Tag: 甘小文

網圖分享:甘小文畫C朗

網圖分享:甘小文畫C朗

唔知剛喺歐國聯代表法國出戰葡萄牙嘅麥巴比有無擔心呢?事關C朗確診武肺。麥巴比愛C朗,我也愛C朗,甘員外都愛C朗,所以出圖同C朗打氣。

Read more ›

甘小文今晚現身MK 為《奔走行》簽名

甘小文今晚現身MK 為《奔走行》簽名

今日出MK,有機會野生捕獲甘小文,事關佢今晚會親臨「至Goal Club」為大作《奔走行》簽名。吓,你仲未買《奔走行》?咁今晚係絕世好時機喇,買完新書,即刻搵小文影番張相,開心!

Read more ›
網圖分享:甘小文筆下的袁文傑

網圖分享:甘小文筆下的袁文傑

話說原來袁文傑好鍾意睇《太公報》同《至Goal無敵》的,知道「柑蕉桔梨蘿柚」同「雁鷲鵰狸獅狒」出處,仲讚甘小文為「本地抽水界之鼻祖」,識嘢!而透過朋友介紹,佢終於成功認識到甘小文,而友善親和嘅甘小文亦獻畫一張,大家Very happy。

Read more ›
購物滿$99 加$1送甘小文《山海4仔》

購物滿$99 加$1送甘小文《山海4仔》

Good news,又係賣大包時間,家陣幫襯「收藏家港漫專區」任何產品滿$99,再額外加多$1,即送甘小文《山海4仔》1本,限量101本。有著數呀,咪執輸呀。

Read more ›
地底樂團x甘小文 四方菓撐概念原聲專輯《休息》

地底樂團x甘小文 四方菓撐概念原聲專輯《休息》

甘小文未停過同地底樂團Crossover,繼《耳聽》後,又幫最新概念原聲專輯《休息》宣傳,今次登場嘅係四方菓。喂,原來四方菓戴住耳機著埋牛仔褸,係可以咁型仔的,失敬失敬。

Read more ›
網圖分享:甘小文的炎帝Generation Next

網圖分享:甘小文的炎帝Generation Next

Generation Next!好佩服郭富城大熱天時唱歌跳舞,為Dancers同電影幕後人員籌款,亦佩服甘小文咁都可以二創,作畫一幅將郭富城變成炎帝。佢講得啱:「點可以畀城城型晒,《山海逆戰》嘅炎帝1D都唔輸蝕。」確實唔輸蝕,畫得好傳神,我一睇就笑咗出嚟。小文,你係得嘅。

Read more ›

Keyman宣佈《至Goal無敵》最佳球員譯名 維埃里變「圍毆你」

Keyman宣佈《至Goal無敵》最佳球員譯名 維埃里變「圍毆你」

無聊瀏覽足球評述員Keyman面書,見佢開Post話:「我向自己正式宣布,小文老師《至Goal無敵》入面球員嘅最佳譯名,肯定係以下呢個莫屬,原本譯名其實好地地:維埃里,小文譯名返唔到轉頭:圍毆你。」哈哈,係,「圍毆你」呢個譯名真係一絕,睇怕嘥咗小文唔少腦汁。諗番起嗰陣睇《至Goal無敵》,真係頁頁笑得出,我仲記得奄列治、碧痰、普波筲箕、蛋治奧、哨牙度等等球員譯名,唔知大家又記得幾多?

Read more ›
甘小文《山海4仔》開賣 一書一立體畫$80

甘小文《山海4仔》開賣 一書一立體畫$80

邱福龍《山海逆戰》緊張刺激嘅內文係主菜,書末甘小文嘅搞笑「山海4仔」係甜品,一口氣睇晒,係好開心好滿足嘅。Now,《山海4仔》結集成書,分盞鬼版同啜核版,一書一立體畫$80,全書68頁。我就撐硬架嘞,甘小文Fans萬勿錯過。

Read more ›
至Goal Club派甘小文年曆卡

至Goal Club派甘小文年曆卡

開心!真心講句多謝!「至Goal Club」今年繼續免費派甘小文2020年曆卡。留意番,畫嘅係化身記者嘅哨牙珍、化身勇武嘅肥婆四……大家,千祈唔好當佢哋Condom呀,無咗記者,無人發掘真相,無咗勇武,香港晨早已經成為疫區。勿忘初心,抗完疫,要繼續抗爭呀。

Read more ›
甘小文報料 哨牙珍將現身電車車廂

甘小文報料 哨牙珍將現身電車車廂

甘小文報料,為響應喺維園舉辦嘅「Walala遊樂空間」活動,其筆下角色哨牙珍將變成人偶,現身電車車廂,到時相關電車站都會有展板同宣傳裝置。人偶有真人咁高,著One-Piece吊帶短裙,交叉腳坐,雙手放喺兩膝之間,非常Lady,充盈滿滿淑女氣質,難怪甘小文稱佢為「佳人」。坐叮叮遇到佳人的話,記得打卡。

Read more ›
「音樂屋」送甘小文親筆簽名畫卡

「音樂屋」送甘小文親筆簽名畫卡

畫卡、定Postcard?定係貼紙?齋睇相唔Sure,我估係畫卡。不過話知佢喇,上有甘小文親筆簽名,就肯肯定彌足珍貴。想要?麻煩親身去「音樂屋」走一趟,同老闆Say個Hi就可以免費索取。係,真係Free of charge,咁當然,最好有其他幫襯喇。

Read more ›

九龍城廣場搞展覽 李健良+林祥焜+甘小文+黃水斌獻畫

九龍城廣場搞展覽 李健良+林祥焜+甘小文+黃水斌獻畫

即係咁,如果你係影迷的話,咁有必要睇睇呢個名為《KCP九龍城廣場全齡傳承擁抱愛光影聖誕城》展覽,有大量懷舊戲院場景、攤位、小食攤等供大家打卡,好多珍貴原聲唱片同海報滿足你眼球。如果你係漫畫迷的話,都有藉口撐吓場,因為李健良、林祥焜、甘小文同黃水斌都有以電影為題材嘅靚畫展覽,朝聖係時候啦喂。

Read more ›
包場睇《星球大戰:天行者崛起》 送白水/甘小文Postcard

包場睇《星球大戰:天行者崛起》 送白水/甘小文Postcard

擒日報導「帝國軍第伍零壹旅香港駐軍」同「星戰基地」搞包場睇《星球大戰:天行者崛起》活動,會臨場送Cuson靚靚Postcard。原來唔只Cuson,連白水同甘小文都有份畫Postcard送畀影迷呀。都係嗰句,戲我想睇,兩張Postcard我都想要。

Read more ›
今明兩天 張暉派甘小文舊卡

今明兩天 張暉派甘小文舊卡

係呀,又係「音樂屋」老闆張暉呀,又係甘小文呀。話說張暉有批馬會小文卡仔,全部搵咗甘員外簽名,家陣免費派畀大家,Like嘅,可以上去攞番一兩張,只限今明兩天派發。係,要親身上去舖頭攞,無得PM無得預留,攞完,順便幫襯吓囉。

Read more ›
幫襯「音樂屋」即送甘小文貼紙

幫襯「音樂屋」即送甘小文貼紙

又係「音樂屋」呀,又關甘小文事呀,話說老闆得來一批甘小文A4貼紙,依家凡幫襯即送一張呀,講到明手快有手慢無,送完即止,甘員外Fans萬勿錯過,多多幫襯唔該。

Read more ›