Post Tagged with: "生日"

林盛斌生日賀圖似《Slam Dunk》封面 河田美紀男上身?
by / on 25/09/2019 at 4:35 pm

林盛斌生日賀圖似《Slam Dunk》封面 河田美紀男上身?

林盛斌,即係阿Bob,40歲大壽呀喂,咁關我乜事?係,真係唔關你事,不過有面書專頁「棋人香港」創意總監明哥者,幫佢畫咗幅極似《Slam Dunk》封面嘅生日賀圖,驟眼望真係Fake晒。話時話,畫中嘅Bob有幾分似山王工中嘅河田美紀男,唔知大家覺唔覺?

Read more ›

Dragon Quest今日33歲生日 製作人Twitter出圖賀一賀
by / on 27/05/2019 at 7:56 am

Dragon Quest今日33歲生日 製作人Twitter出圖賀一賀

唔經唔覺,原來勇者鬥惡龍Dragon Quest已經33歲嘞!今日(5月27日)係佢嘅誕生日,SQUARE ENIX遊戲製作人青海亮太喺佢嘅個人Twitter度出咗幾張相,有埋當年嘅紅白機,啲帶仲保存得勁靚,仲有好多史萊姆呀,有無勾起你嘅回憶?

Read more ›
【有片】碧咸超sweet生日 大仔突然出現好驚喜
by / on 05/05/2018 at 12:06 pm

【有片】碧咸超sweet生日 大仔突然出現好驚喜

仲記得之前碧咸仲同佢個仔喺網上鬥多fans,都知佢哋好friend嘞,最近碧咸43歲生日,當然想一家人一齊慶祝啦,不過全家都住喺倫敦只得大仔Brooklyn 住紐約,估唔到大仔咁sweet俾個驚喜爸爸,專登飛去倫敦突然出現喺餐廳,仲俾咗個好大嘅birthday kiss碧咸。段片由媽媽Victoria Beckham喺網上發佈,好多網民都勁羨慕佢哋呢個幸福家庭,入嚟有得睇。

Read more ›
【生日快樂】PS2推出18周年 開機開賣有圖有片 你最愛邊隻遊戲?
by / on 04/03/2018 at 3:34 pm

【生日快樂】PS2推出18周年 開機開賣有圖有片 你最愛邊隻遊戲?

時間過得真係好快,PS2,已經係18年前嘅事啦,2000年3月4日發售,回味番開機影片之餘,仲有開賣當日日本嘅排隊買機情況,再嚟就係機迷嘅賀圖。你記唔記得你嗰陣最愛邊隻遊戲?個人嚟講,《Metal Gear Solid 2》一定有份,仲有《鬼武者》系列等等啦,充滿美好回憶!

Read more ›
山田孝之34歲生日 提早慶祝食史萊姆
by / on 16/10/2017 at 5:36 pm

山田孝之34歲生日 提早慶祝食史萊姆

可能因為佢1999年16歲已經出道,好似睇咗佢好耐咁,加上佢近年除咗演勇者時青靚白淨啲,其餘時間啲鬚都密到咁……原來佢只係34歲,而且係嚟緊10月20日先34歲。啱啱佢喺instagram就放咗啲10月15日慶祝生日嘅相,見到綾野剛,仲喺隻碟度寫「孝之 おめでとう!! 34さい」,再嚟仲有個史萊姆蛋糕,果然係勇者。之後仲有網民出圖,睇吓唔同年代嘅佢……

Read more ›
【多圖】山本彩著浴衣慶祝生日 網民大讚好可愛
by / on 14/07/2017 at 7:05 am

【多圖】山本彩著浴衣慶祝生日 網民大讚好可愛

NMB隊長山本彩一直多fans,今日7月14日亦係佢24歲生日,佢噚晚已經喺Twitter放咗幾張新相,專登著浴衣慶祝生日,仲有太田夢莉同佢一齊著浴衣慶祝。好多網民都大讚佢著浴衣好靚,入嚟有多啲相睇。

