Post Tagged with: "甘小文"

甘小文又出手 《柒頭者聯盟》英雄幫襯「車仔麵專家」
by / on 30/03/2017 at 9:00 am

甘小文又出手 《柒頭者聯盟》英雄幫襯「車仔麵專家」

早排甘小文幫「車仔麵專家」畫外牆,你哋朝聖咗未?我早排就打咗卡嘞。估唔到,佢咁快又幫麵舖畫另外一幅畫,無睇錯的話,今次由《柒頭者聯盟》一眾英雄擔網演出,構圖係蟻俠、神奇女俠、蝙蝠俠、Iron Man、狼人、超人、雷神齊齊幫襯麵舖,大大幅貼喺牆,離九里遠都睇得到。麵舖喺上環,係就係遠咗啲,但有埋呢幅撓畫,唔朝聖多一次都唔得喇。

Read more ›

跟進:《奔走行》至Goal版送畫板 買漫畫順便選特首
by / on 13/03/2017 at 9:45 pm

跟進:《奔走行》至Goal版送畫板 買漫畫順便選特首

係,我同你都只可以食花生,無提名權;But,我哋可以撐甘員外五月推出嘅《奔走行》,因為除咗擒日介紹嘅普通版外,仲加推咗至Goal版,一書一畫板盛惠$60。畫板有五款選擇,分別係淋謝、薯片、葉瘤、胡官同長毛。賣晒書之後,「至Goal Club」會公佈邊個特首候選人嘅畫板最受歡迎,即係話,大家不妨阿Q精神少少,透過買書嚟揀選自己心儀嘅未來特首。成壇嘢好好玩,而我,就一定揀葉瘤,無計,藐嘴藐舌加對豆豉眼,甘小文實在畫得佢太搞笑,唔揀唔得。「至Goal Club」依家接受訂購,有買趁手喇老友。

Read more ›
網圖分享:數人物 甘員外出圖同渣馬跑手打打氣
by / on 11/02/2017 at 1:30 pm

網圖分享:數人物 甘員外出圖同渣馬跑手打打氣

聽日渣馬開跑,但天氣咁凍,要晨早起身抵住冷風跑九公里,諗吓都覺得心底寒一寒,所以好佩服七萬幾位參賽者。甘小文出圖同跑手打打氣,圖中好多人都熟口熟面,我就認到碧咸、維多利亞、C朗拿度、壽星仔、而哨牙珍仲化身啦啦隊添,你又認到幾多個?跑手們記得今晚早啲訓,祝大家可以挑戰自己,順利完成賽事。

Read more ›
甘小文加推《世界英雄月曆》+《柒頭者聯盟月曆》至Goal Club有售
by / on 09/02/2017 at 11:30 pm

甘小文加推《世界英雄月曆》+《柒頭者聯盟月曆》至Goal Club有售

猶記得甘小文年頭出咗個《世界英雄月曆》,因為貨少老早賣晒,所以我都買唔到,之後,又推出另一版本《柒頭者聯盟月曆》,亦售罄,我都係買唔到。好彩,再之後嚟到今日,由於反應熱烈,甘小文決定加推以上兩個版本,有心補購嘅可以去「至Goal Club」直接開單。記住,截址日期為2月12日,兩個版本都有提供,講到明收到幾多Order就印幾多,絕不再加印,有買趁手喇老友。

Read more ›
喫嗱渣麵同外牆合照 貼地胡國興撐甘小文
by / on 08/02/2017 at 4:30 pm

喫嗱渣麵同外牆合照 貼地胡國興撐甘小文

長毛終於開記者召待會公佈參選特首,花生友如我最開心,連場好戲有排睇咯喂。家陣選特首,政綱不政綱已經唔係最重要,最緊要形象夠親民、貼地、草根。參選人之一嘅胡國興就醒呀,識得去「車仔麵專家」幫襯番碗嗱渣麵,因為佢知道呢間麵舖搵咗甘員外畫外牆,而外牆公仔仲包括佢在內嘅四位參選人添,影相嗰陣,胡國興企喺喺薯片叔叔前面,唔知有乜特別寓意呢?至於原作者甘員外見胡官咁畀面,亦喺面書留言曰:「喂胡官,想睇候選人漫畫,《甘員外小文》專頁正呀喂,入嚟睇吖,咦?做乜你企響鬍鬚前面?遮住咗肥4。」識得借勢Sell番自己作品,小文好嘢。話時話,你哋又去咗「車仔麵專家」打卡未?

