Post Tagged with: "環保"

倫敦馬拉松用92萬個水樽 新設計「史萊姆」水珠夠環保
by / on 30/04/2019 at 7:56 am

倫敦馬拉松用92萬個水樽 新設計「史萊姆」水珠夠環保

呢兩年大家都講環保,其中膠樽都算係重災區,而馬拉松期間嘅膠樽問題更加係超嚴重。單係2018年嘅倫敦馬拉松就用咗92萬個膠樽。最近倫敦馬拉松嘅主辦單位使用呢粒好似史萊姆嘅水珠Ooho做代替品,由初創公司Skipping Rocks Lab研發,使用海藻作為主要物料,包住啲水嘅表層係可食用嘅,即係全粒水珠可以啪入口,今年倫敦馬拉松已經正式使用,網民都讚賞呢個改動。而Ooho仲可以應用喺其他方面,入嚟有多啲相關資料。

Read more ›

日本Gundam Haro環保加濕器    唔駛用電加水用得
by / on 04/10/2018 at 7:30 am

日本Gundam Haro環保加濕器 唔駛用電加水用得

加濕器之前都出過唔少,不過呢款Gundam最可愛角色Haro嘅「ハロeco加湿器」就令人幾想買。特色在於唔駛用電,環保設計,加啲水就用得嘞。每個賣1944円,喺秋葉原同台場嘅Gundam Cafe,或者大阪嘅Gundam Square有得買,去開嘅朋友記住買返個。

Read more ›
崔成安「俠義龍情」環保Tote Bag 每個$120開訂
by / on 16/01/2018 at 9:00 pm

崔成安「俠義龍情」環保Tote Bag 每個$120開訂

正呀喂,崔成安又有新精品推出,今次係「俠義龍情」環保購物Tote Bag,有兩款,每個$120。兩個袋構圖都靚到犯規,若硬要二揀一的話,我會揀彩色嗰個,搶眼啲吖嘛,咁當然,最好就兩個都買晒喇。

Read more ›
【環保先鋒圖集】LEGO補牆超實用 忍者龜變裝飾品
by / on 11/12/2016 at 12:07 pm

【環保先鋒圖集】LEGO補牆超實用 忍者龜變裝飾品

環保唔單止買幾件環保產品,而係將本來想掉想放棄嘅嘢加少少創意,令佢可以重新使用。外國網搵咗好多成功案例,睇完會帶俾你好多靈感。例如LEGO原來係好好用嘅補牆工具,忍者龜又可以變成爛牆嘅裝飾品。我最欣賞係有家庭將屋企穿咗窿嘅位置裝裱起,下面再加返時地人,好似畫廊嘅展示品。外國人果然特別有幽默感。

Read more ›
【環保超市】丹麥超市專賣過期食品 網民大讚夠環保
by / on 29/02/2016 at 7:12 am

【環保超市】丹麥超市專賣過期食品 網民大讚夠環保

「最佳食用日期」唔等於「食物到期日」,不過好多人為方便起見,都會掉咗啲未過期嘅食物。最近丹麥就開咗間超級市場WeFood,入面賣嘅食物全部都係過咗期但依然食得嘅,售價比哥本哈根一般超市平50%,減低食物浪費之餘又可以惠及低收入嘅家庭,難怪網民都大讚。睇返資料,原來丹麥每日被棄置嘅食物足足有70萬公噸,唔知阿信屋有無興趣開返間呢?

Read more ›
【巴黎鞋陣代遊行】2萬對鞋進駐巴黎 安全表達環保訴求
by / on 01/12/2015 at 7:11 am

【巴黎鞋陣代遊行】2萬對鞋進駐巴黎 安全表達環保訴求

好壯觀!2萬2千對鞋擺晒喺巴黎廣場會係點?11月29日喺巴黎舉行世界氣候大會(COP21),呢兩日全球175個國家有超過72萬人出嚟遊行,呼籲各個國家首腦關注環保,今年舉辦國法國因為早前嘅恐襲,原訂有20萬人參加嘅大遊行被迫取消,不過一班環保人士就用咗好特別嘅方法表達佢哋嘅意見,就係喺巴黎嘅Place de la République擺放咗2萬2千對鞋,行唔到出嚟都要放對鞋出嚟,有啲鞋上面擺放咗鮮花、植物,有啲寫滿標語,全部都係表達佢哋對全球暖化、環保議題嘅訴求,好壯觀,巴黎人果然浪漫,連示威都特別有心思。

Read more ›

【防止玩水】環保浴簾4分鐘尖刺彈出 沖涼速戰速決
by / on 28/07/2015 at 7:12 am

【防止玩水】環保浴簾4分鐘尖刺彈出 沖涼速戰速決

沖涼係嘥得最多水嘅時間,沖沖吓唱首歌,啲水喺咁流好浪費。外國有設計師Elisabeth Buecher諗到呢個環保浴簾,重點係只得4分鐘時間沖涼,4分鐘後一支支嘅膠狀尖物就會吹漲,迫到入面嘅人迫住抹身離開。不過4分鐘似乎太少,特別係要洗頭嘅時候,起碼10分鐘先夠喎。

Read more ›
【男人的浪漫】最環保生日咭     40年來不斷互送
by / on 03/07/2015 at 7:16 am

【男人的浪漫】最環保生日咭 40年來不斷互送

送生日咭夠唔夠浪漫?未夠,同一張咭40年嚟大家互常送完又送,係咪更加浪漫?可惜兩位主角係兄弟,唔係情人。外國網友喺reddit放咗張黃色嘅生日咭,話係佢爹哋同叔叔40年來送嚟送去嘅生日咭,由1973年開始,玩咗超過40年!打開入面密密麻麻寫滿Jeff同Ron嘅簽名,張咭仲寫住話叫大家用完唔好掉,循環再用先夠環保,估唔到當年已經興環保!