Read more ›

【相集】日本貓船長即將生日 網民提議搞放題慶祝
by / on 04/04/2017 at 11:00 am

【相集】日本貓船長即將生日 網民提議搞放題慶祝

仲記唔記得呢隻日本貓船長?雖然之前倒瀉過船長嘅午餐烏冬,但就因為咁而紅咗,仲拎埋最佳船員獎。唔講唔知,4月12日就係佢嘅生日嘞,船長問大家送乜嘢生日禮物俾佢好,有人提議送烏冬、高級貓罐、猛男喵,仲有人提議搞返個放題,話晒喺船上生活,可以考慮即捕即食喎!入嚟有大量佢嘅生活照同影片,行船嘅生活好悠閒,好羨慕佢!

Read more ›
馬榮成生日作畫 霸氣戰狂重現
by / on 18/01/2017 at 10:45 pm

馬榮成生日作畫 霸氣戰狂重現

係,真係有少少唔爭氣,對於上個禮拜馬榮成吹水話《天下》復刊一事,其實我仲有啲耿耿於懷,心底裡仲有啲嬲嬲豬,但當見到佢張狂戰親筆畫,我又忍唔住Save落嚟做Wallpaper。噓,無計,構圖仲係咁靚,筆風仲係咁瀟灑,喺估計無助理幫拖嘅情況下都畫到如此水準,證明馬榮成無放低支筆,寶刀未老也。呢次因為賀自己牛一,所以馬榮成「重新素描一幅舊作,以作紀念」,即係純粹自High,但自High完可唔可以認真諗諗計,做番啲有益港漫嘅實際事呢?真心Mode,希望佢重出江湖,搞番旺個市。

Read more ›
好葡萄!港漫人賀會長生日贈畫!張萬有送老祖宗親筆畫!
by / on 01/12/2016 at 9:45 pm

好葡萄!港漫人賀會長生日贈畫!張萬有送老祖宗親筆畫!

又係無聊瀏覽面書,方知Dark Club會長Kent Chu早幾日牛一,戥完佢開心,即時好葡萄!事關佢得到好多港漫人眷顧,收親筆畫收到手軟,佢仲特登咗一幅同張萬有嘅合照出嚟添。但見張萬有唔係求其撩兩筆交行貨,筆觸構圖完全表達到天下無敵老祖宗嗰種殺性回歸嘅猖狂霸氣,如果我都有一幅就好咯。Anyway,本網站謹祝Kent Chu生日快樂,身體健康,日日有畫板收,恭喜恭喜。

Read more ›
【記錯日期紋錯身】日本女友紋錯男友生日日期   網民cap圖狂笑
by / on 30/06/2016 at 7:14 am

【記錯日期紋錯身】日本女友紋錯男友生日日期 網民cap圖狂笑

愛情真係好盲目,日本呢個女仔上咗電視節目,講述自己專登去紋男朋友嘅生日日期「1216」喺身,想留個紀念兼俾個驚喜對方,點知返到屋企男朋友覺得好奇怪,原來佢嘅生日日期係12月14日,記錯咗日期,紋咗個唔關事嘅數字上身,而家呢個女仔好後悔。節目播出後網民即刻cap圖討論,有人提議個女仔喺額頭紋多個「私はバカです」(我是笨蛋),有人建議佢同男朋友喺當日做啲特別嘢,令12月16日成為佢哋嘅紀念日。BTW,為自己紋身無問問題,但為男女朋友紋身其實真係好傻。

