fbpx

Tag: 甘小文

盧覓雪開棟篤笑徵Show名 甘小文獻宣傳畫

盧覓雪開棟篤笑徵Show名 甘小文獻宣傳畫

點解甘小文無端端會畫盧覓雪呢?原來係幫雪雪個棟篤笑宣傳。開Show好事吖,不過暫時未有Show名,所以有關方面開Post廣徵大家意見,兼諗咗幾個非常有小文Style嘅Show名,包括《盧覓雪棟篤笑 柑蕉桔梨碌柚》、《盧覓雪棟篤笑 公主笑遊記》、《盧覓雪棟篤笑 踏破高跟鞋》、《盧覓雪棟篤笑 LOO手過蕉》、《盧覓雪棟篤笑 公主笑你呀喂》等等,大家又有乜好意見?幫手諗吓吖喂。

Read more ›

網圖分享:甘小文的覓雪公主

網圖分享:甘小文的覓雪公主

埋嚟睇吓,呢鋪真係正呀喂,盧覓雪喺甘小文筆下,變身人見人愛車見車載嘅白雪公主,即係覓雪公主呀喂,好cute呀喂。

Read more ›
創食薈打卡 甘小文x林祥焜漫畫佈置

創食薈打卡 甘小文x林祥焜漫畫佈置

早排掛住睇奧運,Miss咗添。話說創食薈個美食廣場搞咗新佈置,有甘小文同林祥焜嘅漫畫人物睇呀,咁佢哋畫緊邊個呀?靚女樂宜是也。大家有時間咪過去行個Round,坐低食啲嘢影吓相囉。

Read more ›
甘小文《山海4仔》快抽 少昊送阿儀畀阿叔

甘小文《山海4仔》快抽 少昊送阿儀畀阿叔

一地花生,究竟ATV係捧佢定玩佢?網民係真心Mode讚佢勇氣可嘉定笑佢九唔搭八?我都唔識講咯。甘小文抽水很快手,喺第245期《山海逆戰》「山海4仔」派咗阿儀出場,講假少昊當阿儀係禮物送畀阿叔,阿叔即刻心心眼加噴鼻血,咁即係……

Read more ›
網圖分享:無鼻Anson Lo

網圖分享:無鼻Anson Lo

甘小文係厲害嘅,一貫唔畫鼻,但一睇就知畫緊Mirror成員Anson Lo。追星絕對係好事,因為香港人好耐都未試過咁開心了,係唔係Fans都好,有時間咪去尖沙嘴碼頭Anson Lo生日巨型廣告牌打個卡囉,感染吓歡樂氣氛,我諗人都會輕鬆啲。

Read more ›
網圖分享:甘小文畫C朗飲水

網圖分享:甘小文畫C朗飲水

C朗確係巴閉嘅,唔單只喺歐國盃對匈牙利省入兩粒,仲喺記者招待會拎開兩支可樂,勸人多啲飲水。據報佢咁語重深長地勸一勸大家注意飲食健康,可口可樂股價即由56.1跌至55.22美元,市值蒸發40億美元!呢啲咪巨星影響力囉。甘小文唔知有無聽話飲多啲水,但有出圖抽吓水,仲畫埋C朗入波後個嘟嘴招積表情,好Funny。

Read more ›

甘小文x四季盆菜專門店 財神駕到

甘小文x四季盆菜專門店 財神駕到

甘小文幫「四季盆菜專門店」畫咗個宣傳式四格漫畫,內容當然離唔開訂盆菜返屋企食餐好喇,而嚟屋企拜年嘅唔係邊個,正正係人見人愛嘅財神。財神到呀喂,錢呀喂,非常老利!