Read more ›
洗衣機結合單車機      慳電又健康
by / on 01/05/2015 at 7:31 am

洗衣機結合單車機 慳電又健康

呢個發明有驚喜!香港女仔好鍾意踩單車機減肥,去親健身室都會見坐滿人。呢個發明就係將單車機同洗衣機結合,當踩單車时會帶動中間嘅衣物滾動,原理同洗衣機轉動一樣,而多出嚟嘅動力仲可以用嚟做螢幕顯示或者儲起將來用。睇落唔錯仲幾環保,唔知第時去健身踩單車機可唔可以賺埋洗?不過呢個北京市中央民族大學嘅學生發明仲係概念階段,未知幾時生產得。

Read more ›
執汽水罐換麥記    20個罐換1個芝士漢堡
by / on 29/08/2014 at 7:17 am

執汽水罐換麥記 20個罐換1個芝士漢堡

喺香港地執罐汽水罐嘅通常係老人家,瑞典斯德哥爾摩嘅麥當勞就唔同,鼓勵年青人執多啲汽水罐嚟換麥記食物。事緣每到夏天,附近嘅戶外公園同埋音樂祭都會製造大量垃圾,於是當地麥記就諗到呢個計劃,20個汽水罐就可以換一個芝士漢堡,40個罐就可以換巨無霸,戶外廣告牌仲變埋汽水罐收集箱,夠環保,好過送半價板燒雞腿包優惠券喎。 

Read more ›
綠色革命   神級Graffiti樹木變爆炸頭
by / on 07/07/2014 at 7:06 am

綠色革命 神級Graffiti樹木變爆炸頭

專家話經常對住個電腦芒,間中望吓綠色嘢,對雙眼會好啲。唔知網上見倒嘅綠色植物相又算唔算呢?香港成日話綠化,如果做到似外國街頭Graffiti咁有創意,將原來街上嘅樹木,配合原有環境加幾筆,變成一幅幅得意圖案例如爆炸頭,應該會喚起更多人對綠色環保嘅關注。入嚟有5個世界各地善用樹木畫成嘅Graffiti,可惜香港政府只會剷走Graffiti,想喺香港見倒應該發夢先得。

Read more ›

落雨天聰明設計   遮架盤栽最佳配搭
by / on 07/05/2013 at 8:24 am

落雨天聰明設計 遮架盤栽最佳配搭

嚟緊幾日都會持續落雨,出街記得帶遮。意大利家品設計師Teracrea最近設咗呢款reCOVER嘅產品,簡單得嚟好聰明,將平時掛遮掛衣帽嘅支架,設計成可以插入花盤嘅丫叉底部,以後落完雨把遮濕淋淋都可以隨手掛上架,順便幫盤栽淋水。不過問題係,如果成個月都唔落雨,個盆栽咪好坎坷?

Read more ›
太陽能電源插座   21世紀環保叉機
by / on 05/05/2013 at 3:41 pm

太陽能電源插座 21世紀環保叉機

呢個發明我真心欣賞,太陽能?環保?講就講得多,但點樣具體實行?呢個由Kyuho Snog & Boa Oh設計嘅太陽能叉座,可以吸啜喺玻璃表面,接收足夠嘅太陽後,會轉化成電器可以使用嘅電源,叉滿電後亦可以當流動電插座用,拎出街當尿袋用都得。暫時只係概念品,希望佢快啲量產,以後叉電都可以環保。

Read more ›
環保湯匙食得落肚   食飽不留痕
by / on 23/04/2013 at 3:37 pm

環保湯匙食得落肚 食飽不留痕

外國人對環保嘅堅持我真係好佩服,呢款由Triangle Tree設計,食得落周嘅湯匙,用粟米及多款天然食物製成,等你用少啲膠匙,食完乾手淨腳,湯匙都吞埋,又健康又環保,仲有三款味道,有原味、甜味及辣味,暫時仲係概念食品,不過相信離量產不遠了,推出的話,我一定買返包放喺公司。

Read more ›
喂喂喂!皮鞋變手機   英國製造sell環保
by / on 06/02/2013 at 7:40 am

喂喂喂!皮鞋變手機 英國製造sell環保

唔記得邊套周星馳戲有呢個場面,今次主角換上懶認真嘅西人,原來係環保企劃,唔講得笑。呢款電話名符其實係Walkie Talkie,鞋底裝上手機,可以傾電話或者send message。由英國公司O2同設計師Sean Miles合作,利用棄置手機結合二手鞋,設計咗四款變種手機,旨在提醒趕潮流嘅用家減少棄置手機製造污染。設計師話嚟緊仲會整多幾款手袋、手套嘅變種手機,喺3月展覽展出。話時話,每個電話只係用一隻鞋,諗落概念上都幾環保。

Read more ›