Read more ›
嬌人+喵婆+黑鮑婦+味覺隊長 甘小文《柒頭者聯盟》
by / on 07/02/2017 at 7:45 pm

嬌人+喵婆+黑鮑婦+味覺隊長 甘小文《柒頭者聯盟》

正呀喂!甘員外就快有新作推出喇,作品名為《柒頭者聯盟》,明惡搞《復仇者聯盟》。甘員外喺面書介紹故事中心思想──所謂柒到盡頭便是型,型到盡頭變番柒──喂,聽落好Cult喎。角色方面,則有甚麼嬌人、陳皮女俠、添福俠、頹神、絲芒俠、黑鮑婦、充電俠、喵婆、奇異副學士、膀胱狼、味覺隊長同鐵曱奇俠等等,家陣連造型設定都有埋,一貫笑死人不賠命風格。小文,撐你,畀心機度多啲笑位呀。

Read more ›

甘小文畫麵舖外牆 哨牙珍陪你喫車仔麵
by / on 05/01/2017 at 1:35 pm

甘小文畫麵舖外牆 哨牙珍陪你喫車仔麵

嘩,我見到肥婆四、哨牙珍、蛋治奧、薯片叔叔、林蛾、藐嘴、胡官……仲有Donald Trump添呀。邊度咁星光熠熠呀?「車仔麵專家」是也,甘小文幫老闆Jimmy畫舖頭外牆,大大幅離九里遠一眼望到,至於裝修呢,望過啲相,屬一般麵檔格局,不過有個牆架擺放咗好多《Star Wars》白兵頭盔,一字排開非常有氣勢,唔打卡係你損失。撐小文,呢個禮拜尾我決定落一趟上環,整番碗拿渣麵先。

Read more ›
別矣莉亞公主 港漫人出圖悼念(二)
by / on 30/12/2016 at 8:00 pm

別矣莉亞公主 港漫人出圖悼念(二)

《Star Wars》Princess Leia一角實在太深入民心,隔多咗日,都仲有好多港漫人哀悼Carrie Frances Fisher離世,出圖悼念。今年好似特別多巨星殞落,希望2017年大家都平平安安,生活愉快。別矣莉亞公主,一路好走。

Read more ›
甘小文《世界英雄月曆》開賣 限量生產每個$30
by / on 26/12/2016 at 2:00 pm

甘小文《世界英雄月曆》開賣 限量生產每個$30

過完聖誕,好快除夕,跟住好快又元旦,即係好快又2017年,時間過得好快,檯頭月曆係時候要換,甘小文《世界英雄月曆2017》唔知啱唔啱你心水,我就勁鍾意嘞,尤其鍾意佢喺面書嘅肺腑之言:「不論你過得好唔好,2016年終將過去,新的1年又來臨,許個願,向宇宙下張不用付款的定單,寄望2017年否極泰來。」啱聽之至。月曆收錄Q版超級英雄,一貫搞笑作風,呢$30無得慳,限量生產,要搶,至Goal Club有售。

Read more ›
《漫畫賓治2》12月3日出版 課金支持唔好得個講字
by / on 30/11/2016 at 10:30 am

《漫畫賓治2》12月3日出版 課金支持唔好得個講字

都係嗰句,支持港漫唔係得個講字,要用實際行動,即係課金,難得有班有心人搞興個市,我哋係咪好應該擺低$88以示鼓勵呢。且看12月3日出版嘅《漫畫賓治2》陣容──陸志明、鄭少現、陳明、Yas、上官小威、上官小洪、張萬有、甘小文、謝志榮、少傑、鄧本邦、黃書慶、梁偉家、金城、郭小峰、Ah Wah、Cody、Joe Wong、李紅劍、周蔭龍、小魚毛等等,唔敢話個個都識,唔敢話個個手畫都啱你睇,但拎上手嗰種沉甸甸手感,正正係實體書先畀到你嘅睇公仔書味道。唔使諗,撐喇,好睇嘅,追買番第一期都唔過份。

