抵讚!立花正仁翻生!牛佬呼籲讀者換「生離版」重修本!

有樣嘢真係要讚讚牛佬,《古惑仔》劇情既然講到立花正仁翻生,打算追殺雷霆,所以照理唔應該出現之前所謂嘅「生離」同「死別」版。為此,佢喺面書畫專頁呼籲讀者換書,留言曰:「呀!有單消息,要第一時間宣佈──之前牛佬講過:因為立花正仁『重生』,所以好耐以前推出嗰本『死別版』嘅重修本,即時作廢!換上嘅,係我哋重新輯錄嘅『生離版』!拿!如果以前買落嗰套『死別版』重修本嘅朋友,可以喺我哋辦公時間,致電畀朱先生(電話:21510433)免費換番一本『生離版』!OK?」據佢講重新輯錄嘅「生離版」成本高達一條紅衫魚,家陣肯免費交換,絕對係尊重讀者嘅表現,不得不畀十個讚佢。

Read more ›