Post Tagged with: "甘小文"

至Goal Club派甘小文年曆卡
by / on 19/02/2020 at 8:45 pm

至Goal Club派甘小文年曆卡

開心!真心講句多謝!「至Goal Club」今年繼續免費派甘小文2020年曆卡。留意番,畫嘅係化身記者嘅哨牙珍、化身勇武嘅肥婆四……大家,千祈唔好當佢哋Condom呀,無咗記者,無人發掘真相,無咗勇武,香港晨早已經成為疫區。勿忘初心,抗完疫,要繼續抗爭呀。

Read more ›

甘小文報料 哨牙珍將現身電車車廂
by / on 08/01/2020 at 6:45 pm

甘小文報料 哨牙珍將現身電車車廂

甘小文報料,為響應喺維園舉辦嘅「Walala遊樂空間」活動,其筆下角色哨牙珍將變成人偶,現身電車車廂,到時相關電車站都會有展板同宣傳裝置。人偶有真人咁高,著One-Piece吊帶短裙,交叉腳坐,雙手放喺兩膝之間,非常Lady,充盈滿滿淑女氣質,難怪甘小文稱佢為「佳人」。坐叮叮遇到佳人的話,記得打卡。

Read more ›
「音樂屋」送甘小文親筆簽名畫卡
by / on 03/01/2020 at 8:30 pm

「音樂屋」送甘小文親筆簽名畫卡

畫卡、定Postcard?定係貼紙?齋睇相唔Sure,我估係畫卡。不過話知佢喇,上有甘小文親筆簽名,就肯肯定彌足珍貴。想要?麻煩親身去「音樂屋」走一趟,同老闆Say個Hi就可以免費索取。係,真係Free of charge,咁當然,最好有其他幫襯喇。

Read more ›
九龍城廣場搞展覽 李健良+林祥焜+甘小文+黃水斌獻畫
by / on 09/12/2019 at 9:15 pm

九龍城廣場搞展覽 李健良+林祥焜+甘小文+黃水斌獻畫

即係咁,如果你係影迷的話,咁有必要睇睇呢個名為《KCP九龍城廣場全齡傳承擁抱愛光影聖誕城》展覽,有大量懷舊戲院場景、攤位、小食攤等供大家打卡,好多珍貴原聲唱片同海報滿足你眼球。如果你係漫畫迷的話,都有藉口撐吓場,因為李健良、林祥焜、甘小文同黃水斌都有以電影為題材嘅靚畫展覽,朝聖係時候啦喂。

Read more ›
包場睇《星球大戰:天行者崛起》 送白水/甘小文Postcard
by / on 05/12/2019 at 8:45 pm

包場睇《星球大戰:天行者崛起》 送白水/甘小文Postcard

擒日報導「帝國軍第伍零壹旅香港駐軍」同「星戰基地」搞包場睇《星球大戰:天行者崛起》活動,會臨場送Cuson靚靚Postcard。原來唔只Cuson,連白水同甘小文都有份畫Postcard送畀影迷呀。都係嗰句,戲我想睇,兩張Postcard我都想要。

Read more ›
今明兩天 張暉派甘小文舊卡
by / on 24/07/2019 at 10:00 am

今明兩天 張暉派甘小文舊卡

係呀,又係「音樂屋」老闆張暉呀,又係甘小文呀。話說張暉有批馬會小文卡仔,全部搵咗甘員外簽名,家陣免費派畀大家,Like嘅,可以上去攞番一兩張,只限今明兩天派發。係,要親身上去舖頭攞,無得PM無得預留,攞完,順便幫襯吓囉。

Read more ›

幫襯「音樂屋」即送甘小文貼紙
by / on 14/05/2019 at 9:15 pm

幫襯「音樂屋」即送甘小文貼紙

又係「音樂屋」呀,又關甘小文事呀,話說老闆得來一批甘小文A4貼紙,依家凡幫襯即送一張呀,講到明手快有手慢無,送完即止,甘員外Fans萬勿錯過,多多幫襯唔該。

Read more ›
網圖分享:甘小文兩格漫畫 安心偷食x黃手套之亂Crossover
by / on 16/04/2019 at 9:37 pm

網圖分享:甘小文兩格漫畫 安心偷食x黃手套之亂Crossover

洗版了,全城盡抽「安心偷食」車震事件水,甘小文都摻上一腳,不過佢仲勁,連草日同Cuson都拉埋落水,配合近期熱話「黃手套之亂」,來一個另類Crossover。唔係四格漫畫,唔用對白,更加唔需要甚麼旁白說明,齋上下兩格咁大把,就足以令你笑餐飽,甘小文就係有呢份功力,十個叻。

