Post Tagged with: "甜品"

日本7-11新推出甜品 網民Twitter分享好想試
by / on 04/12/2019 at 7:18 am

日本7-11新推出甜品 網民Twitter分享好想試

日本7-Eleven經常有好嘢推出,最近日本網民喺Twitter分享呢款新推出嘅甜品,意大利布甸,睇落超正,去開日本可以買嚟試吓。

Read more ›

日本西瓜咭Suica黑企鵝 化身Halloween甜品任食
by / on 22/09/2019 at 2:14 pm

日本西瓜咭Suica黑企鵝 化身Halloween甜品任食

又係呢隻Suica咭上嘅黑企鵝,去開日本搭JR嘅朋友對佢應該好熟悉。最新池袋嘅 Hotel Metropolitan有佢嘅主題Halloween秋季甜品自助餐,有約20種時令提子、粟子同無花果製成嘅甜品,其中有幾款仲有Suica嘅可愛樣,只限10月20日、26日同27日,大人每位4050円,可以食盡幾款Suica企鵝嘅食品,有興趣嘅可以預約定。

Read more ›
IG人氣甜品創造師      超爽示範「創造與破壞」
by / on 21/01/2019 at 7:32 am

IG人氣甜品創造師 超爽示範「創造與破壞」

有時睇人煮嘢食都幾治癒,日本有網民分享咗IG一段片,一開始完全唔知廚師整緊乜,睇吓睇吓就感覺到個廚師好勁,不過整完一輪最後佢一手破壞自己嘅製成品嗰下原來最爽!網民話佢完美表達咗「創造與破壞」嘅精神,入嚟有回帶。BTW,原片作者「toplessbaker」喺IG超高人氣,啲整甜品片全部都好正,每次都係親手創作出好特別嘅甜甜,然後喺片尾一手破壞佢,入嚟可以follow埋佢IG。

Read more ›
【圖集】日本高質「木雕刻師」    木製燒餅超像真
by / on 15/08/2018 at 7:58 am

【圖集】日本高質「木雕刻師」    木製燒餅超像真

日本嘅手工藝品好多時都出神入化,最近喺Twitter見到呢位木雕刻師「井野辰弥」嘅作品。佢擅長整木製甜品,例如銅鑼燒、燒餅、冬甩等等,全部仲要咬咗一啖,好可愛又超像真!另外佢仲有雕刻牽牛花盆栽,要用木材演釋花卉嘅紋理,難度極高,入嚟有多啲佢嘅作品睇。

Read more ›
日本細胞分裂「鬆弛熊」甜品        挑戰密集恐懼症病人
by / on 08/07/2018 at 10:03 am

日本細胞分裂「鬆弛熊」甜品 挑戰密集恐懼症病人

睇見一大堆細胞分裂嘅鬆弛熊,有無覺得密集恐懼症發作?有日本網民整咗呢款甜品「わらび餅」,佢話好似細胞分裂之後再自我修復,不過睇落其實好可愛,仲好似好好味咁,好想一啖食晒佢哋落肚!之後有網民分享其他圖,原來好多人用「わらび餅」整呢啲細胞分裂效果,今次我就睇到有啲毛管楝,入嚟有得挑戰吓。

Read more ›
日本超邪惡士多啤梨甜品 食一杯飽晒
by / on 13/04/2018 at 7:59 am

日本超邪惡士多啤梨甜品 食一杯飽晒

呢間位於日本静岡縣浜松市嘅「いちごカフェ」啲甜品好出名,仲有大量士多啤梨甜品,最新有網民就分享咗呢張圖,士多啤梨砌到成座山咁,放埋支鐵匙喺旁邊就感覺到佢有幾高!呢個係2月新Menu嘅產品,樓主話超好味,食一杯應該飽晒,啲雪糕好邪惡呀!

Read more ›

【超想食!】日本「士多啤梨日」    水果蛋糕店推32款流口水甜品
by / on 07/01/2018 at 12:58 pm

【超想食!】日本「士多啤梨日」 水果蛋糕店推32款流口水甜品

而家至到下年2月都係士多啤梨嘅當造期,日本嘅士多啤梨諗起都想食!因為發音相似,所以每年嘅1月15日都係日本嘅「士多啤梨日」。今年喺全國有33間分店,日本出名食水菓蛋糕嘅「カフェコムサ」(Cafe comme ca)啱啱都宣佈推出32款士多啤梨甜品,由每間店嘅廚師設計,全部都係士多啤梨,好正呀!不過留意返,只限1月13日至1月15日有得食,去開日本嘅士多啤梨控記住留意吓嘞!

Read more ›
日本Suica企鵝隨便食 超可愛蛋糕甜品朱古力
by / on 28/09/2017 at 7:33 am

日本Suica企鵝隨便食 超可愛蛋糕甜品朱古力

去開日本都會用西瓜咭Suica,所以對呢隻企鵝特別有感情,日本Hotel Metropolitan嘅餅店The Pastry & Bakery Cafe有呢幾款Suica甜品,鍾意剩食頭又頭,連埋個身食又得。其實呢幾款甜品之前都出過,不過最近再放上網依然吸引到好多Suica迷RT。有網民仲放咗佢之前去過嘅相片,由酒店房嘅裝飾以至pancake都有企鵝仔,好正!入嚟有回帶。另外前排Suica咭盒朱古力去到9月尾就無嘞,去開日本嘅記住掃埋!