Read more ›
Lego版哨牙珍登場 送你一個心

Lego版哨牙珍登場 送你一個心

Really正呀喂,Lego友Dick Cheung又有新作,今次輪到甘小文筆下角色哨牙珍出場,一頭黑髮加一棚白到反光嘅哨牙固然矚目,條粉紅色連身裙亦甚搶眼,單腳屈膝姿勢好有少女味,仲要畀多個心心你添,頂唔頂得住先?好正,我笑咗。

Read more ›
甘小文畫何鑑江肖像畫 不日贈送

甘小文畫何鑑江肖像畫 不日贈送

獨步江湖,線條唔使多,係咁意幾筆就能夠將一個人嘅神髓活靈活現,甘小文手畫真係只此一家的。話說出咗本自傳《一鑑江湖》嘅足球評述員何鑑江,喺面書專頁透露甘小文幫佢畫咗15幅肖像畫,各有唔同表情同肢體動作,甚盞鬼。佢打算送呢批肖像畫畀讀者,叫讀者留意專頁資訊咁話喎。

Read more ›
撐《Made in Hong Kong群展》 睇《老夫子》原稿/哨牙珍+肥婆四毛筆畫

撐《Made in Hong Kong群展》 睇《老夫子》原稿/哨牙珍+肥婆四毛筆畫

As一個香港人,Proud of「Made in Hong Kong」係應份的,可惜吖……唔講喇,邊個搞死香港大家心照,再講盞心都翳埋,都係睇展覽開心吓喇。面書專頁「The Culturist文化者」聯乘大業書店舉辦《Made in Hong Kong群展》,主旨係「香港情入血」,有乜睇呀?一,作家董橋同畫家熊海共同創作《節錄《大林小記/獅子山》,可以書法聯乘畫作Art Jam視之;二,蔡瀾廣東話潮語墨寶,睇完包你長知識;三,王家禧《老夫子》原稿,原稿呀喂,即係可以慢慢聞嘅真迹呀喂;四,甘員外用毛筆畫嘅哨牙珍同肥婆四,有幅仲係古裝版添呀,港漫迷更加唔可以錯過喇。

Read more ›
《香港故事──我們的漫畫家》啟播 至Goal Club送Postcard

《香港故事──我們的漫畫家》啟播 至Goal Club送Postcard

香港電台製作嘅《香港故事──我們的漫畫家》11月14日起逢周六播映,有我哋非常非常喜愛嘅甘小文出場,大家無理由唔捧場啩?為咗宣傳,有關方面印製咗一批Postcard同Poster,家陣喺「至Goal Club」免費派發,大家行開旺角嘅,不妨親臨攞番張留念。咁當然,有其他幫襯就更佳啦。

Read more ›

網圖分享:甘小文因「賓州之痛」潑墨 肥婆四+哨牙珍登場

網圖分享:甘小文因「賓州之痛」潑墨 肥婆四+哨牙珍登場

無得輸!如此畫風只此一家!話說甘小文因「賓州之痛」而飲悶酒,酒入愁腸,繼而藉住醉意潑墨,首次用毛筆宣紙畫低兩大美人,放喺面書公諸同好。現代版與古代版肥婆四與哨牙珍,你鍾意邊個造型?我就兩個都咁鍾意。小文仲留言話:「兩大美人墨寶快登大雅之堂,留意。」點「大雅」法呢?唔通有新Project?好期待。

Read more ›
勁!林祥焜、甘小文型到日本 被稱為香港「江口寿史」+「ハロルド作石」

勁!林祥焜、甘小文型到日本 被稱為香港「江口寿史」+「ハロルド作石」

呢件事係有型嘅,唔跪之餘仲玩吓嘢,有骨氣又有幽默感。而且原來呢單嘢喺日本都有人講,而且林祥焜仲被稱為「香港の江口寿史+ハロルド作石」,至於甘小文老師呢,就被稱為搞笑漫畫界傳奇級鬼才,都啱喎,而且仲提到「肥婆四」呢個角色,不過其實應該「哨牙珍」legend啲。

Read more ›
網圖分享:甘小文畫C朗

網圖分享:甘小文畫C朗

唔知剛喺歐國聯代表法國出戰葡萄牙嘅麥巴比有無擔心呢?事關C朗確診武肺。麥巴比愛C朗,我也愛C朗,甘員外都愛C朗,所以出圖同C朗打氣。

Read more ›
甘小文今晚現身MK 為《奔走行》簽名

甘小文今晚現身MK 為《奔走行》簽名

今日出MK,有機會野生捕獲甘小文,事關佢今晚會親臨「至Goal Club」為大作《奔走行》簽名。吓,你仲未買《奔走行》?咁今晚係絕世好時機喇,買完新書,即刻搵小文影番張相,開心!

Read more ›