Read more ›
甘小文搞笑四格漫畫 望夫石抽Kaws Companion水
by / on 29/03/2019 at 1:06 am

甘小文搞笑四格漫畫 望夫石抽Kaws Companion水

講搞笑四格漫畫,甘小文認第二,我諗無人敢認第一。剛剛佢又抽俾人揶揄話係浮屍嘅Kaws Companion水,主角係望夫石擺烏龍,遙望吹氣公仔以為丈夫返歸,仲要補多句Caption:「係咪需要任何仁同佢做個心肺復甦法會好D呢?」真心OK好笑。講開又講,乜呢隻吹氣公仔咁唔捱得,先係漏氣,跟住又話怕大風吹翻會影響航道安全,搞到要提早結束展覽。唉,我仲未去打卡架。 資料來源:面書「甘員外小文」

Read more ›
甘小文漫畫卡 張暉「音樂屋」免費派
by / on 12/03/2019 at 11:00 pm

甘小文漫畫卡 張暉「音樂屋」免費派

有喇有喇,終於有喇,有請甘小文Fans往炮台山跑一步,事關佢為漫畫店「音樂屋」作畫嗰幅鎮店之寶,已經正式印製成迷你漫畫卡,有埋親筆簽名免費送畀讀者。咁廢話都要講多次,拎完漫畫卡,同張鎮鎮之寶影完相,最好就有幫襯喇。

Read more ›
甘小文作畫貼門口 幫漫畫舖做生招牌
by / on 05/03/2019 at 9:00 am

甘小文作畫貼門口 幫漫畫舖做生招牌

甘小文係好好好好人嘅,好人到幫漫畫舖「音樂屋」作畫做Banner,貼喺門口作生招牌,確係非常醒神啫。作為港漫迷嘅你,有必要去朝聖吓喇,咁朝聖完,最好當然有幫襯喇。老實張暉都唔吝嗇,之後打算印卡片免費派發,大家記得去打卡呀。

Read more ›

奉甘小文諭 去老尖台式奶茶店打卡
by / on 22/01/2019 at 9:30 am

奉甘小文諭 去老尖台式奶茶店打卡

都唔算少蒲老尖,但真係無留意呢間「察理王子茶飲專賣店」,更加唔為意呢間台式珍珠奶茶有甘小文墨寶。甘小文剛剛喺面書登咗輯相,相裡面佢戙喺專賣店門口,企喺自己幅壁畫作品前面拎住杯嘢留影,大讚「茶有茶味,珍珠咬落彈牙」,仲叫人多啲去打卡添,收到晒。話時話,或者畫開笑話嘅人特別係童心,鍾意笑,大家有無發覺甘小文咁多年嚟都無乜點老到?

Read more ›
至Goal Club甘小文年曆卡  2019年繼續免費派發
by / on 09/01/2019 at 8:00 pm

至Goal Club甘小文年曆卡 2019年繼續免費派發

Good呀,「至Goal Club」秉承優良傳統,今年繼續派年曆卡,而年曆卡亦繼續搵甘小文賜圖印製,美少女戰士版肥婆四加哨牙珍賀2019年,醒神喇喂。一如以往,免費派發,咁當然,有幫襯的話成件事會更圓滿喇。

Read more ›
少女版肥婆四出場 甘小文提大家買金多寶
by / on 03/01/2019 at 2:30 pm

少女版肥婆四出場 甘小文提大家買金多寶

今晚9:30pm,我會哺實電視機,事關2019年第一次六合彩攪珠。甘小文好有愛,驚你唔記得,專登畫咗個18歲卜卜脆少女版肥婆四,提你買六合彩。記住,一注獨得有機會攞足8000萬,金多寶呀喂,記得填飛呀。

Read more ›
網圖分享:甘小文賜畫賀《火武耀揚》1000期
by / on 18/12/2018 at 9:00 pm

網圖分享:甘小文賜畫賀《火武耀揚》1000期

記住,聽日《火武耀揚》豪華珍藏本第二輯與薄裝第1000期《火武耀揚》同步出版,大家記得捧邱瑞新場。又原來,甘小文都係火武同耀揚兩兄弟Fans,作畫一幅畀「至Goal Club」賀一賀呢個里程碑。小文即係小文,畫慣Q版即係畫慣Q版,依舊唔畫鼻哥,但依舊知道佢畫緊邊個,呢份功力旁人難及,係不得不服嘅。

Read more ›