Tag: 甘小文

繼續搞笑 甘小文1月將推出《大神們的武林》

好咯,終於有甘小文作品睇咯,書名叫《大神們的武林》,望封面,好似輕輕轉咗畫風,一男一女畫得好老正吓;但一睇內文原稿,噓,好彩!陣陣熟口熟面嘅「小文味」出番晒嚟;再望埋文字Description,甚麼「遍地屍骸,觸目驚心,曾經耀武楊威的武林人紛紛棄刀解甲,甘作宅男毒撚避禍」、「移山派遭滅門,七大門派去其—!方丈寺、牛鼻山、篷來教、貧尼派、窮家幫、點睛門急召武林大會,誓要絕地反撃,—場武林羣眾運動開打」、「禾斗門神秘少男少女現身,警告羣雄勿輕舉妄動,説明屠狗輩已練成強度超過石墨烯、鑽石、比鋼還強200倍的碳炔之身,及以物質化為能量的科化神功」等等,齋睇字都笑得出,真真萬二分期待。賣幾錢未知,周刊月刊精裝薄裝乜形式出版都未知,淨係知1月會推出,留意書報攤喇老友。

Read more ›

賀15周年紀念 至Goal Club送甘小文月曆

拿,唔係賣廣告,同「至Goal Club」真係丁點兒利益關係都無,但做得好真係要讚。呢間漫畫店又送禮物喇,為慶祝創業15周年,「至Goal Club」決定免費送出40個甘小文月曆畀讀者,仲話「只要你哋唔嫌棄,小小心意,不成敬意」添,Like,值得畀Like你,撐港漫,收完月曆,記得多多幫襯呀。

Read more ›

至Goal Club有嘢送!免費索取甘小文年曆卡

「至Goal Club」抵讚呀,因為呢間漫畫店又有免費嘢送喇,繼上年之後,今年繼續送甘小文年曆卡,一卡兩款,唔使幫襯都可以免費索取,係咪抵讚先?呢啲咁好嘅漫畫店,以後要多多幫襯喇。

Read more ›

甘小文 x Underground《彌敦道+》開賣 兩舊水唔貴

利申,我係未聽過Underground啲歌嘅,好唔好聽唔好問我,但因為今鋪聯乘甘小文,所以我決定買EP漫畫《彌敦道+》。《彌敦道+》分三個版本,詳列如下,Set A:《彌敦道+》EP+包四格漫畫,售$50;Set B:《彌敦道+》EP+《行行有叻妹》四格漫畫+貼紙+單曲實體碟及小說版貼紙,售$100;Set C:《彌敦道+》EP+《行行有叻妹》四格漫畫+貼紙+單曲實體碟及小說版貼紙+主題Tee,售$200。好似好複雜呵?唔複雜,價錢貴啲咪送多啲嘢囉,最貴都不過兩條紅衫魚,賭少場曼聯都喺番度,撐得本地創作就梗係買Set C喇,至Goal Club有售。

Read more ›

地底樂團x甘小文 《彌敦道+》向《Abbey Road》致敬

地底樂團(Underground)將推出十年概念大碟《彌敦道+》,封面由畫壇笑匠甘小文操刀,四個似人非人嘅疑似人形物體喺敦道過馬路,擺明向The Beatles大碟《Abbey Road》致敬;唔只咁,仲要@埋著名填詞人鄭國江添,大碟主題曲《十年》嘅歌詞就係出自佢老人家手,一啲都唔嘢小架。成壇嘢主旨係「耳聽漫畫,眼看音樂」,屬跨媒體創作,家陣搞緊網上集資,目標募集金額$23000,暫時只籌到$1550,剩餘籌旗日子仲有18日。撐非主流音樂好,撐甘小文又好,有興趣就上網捐番一百幾十喇。

Read more ›

甘小文x胳肋文宣傳單張 免費任攞唔嬲

灣仔動漫基地舉辦嘅「comiX eXchange──漫畫x跨媒介創意展覽」,之前本網站介紹過。為宣傳,甘小文同胳肋文特登印製咗一系列宣傳單張,無錯,係「一系列」,即係好多好多張。行開旺角嘅,可以上「至Goal Club」免費索取,唔使怕醜,擺得出嚟就預咗任攞唔嬲,係呢兩位惡搞漫畫家Fans的話,千其唔好錯過。

