fbpx

Tag: 甘道夫

【hehe升級】甘道夫當眾嘴X教授      完全無視老婆存在

【hehe升級】甘道夫當眾嘴X教授 完全無視老婆存在

好欣賞磁力王Ian McKellen同X教授Patrick Stewart,幾十歲人依然好活躍,又鍾意影相放上Twitter,人老心不老。最近佢哋又一齊出動嘞,今次X教授同老婆Sunny一齊去撐甘道夫套新戲《Mr Holmes》嘅首映禮,兩個老友聚頭,當然又玩到癲晒啦,居然當眾嘴對嘴錫錫,完全無視企咗喺中間嘅老婆Sunny,搞到老婆好尷尬,至於一班網民,又可以繼續笑佢哋hehe,真愛無悔呀。

Read more ›

【有片】Professor X吸雪糕絕技 甜筒新食法好想試

【有片】Professor X吸雪糕絕技 甜筒新食法好想試

  Professor X Sir Patrick Stewart好受網民歡迎,最近佢又有新嘢玩,就係表演吸雪糕!將貼筒尖端位咬爛,運勁一吸,嘩!成個雪糕球一嘢被佢吸盡,睇到我都好想買個甜筒試吓呀!條片喺imgur好多人睇,有人話肯定係佢老友甘道夫Ian McKellan教佢嘅,我就最欣賞佢同甘道夫都係人老心不老,做人最緊要食得瞓得玩得嘛!

Read more ›
有片  甘道夫客串MV唱歌跳舞     奇招博搶鏡

有片 甘道夫客串MV唱歌跳舞 奇招博搶鏡

大家都知喺《魔戒》入面演甘道夫嘅Ian McKellen好玩得,之前走咗去嚇啲考生,同佢哋講:「You shall not pass!」,最近佢又貪玩走去客串英國歌手George Ezra新歌《Listen to the Man》嘅MV,今次佢嘅角色好挑皮,經常搶男主角鏡,當正自己係主角,仲扮開金唱歌跳舞,加埋條姣姣哋嘅粉紅袋巾,搶晒George Ezra鏡!其實主唱兼作曲嘅George Ezra係英國歌手,出名之餘啲MV都好受歡迎,佢最特別係把滄桑聲,同佢個樣完全唔夾,難怪搵Ian McKellen咪嘴都無違和感啦。

Read more ›
新片速報 甘道夫探訪學校 考試唔溫書:「You shall not pass!」

新片速報 甘道夫探訪學校 考試唔溫書:「You shall not pass!」

超正!大家都知Ian McKellen喺《魔戒》、《哈比人》演嘅Gandalf有句金句,亦都係要考試嘅學生最怕聽到嘅一句:「You shall not pass!」咁佢喺噚日(17日)探訪Chew Valley School呢間學校時,就喺圖書館同外面圍觀嘅學生講:「In your preparation for your examinations if you don’t do your revision properly, do you know what will happen?」之後,甘道夫上身:「You shall not pass!」全場爆笑。

Read more ›
甘道夫踢波睇Super Bowl   Twitter熱傳

甘道夫踢波睇Super Bowl Twitter熱傳

星期日Super Bowl開鑼,呢項鬼佬活動年年都令全國進入瘋狂狀態,比賽時段嘅廣告費更加係貴到飛天,為咗湊熱鬧,X教授Patrick Stewart著晒球衣舖咗張相上Twitter,最驚喜係旁邊嗰位居然係甘道夫Ian McKellen!張相即刻被瘋傳,最搞笑係兩個人都著住Super Bowl球衣,但係手上面揸住嘅居然係個足球,兩位老人家好有幽默感喎!

Read more ›
新片速報 現代甘道夫:「You Shall not Pass!」整停列車

新片速報 現代甘道夫:「You Shall not Pass!」整停列車

睇咗哈比人未?第2集都幾好睇,不過我個標準未必係大眾標準,因為好多人話第1集悶到瞓,但我翻睇第2次都好開心,而且我有翻煲《魔戒》第1集5次,第2集7次同第3集都係7次嘅紀錄……好喇,呢位YouTuber使出Gandalf最強招式:「You Shall not Pass!」整停咗一架列車!灰袍巫師嘅佢法力都好強勁,之後出現嘅鏡頭更加令人驚訝……最後,列車司機落車,甘道夫……

Read more ›

哈比人套裝汽水      不日上市

哈比人套裝汽水 不日上市

唔好開心住,我都好想飲哈比人可樂,不過佢只係LONELY MOUNTAIN COLA CO.嘅概念圖,呢個facebook群組今年2月先成立,估計係哈比人粉絲玩樂之用。google過,呢間唔係飲品製造商,即係純粹改圖氹吓自己同各位哈比粉絲開心啫。佢哋仲好有心機將電影入面嘅場景都key入呢罐嘢,仲出咗全套唔同款式,講真,無聊得嚟都幾有心思。

Read more ›
哈比人班戟  為食小朋友嚇到喊

哈比人班戟 為食小朋友嚇到喊

仲記唔記得《哈比人》入面一開場嗰班好為食好大食好鐘意攞晒人啲嘢食嘅矮人?如果我係主角比爾博巴金斯,我一定煮晒佢哋嚟食報仇,哈哈。外國有個哈比人粉絲,整咗一系列哈比人電影角色嘅班戟,除咗矮人,仲有咕嚕同埋甘道夫O忝!效果好像真,你都知,要整唔燶嘅班戟都好難,可況有埋人樣?不過最好笑係當佢將其中一個矮人班戟請小朋友食時,個小朋友居!然!喊!呀!哈哈,笑死我。

Read more ›