Tag: 生日

內地生日男廣告牌惹爭議 網民熱論日本網報導

內地有錢人點過生日?呢個16歲男孩慶祝生日嘅廣告牌就夠晒另類,仲成為最近內地網上熱話,紅到日本網都報導!話說微博嘅福州生活資訊最近舖咗張街道相,相入面見到晋江嘅街道舖滿16歲男仔嘅個人廣告,上面寫住:「歡迎參加我的16歲生日Party!」網民議論紛紛,有人話佢屋企太招搖,有人懷疑係廣告。最後記者人肉大搜查,搵倒佢阿爸施生,佢直認廣告牌係佢哋為咗請親戚朋友一齊慶祝阿仔生日而設計嘅,而所有廣告牌都係屬於阿爺間公司,生日宴過咗就會轉返做平時嘅廣告。話時話,揀相時有無問過阿仔?呢張托腮相,分分鐘成為佢人生嘅黑歷史。 

Read more ›

《Game of Thrones》生日派對 1歲o靚妹好無奈

記得睇過一篇報導,話而家啲家長成日幫仔女搞極盡奢華嘅百日宴,純粹為滿足個人虛榮心。今次嘅情況無咁嚴重,不過一睇就知係父母自己開心多啲。主角係一歲生日嘅壽星女Emma,佢阿爸阿媽幫佢搞咗個Game of Thrones主題生日會,仲整咗張皇座比佢坐上去影相。睇相見倒Emma小妹妺唔多受落,仲有啲想喊咁嘅樣。鬼咩,Game of Thrones?我諗佢想要米奇老鼠多啲喎。BTW,旁邊嗰兩隻貓反而對張椅好有興趣,唔通平時睇得多上咗癮?

Read more ›
愛心Iron Man   生日睇《美國隊長2》慶祝

愛心Iron Man 生日睇《美國隊長2》慶祝

Robert Downey Jr.喺我心目中係永遠嘅Iron Man,雖然無份做《美國隊長2》,不過身為神盾局一員嘅佢都好撐呢套戲,日前49歲大壽,佢唔係同一班靚女上遊艇慶祝,而係同50位好鐘意超級英雄嘅小朋友一齊睇《美國隊長2》慶祝,佢仲將呢張相放上個人facebook,呢啲咪真英雄囉,好型呀!BTW,無咗佢做嘅Iron Man真係唔想睇,唯有like埋佢facebook繼續追踪佢。

Read more ›

Grumpy Cat兩歲生日 Instagrm舖相贏機票去紐約

香港有忌廉哥,外國就有呢隻今日兩歲生日,紅透半邊天嘅Grumpy Cat。你可能喺網上不同渠道見過佢個串樣,賣點係樣衰衰串串貢,尤其是個天生向下翹嘅嘴型,簡直無懈可擊。為咗同佢賀壽,寵物食品公司Friskies就同佢搞咗個活動,叫大家喺4月7日前喺Instagrm張貼自己隻貓貓嘅串樣然後加 #1MMGrumpyFrowns貼上網,贏咗可以得到機票飛去紐約參加Grumpy Cat喺4月29日搞嘅盛大生日派對。明星貓真係唔同啲。

Read more ›

遊戲過關圖賀B仔1歲生日 機迷爹哋乜機都打

呢個B好威水,生日唔係收一般生日咭,而係有打機圖話佢「LEVEL UP」過咗第一關!呢輯咁特別嘅生日賀咭,係由佢嘅機迷爹哋Ben Stirling製作,有齊Mario Kart、Mass Effect、LittleBig Planet、Portal、Skyrim等等,有理由相信佢爹哋極沉迷打機,因為以上遊戲囊括晒Xbox 360、Wii同埋PlayStation,唔知佢鐘意打機多啲定同個仔玩多啲呢?

Read more ›

獵奇產品 生日吹汽球爆糖碎

生日許願吹蠟燭,年年都係咁,係咪吹到有啲悶?呢個新產品就係一個個汽球插喺蛋糕上面,之後仲有火引俾你點,而且最勁係包埋工具俾你泵啲糖果碎入去個汽球度,一爆,啲糖碎散晒落個蛋糕度加料,就算一個人慶祝生日都可以好鬧,唔使上網乞句生日快樂,嘩真係好開心呀!

Read more ›

英雄人物的悲哀 之 蛋糕風雲

陰功,堂堂一個美國隊長,個頭成粒子彈咁,個身仲慘,得返條粗皮帶,咩霸氣都無晒。不過另一邊廂,Ironman都唔好得幾多,平面大面,個咀一線牽,仲變咗鬈毛。最好彩都係變形俠醫,得隻手,仲保留倒個靚樣。奇就奇在呢啲蛋糕唔係惡搞,而係外國蛋糕網Cake Central專為小朋友設計嘅生日蛋糕,噢賣葛,如果我係小朋友,見到可能會大喊。

Read more ›