Read more ›

有片:惡搞雙霸 甘小文 x Galaman工作坊

灣仔動漫基地其實都幾多搞作,係衰在宣傳唔多無乜Noise。「comiX eXchange──漫畫x跨媒介創意展覽」嚟到第三彈,今次由本地惡搞始祖甘小文聯乘新一代網絡惡搞動畫創作人胳肋文(Galaman)擔大旗,有講座,有展覽,有工作坊,如果大家有睇開《鐵將縱橫》嘅甘員外四格漫畫,你會發覺甘小文嘅笑話一啲都唔Out,至於胳肋文,公仔都唔靚得去邊,但作品有Message夠核,為咗隆重其事,胳肋文仲創作咗兩條動畫《寵茂小精靈》同《我要真插水》作聽日開幕酒會首映,大家有時間可以去掟個Round喎。

Read more ›

漫道x《進攻足球》足球頻道「Channel MD」 甘小文做嘉賓

作為一間漫畫公司,除咗出足球漫漫畫之外,我諗唔到同足球仲有乜關係。估唔到真係有,漫道好嘢,聯乘《進攻足球》搞咗個YouTube頻道「Channel MD」,除曹志豪、江少、羅邦、文俊、小丸及李Sir等主持節目同觀眾吹波經之外,間唔中仲會請港漫人做嘉賓,其中有一集邀請咗甘小文,由小文「專業分析」蛋治奧點解會喺1994年世界盃決賽射失12碼。蛋治奧者,巴治奧也,小文大作《至Goal無敵》角色是也,蛋治奧打飛機之謎終於解開,因為蛋治奧者擔心屋企煲湯無人睇火,又擔心屋企水浸浸濕珍藏鹹書,係好無厘頭,不過都幾搞笑……呢個「Channel MD」頻道,值得Subscribe喎。

Read more ›

至Goal Club派年曆卡 任攞唔嬲

有免費年曆卡派發,唔攞就笨呀,何況仲出自甘小文手筆?漫畫專門店至Goal Club年年都免費派發年曆卡,今年亦唔例外,構圖係甘小文版王小虎同石黑龍,雖然係Q版,但一樣畫得好有神髓。店方好謙咁喺面書專頁話:「不過效果並不理想,顏色太深及太瘀!無法!已經印刷好晒!若果唔嫌棄嘅讀者,可以上嚟本店免費索取!」傻啦,點會嫌棄啫,驚你太快派晒就真啦。

Read more ›

遲到好過無到 甘小文開心聯盟月曆

明白,係咗係遲咗啲,但遲到總好過無到吖,講緊嘅係甘小文開心聯盟月曆。製作單位話原本打算2015年1月1日前見街,可惜Count唔掂製作時間,所以唔敢早早宣傳。家陣有眉目嘞,月曆已經搞掂八成工序,相信未來一周內可以見街。呢個月曆精選咗18個甘小文筆下經典角色,每個$88,有興趣的話,可以打去至Goal Club預訂,報告完畢。

Read more ›

甘小文放笑彈 出路姆西聯盟月曆

一隻用嚟丟689嘅路姆西,都不知帶畀廣大蟻民幾多笑料,香港人出名食腦,梗係就住呢股熱潮賺番筆啦,甘小文不甘後人,出年1月將推出「路姆西聯盟月曆」。

Read more ›

壽星仔四十周年紀念珍藏展──人物篇

呢條News,新鮮滾熱辣呀,擒日上官小強喺西九龍中心舉行「壽星仔四十周年紀念珍藏展」,熱鬧到痹,搞到個場鬼殺咁嘈,好多漫畫家都畀面出席,呢啲咪江湖地位囉。

Read more ›

甘小文:以前我畫四方果,畫到自己都笑!

甘小文的工作室在某葵芳工廠大廈,門口散滿一地宣傳單張,書櫃歪歪斜斜擠滿封塵的書,梳化擱著過期報紙,工作檯上疊起的殘舊港漫有磚頭般高,一派不修邊幅的凌亂,中對了我心目中漫畫主筆工作室的模樣。

Read more ›