Read more ›
【超強生命力】兩腳喵星人Roux兩歲生日    食得玩得跑得快
by / on 17/04/2016 at 12:56 pm

【超強生命力】兩腳喵星人Roux兩歲生日 食得玩得跑得快

眨吓眼又一年,呢隻叫Roux嘅兩腳喵星人我哋上年都介紹過,噚日就係佢嘅兩歲生日,Happy Birthday呀喵!呢隻住喺美國Louisiana嘅喵星人喺IG好紅,雖然天生無咗兩隻前腳,但佢依然好活潑,跑得食得玩得,睇見佢就感受到生命嘅可貴。無見一排嘅佢無乜點肥到,但對眼就好精靈,而且依然係咁貪玩,仲越跑越快,入嚟有佢嘅新相新片慢慢睇。

Read more ›

30歲超萌袋熊生日會   天生被動最想要個女朋友
by / on 30/08/2015 at 1:51 pm

30歲超萌袋熊生日會 天生被動最想要個女朋友

呢隻超可愛嘅袋熊最近紅到去日本!佢叫Patrick,重40公斤,啱啱渡過咗佢嘅30歲生日,估計係世界上最長壽嘅袋熊(一般壽命20歲)。身為男性嘅佢仲係一個處男,因為佢天生好怕醜。一般雄性袋熊要好進取先可以取得女性歡心,但係Patrick就天生好敏感被動。而家佢住喺動物園Victorian Wildlife Park,Facebook有超過38000個粉絲,生日仲有好多人同佢慶祝,不過我諗佢最想要嘅生日禮物其實係一個女朋友。

Read more ›
High爆馬大哥      靚女陪慶生學人吹蠟燭
by / on 31/05/2015 at 12:50 pm

High爆馬大哥 靚女陪慶生學人吹蠟燭

睇完呢條片我有啲心傷,因為我生日都無咁多人同我慶祝。呢隻叫JD嘅馬最近生日,佢班主人就幫佢搞咗個簡單而隆重嘅慶祝活動,有蛋糕有蠟燭,仲唱埋生日歌。當佢哋一唱完生日歌時,馬大哥JD居然識即刻吹熄啲蠟燭,仲頭昂昂依起棚牙好招積,威喇威喇,有咁多女同你慶祝生日。

Read more ›
 多樂貓出生日蛋糕     東京Tokyu Hands期間限定
by / on 24/04/2015 at 7:16 am

 多樂貓出生日蛋糕 東京Tokyu Hands期間限定

5月6日係Sony多樂貓嘅生日,今年官方搵多啲人一齊同多樂貓慶祝,由4月29日至5月10日會同東京池袋Tokyu Hands合作,喺1樓嘅餅店Patisserie Swallowtail推出幾款多樂貓蛋糕,最得意肯定係大大個多樂貓頭嗰款,賣750円,現場仲有四款杯墊送,頭300個買蛋糕會送埋多樂貓企喺Tokyu Hands前嘅貼紙。想見本尊可以喺生日前夕同生日當日(5月5日至6日)去現場,到時多樂貓會分時段同人類影相,喂,生日都要開工,慘啲喎。

Read more ›
內地生日男廣告牌惹爭議     網民熱論日本網報導
by / on 22/12/2014 at 7:34 am

內地生日男廣告牌惹爭議 網民熱論日本網報導

內地有錢人點過生日?呢個16歲男孩慶祝生日嘅廣告牌就夠晒另類,仲成為最近內地網上熱話,紅到日本網都報導!話說微博嘅福州生活資訊最近舖咗張街道相,相入面見到晋江嘅街道舖滿16歲男仔嘅個人廣告,上面寫住:「歡迎參加我的16歲生日Party!」網民議論紛紛,有人話佢屋企太招搖,有人懷疑係廣告。最後記者人肉大搜查,搵倒佢阿爸施生,佢直認廣告牌係佢哋為咗請親戚朋友一齊慶祝阿仔生日而設計嘅,而所有廣告牌都係屬於阿爺間公司,生日宴過咗就會轉返做平時嘅廣告。話時話,揀相時有無問過阿仔?呢張托腮相,分分鐘成為佢人生嘅黑歷史。 

Read more ›