Read more ›
【抹茶控要試】日本抹茶自助餐超吸引 大量甜品任食
by / on 20/08/2017 at 7:13 am

【抹茶控要試】日本抹茶自助餐超吸引 大量甜品任食

覺唔覺得日本嘅抹茶食物特別好味?抹茶控嚟緊去開大阪,可以去食呢個抹茶自助餐,由9月2日開始逢週末有得食,大量抹茶甜品包括招牌菜式 ─ 好似車胎形狀嘅法式甜品Paris-Brest,今年仲會加入甜薯、粟子同日本南瓜配抹茶嘅食物。如果想食啲咸嘅食物,佢哋都有南瓜忌廉湯、沙律等,食完仲可以嘆返杯抹茶,成人4200円,想試嘅抹茶控記住要預約。

Read more ›
【毁容】日本網民餐廳中伏 吉祥物甜品咁嘅樣
by / on 25/07/2017 at 7:30 am

【毁容】日本網民餐廳中伏 吉祥物甜品咁嘅樣

喺日本比較少會遇到呢種理想與現實嘅情況,不過凡事總外例外。最近有日本網民去咗餐廳,店員話今年店舖3週年紀念,仲出咗個用佢哋 吉祥物整成嘅甜品,點知嚟到之後‥‥‥隻熊仔好似俾人毁咗容咁,隻眼珠仲突咗出嚟,最恐怖係頭頂有個紅色嘅3字!右下角係吉祥物嘅原圖,難以置信!不過樓主最後都補返句,個甜品味道係幾好嘅。

Read more ›
日本「熊貓之穴」新扭蛋 玩人臉甜品食慾大減
by / on 26/06/2017 at 7:14 am

日本「熊貓之穴」新扭蛋 玩人臉甜品食慾大減

又係出名創意爆燈嘅日本「熊貓之穴」扭蛋,今次夾啱夏天,佢哋推出呢款透心涼甜品系列扭蛋,不過每款食物上面都有個摩艾石像人樣‥‥‥摩艾石像係復活島出名景點,每個石像都好似人咁嘅樣,喺網上經常被惡搞,今次將夏日食品包括布甸、車茄子、香蕉、蜜瓜、雪糕加咗人樣,令人食慾大減呀!不過又好想儲齊一套。7月底發售,鍾意「熊貓之穴」系列嘅記住留意吓嘞。

Read more ›

【季節限定】日本超邪惡甜品      焦糖味雪糕配丹麥麵包
by / on 04/04/2017 at 10:43 am

【季節限定】日本超邪惡甜品 焦糖味雪糕配丹麥麵包

日本嘅甜品真係睇相都會流口水,呢間連鎖店「コメダ珈琲店」最出名食Shiro Nori,即係雲呢拿雪糕配丹麥麵包。嚟緊4月10日至6月底佢哋將會推出新口味,鍾意食焦糖味甜品一定要留意!鬆軟嘅丹麥麵包中間夾住焦糖醬,上面仲有極邪惡嘅雪糕,仲有堅果碎!一冷一熱雙重口感,怕肥嘅可以食迷你版,大嘅賣730円,迷你版賣500円,咁好似大嗰個抵啲喎,唔怕啦間中放緃吓‥‥‥

Read more ›
名古屋400年和菓子店 推出超靚櫻花和菓子
by / on 03/04/2017 at 7:46 am

名古屋400年和菓子店 推出超靚櫻花和菓子

好靚呀!又到櫻花季節,好多和菓子店都會推出櫻花甜品,其中最靚當然係好似一粒水滴嘅「水信玄餅」!之前介紹過「榮太樓」會推出,剛剛公佈名古屋嘅400年老店「花桔梗」有呢款和菓子,透明啫喱入面有粉紅色餡,仲加埋矜貴嘅金箔,靚到好似藝術品咁,點捨得食?

Read more ›
日本名古屋超巨型甜品 5-8人份量睇相都飽
by / on 23/03/2017 at 7:58 am

日本名古屋超巨型甜品 5-8人份量睇相都飽

名古屋呢間甜品店「キャッツカフェ」出名甜品夠巨型,有日本網民最近去咗試,嗌咗5-8人分量嘅最大呎吋,見到實物時當堂嚇一跳。呢杯芭菲賣6660円,即係大約港幣四百幾蚊,睇相都覺得飽,而且8個人要極速食晒以免佢變溶,好易肚痛喎。

Read more ›
日本超靚甜品Twitter熱傳 白雪芭菲靚到唔捨得食
by / on 22/03/2017 at 7:52 am

日本超靚甜品Twitter熱傳 白雪芭菲靚到唔捨得食

日本嘅甜品出名又靚又好味,呢間喺町田嘅「カフェ 中野屋」,啲甜品更加係靚到好似藝術品咁。有日本網民去咗食嘢然後影相放上Twitter,杯白色雪地芭菲簡直靚到唔捨得食,佢仲話味道好好。上網睇返「カフェ 中野屋」嘅其他甜品相,全部都好靚,特別係個士多啤梨甜品,根本係一件食物藝術品。

Read more ›