勇敢。而爸爸就全程用GoPro紀錄呢件開心事,仲放埋上YouTube,唔夠2日已經超過140萬點擊,唔駛驚,條片無裸露只有少少血腥。最後佢哋成功生咗個10磅嘅BB,最搞笑係片尾阿爸好精明,問咗句:「咁我哋仲駛唔駛去醫院生同埋比錢?」梗係要啦,仲有好多善後工作架嘛。

Read more ›