Read more ›
特朗普當選 港漫人作畫贈興
by / on 17/11/2016 at 12:00 pm

特朗普當選 港漫人作畫贈興

瘋子、狂徒、鹹濕佬、爛佬……乜稱呼都好喇,總之就塵埃落定,未來四年美國鐵定Under特朗普Control。政治嘅嘢,我識條鐵,但畫呢,我識睇。諷刺?恭賀?貪過癮人畫我又畫?唔知咯,淨係知有港漫人都畫咗幅特朗普,公諸同好。唔阻大家,我將啲畫Gather埋一齊,方便大家欣賞。

Read more ›

《今晚打喪屍》漫畫化 誰是主筆等余兒開估
by / on 08/11/2016 at 10:45 am

《今晚打喪屍》漫畫化 誰是主筆等余兒開估

拿,余兒呢個Post係11月3日出嘅,曰:「好耐無搞漫畫,今次有啲啲壓力,因為⋯⋯《今晚打喪屍》漫畫化決定!主筆犀利嘞,大家估下係邊個?」而我遲遲都唔報呢單News,係因為等開估,點知等到今日11月8日,余兒都仲未肯爆料邊個畫,有人估夏偉義,有人估牛佬,洪永仁、伍永新、白金龍、上官小明、葉偉青、胡紹權、甘小文、上官小寶、上官小威、黃水斌甚至連黃玉郎同馬榮成等等都有人估……余兒,究竟幾時開估?幾時出?乜形式推出?好期待。諗諗吓,一本純本土創作嘅小說先電影化再漫畫化,都咪話余兒唔叻仔,讚!

Read more ›
哨牙珍+肥婆四撐場 買《耳聽Listen To Underground》送甘小文畫板
by / on 20/10/2016 at 9:45 pm

哨牙珍+肥婆四撐場 買《耳聽Listen To Underground》送甘小文畫板

地底樂團繼《彌敦道+》EP後,將會推出全新純音樂大碟《耳聽Listen To Underground》,今次照舊Crossover甘小文,大碟封面會見到哨牙珍同肥婆四,而11首純音樂嘅名稱亦異常有型,包括──六弦、樂團、規則、花下、火熱、伍柒、再見、貳零、壹陸、初一、那夜……係呢,Feel到有啲嘢呢,赫!你懂的!為隆重其事,10月28日會有個簽名會,有心撐場嘅,當日6:00pm至8:00pm唔該去「至Goal Club」走一趟,買碟即送甘小文親筆公仔小型畫板一大塊,畫板唔係事先畫定,係即場畫架,保證獨一無二。係,講咁耐,都唔記得講最重要嘅一樣嘢,大碟每隻$99,報告完畢,到時見。

Read more ›
網圖分享:高水準鬼月賀圖晒冷 野士創工送《屍殺列車》記事簿
by / on 31/08/2016 at 11:00 am

網圖分享:高水準鬼月賀圖晒冷 野士創工送《屍殺列車》記事簿

睇咗《屍殺列車》未,我未睇,朋友話好好睇,所以我都打算睇。為宣傳,電影公司搵嚟埋野士創工合作,先喺農曆七月十四鬼節開始出「鬼月賀圖」,之後再由8月24日起至今日,玩有獎競猜遊戲,每日頭十位估中賀圖畫緊乜,即送謝森龍異限量版《屍殺列車》翻頁動畫記事簿一大本。記事簿固然靚,我都好想據為己有,但查實賀圖本身都好有水準,值得大家慢慢欣賞。

Read more ›
動漫電車啟動 港女老婆/疑似哨牙珍陪你遊車河
by / on 16/08/2016 at 11:15 pm

動漫電車啟動 港女老婆/疑似哨牙珍陪你遊車河

除咗Book車捉寵物小靈精,家陣又多一個理由搭電車,事關為慶祝灣仔動漫基地成立三周年,有關方面專登製作咗一架「叮~叮~動漫電車」,即日起至9月18日行駛港島區各線,大家有緣自可相聚。動漫電車嘅車身同車廂內櫳,畫滿Stella So、Cuson同甘小文畫作。上電車,碰口碰面見到喵星人同汪星人,上落樓梯見到疑似哨牙珍,甚至有港女老婆同你打招呼,一啲都唔出奇。

Read more ›