fbpx

Tag: 甘員外

跟進:《奔走行》至Goal版送畫板 買漫畫順便選特首

跟進:《奔走行》至Goal版送畫板 買漫畫順便選特首

係,我同你都只可以食花生,無提名權;But,我哋可以撐甘員外五月推出嘅《奔走行》,因為除咗擒日介紹嘅普通版外,仲加推咗至Goal版,一書一畫板盛惠$60。畫板有五款選擇,分別係淋謝、薯片、葉瘤、胡官同長毛。賣晒書之後,「至Goal Club」會公佈邊個特首候選人嘅畫板最受歡迎,即係話,大家不妨阿Q精神少少,透過買書嚟揀選自己心儀嘅未來特首。成壇嘢好好玩,而我,就一定揀葉瘤,無計,藐嘴藐舌加對豆豉眼,甘小文實在畫得佢太搞笑,唔揀唔得。「至Goal Club」依家接受訂購,有買趁手喇老友。

Read more ›

精選四格漫畫 甘員外《奔走行》暫定五月推出

精選四格漫畫 甘員外《奔走行》暫定五月推出

正呀喂!甘員外有作品推出呀,名為《奔走行》,「奔走」同「行」係乜諧音,而呢兩個諧音加乜係乜意思,我諗唔使畫出腸,大家都估到係乜。新書係四格漫畫,主題諷刺時弊,嬉笑怒罵黑色幽默有,啜核抵死黃色幽默更加有,唔敢話一定笑到眼淚水出,但作為香港人,睇完一定有共鳴。全彩色印刷,每本$48,暫定5月推出,密切留意本網站報導喇。

Read more ›
喫嗱渣麵同外牆合照 貼地胡國興撐甘小文

喫嗱渣麵同外牆合照 貼地胡國興撐甘小文

長毛終於開記者召待會公佈參選特首,花生友如我最開心,連場好戲有排睇咯喂。家陣選特首,政綱不政綱已經唔係最重要,最緊要形象夠親民、貼地、草根。參選人之一嘅胡國興就醒呀,識得去「車仔麵專家」幫襯番碗嗱渣麵,因為佢知道呢間麵舖搵咗甘員外畫外牆,而外牆公仔仲包括佢在內嘅四位參選人添,影相嗰陣,胡國興企喺喺薯片叔叔前面,唔知有乜特別寓意呢?至於原作者甘員外見胡官咁畀面,亦喺面書留言曰:「喂胡官,想睇候選人漫畫,《甘員外小文》專頁正呀喂,入嚟睇吖,咦?做乜你企響鬍鬚前面?遮住咗肥4。」識得借勢Sell番自己作品,小文好嘢。話時話,你哋又去咗「車仔麵專家」打卡未?

Read more ›
多謝甘員外 至Goal Club送2017年曆卡

多謝甘員外 至Goal Club送2017年曆卡

你可以話無乜大不了,但我就好鍾意呢種對顧客嘅窩心關懷,「至Goal Club」唔係送啲乜嘢矜貴嘢,薄薄一張2017年曆卡啫,但拎到上手感覺確實Warm,誇啲講句,直頭Feel到人間有情呀。當然,都要多謝甘員外喇,今年又創作咗四幅新畫印成年曆卡,一套四款,又一值得收藏港漫精品也。行開旺角,記得上舖頭問老闆攞番張,多謝老闆,多謝甘員外!

Read more ›
《武林的大神們II》4月20日出版 有裸露鏡頭?

《武林的大神們II》4月20日出版 有裸露鏡頭?

唔係吹水,我真係等到頸都長架,講緊嘅係甘小文本《大神的武林們II》,聽日4月20日正式出版。小文透過「G.GOAL CLub」面書專頁呼籲:「因各大漫畫書版位已滿,未能為《大神》刊登廣告,鄙人呼籲親愛的你們代爲廣傳,推到上報,THXXXXXXX。」言詞甚抵死,但都不及今期八大看點之一過癮,佢又咁話:「肛門頂—役,唯一能把刀送進「屠狗輩」身體內的人–林過,重傷剛醒來,—對玉峰倒懸眼前,是其所愛矯容女嗎?員外繪畫此圖時,似有生理反應!」嘩,馬賽克?估唔到《大神的武林們II》都有裸露鏡頭喎!話我賣廣告都係咁話,撐開小文嘅必買,Miss咗第一期嘅唔該買番,報告完畢。

Read more ›
可惜!甘員外《鐵將4仔》擱置出版!

可惜!甘員外《鐵將4仔》擱置出版!

Bad news!之前話甘員外會推出《鐵將4仔》,但漫畫店「G.Gaoal Club」喺面書透露話:「基於某些原因,《鐵將4仔》將擱置出版,詳情留意官方解釋作準。」一眾港漫迷紛表可惜,有人猜測係因為同邱福龍傾唔掂數,G.Goal Club已經澄清咗唔係,又有人話因為政治打壓,所以出書無期。乜原因都好喇,出書唔成少不免有啲Sad……Anyway,畀番啲正能量大家,《大神們的武林》第二期應該4月10日前見街,係撐小文嘅,到時記得撲書喇。

Read more ›

《大神們的武林》有第二期 鐵定3月出版

《大神們的武林》有第二期 鐵定3月出版

事忙,磨到今日先睇完甘員外大作《大神們的武林》創號刊,真係好爆笑,我搭地鐵睇,咭一聲笑咗出嚟,搞到隔嚟個西裝友當我傻仔咁睇。甘小文啲粗口對白當真無懈可擊,「X你老母」居然可以化為招式殺敵,惡搞本領一絕,抽水抽到維港都乾,第一頁中間摸住膝頭訓喺地條友,一睇就知佢影射緊邊個。際此港漫市道疲弱,我幾驚無第二期呀,好彩,好嘢始終有人欣賞,《大神們的武林》第二期鐵定3月出版,可以出第二期,即係本書好賣啦,小文,加油呀。

Read more ›
繼續笑唔准停 甘員外推出《鐵將四仔》完全版

繼續笑唔准停 甘員外推出《鐵將四仔》完全版

唔係認叻呀,我估到,我真係估到,真係估到總有一日,會將甘員外喺《鐵將縱橫》連載嘅《鐵將4仔》獨立輯錄成完全版推出。差唔多出齊咁多期《鐵將縱橫》喎,你估諗橋易架,而事實到依家睇甘小文嘅四格漫畫,都仲真係笑得出,呢下不得不寫個服字俾佢。Fine喇,家陣決定出實體書,我實捧場,唯一希望嘅,係登舊稿之外,會有番三五十個新古仔,賣貴啲唔Care,好笑就得嘞。

Read more ›
甘小文《大神們的武林》超筍 加$10送一幅親筆畫板

甘小文《大神們的武林》超筍 加$10送一幅親筆畫板

久違了的甘小文!令人多麼掛念的甘員外!終於有新書出喇,新作叫《大神們的武林》,以惡搞始祖嘅功力,新作好笑就一定架嘞,加陣要你笑住畀多$10。唔多,十蚊啫,打個電話畀「至GoalClub」訂書,新書到手後去舖頭釘個印仔,之後就可以超超超超超筍價十蚊訂購甘小文親筆畫板一大張,仲可以指定畫邊個漫畫角色添噃,如此好消息,係咪笑得落先?

Read more ›